Vishimo 20:1-30
20 Vinyo vyeji kuhulamisanga mutu,+ kaha wala weji kunehesanga litavwi.+Weshowo mwavihungukila keshi namanganako.+
2 Kutenuka chamwangana chinapu nge kutahwoka chandumba.*+Ou mwasangumuna matoto amwangana mwahaka kuyoya chenyi muponde.+
3 Chapwa chamwaza mutu kulihenda kujipami,+Oloze vileya navalingisa mujipami.+
4 Muvwa keshi kuzata mungonde yakulimako,Oloze halwola lwakwaha eji kulombanga vyakulya omu nazeneka kupwa navyo.*+
5 Vishinganyeka vyamumuchima wamutu vinapu nge meya amulishima lyakukunama,Oloze mutu wakunangakana mwaviswitamo.
6 Vatu vavavulu veji kulijimbulanga ngwavo vatwama nazangi yakwilila,Oloze chapwa chachikalu kuwana mutu wakushishika.
7 Muka-kwoloka eji kutambukanga mwaya kulonga chenyi.+Kaha vana venyi* vaze navakasemuka navakawahilila.+
8 Nge mwangana natwame halitanda nakusopa milonga,+Eji kumonanga upi wosena.+
9 Iyaze mwahasa kuhanjika ngwenyi: “Ngunatomesa muchima wami,+Ngunatomo lyehi kushili yami”?+
10 Malolwa akupezalisa akutangisa navyesekelo vyamakuli,*Vyosena vinapu vyaunyengwe kumeso aYehova.+
11 Mwana* veji kumutachikijilanga kuvilinga vyenyi,Numba nge vyamwaza, vyakwoloka nyi chiku.+
12 Yehova ikiye atengeleMatwitwi akwivwila nameso akutalila.+
13 Kanda nauzanga tuloko kuchina naukahutwa.+Tona, kaha naukapwa navyakulya vyavivulu.+
14 Muka-kulanda eji kwambanga ngwenyi: “Chinapihi, chinapihi.”Kufumaho eji kuyanga nakulisasa.+
15 Ulu namalolwa akolale* vyapwa vyandando yayinene,Oloze mivumbo yakuhanjika vyuma vyachinyingi yinahambakana vyosena.+
16 Tambula uvwalo wayou nahane chijikilo hamukuli wamutu weka.+Kwachilamo chuma chimwe kachi nge nahane chijikilo hali pwevo muka-ujila.*+
17 Vyakulya mwawana mutu mujila yakutangisa vyapwa viyema,Oloze hakukuminyina mukanwa kenyi namukazala namalolwa.+
18 Kachi nge vatu vanatwame punga, vyuma vanajinyi vyeji kufukilanga.*+Kaha hakulwa jita kavangizenu jijila jamangana.*+
19 Muka-saki eji kuhitangana nakwambulula vihande vyakusweka.+Kanda naulikata namutu uze azanga kuyongola vakwavoko.*
20 Weshowo mwangula ise nanaye,Linongo lyenyi navalijima omu nakwiza milima.+
21 Luheto lwakuwana mujila yachipululu,Kalweshi kunganyalisa mutuko.+
22 Kanda nawamba ngwove: “Nangulinga sambanjinga.”+Talilila Yehova,+ kaha mwakulwila.+
23 Malolwa akupezalisa akutangisa* anapu aunyengwe kumeso aYehova.Kaha vyesekelo vyamakuli kavyapwa vyamwazako.
24 Yehova eji kutwaminyinanga jitambo jamutu.+Mutu mwahasa kutachikiza ngachilihi jijila jenyi?*
25 Chinapu muheto kuli mutu uze mwalusuka nakushika ngwenyi, “Echi chajila.”+Kufumaho himwashinganyeka jino hachuma chize nashiki.+
26 Mwangana wamangana eji kupepanga vaka-kuhuka nge muzungu,+Eji kuvazungulanga nalifumbo lyakuzungwisa kwijiva nge tiliku.+
27 Vyuma eji kuhanjikanga mutu vinapu* linongo lyaYehova,Lize nalisolola vili mumuchima wamutu.
28 Zangi yakwilila nakashishi vyeji kukinganga mwangana.+Zangi yakwilila nawa yeji kuzamisanga litanda lyenyi.+
29 Upahu wavakweze hingolo javo,+Kaha ulemu wavakulwane hijivwi javo.+
30 Vitunyu najimbandu vyeji kufumisanga upi.+Kaha vikote vyeji kutomesanga muchima wamutu.
Kwinyikila Chamwishi
^ Chipwe “chamwevu wandumba.”
^ Chipwe pamo, “Halwola lwakwaha eji kutondatondanga vyakulya oloze keshi kuviwanako.”
^ Hepe., “vana venyi vamalunga.”
^ Chipwe “Malolwa akupezalisa akulihandununa avali navyesekelo vyakulihandununa vivali.”
^ Hepe., “Mwana walunga.”
^ Tala Mukana waMazu.
^ Chipwe “pwevo weka.”
^ Chipwe “vyeji kuzamanga.”
^ Chipwe “kavangizenu kutwaminyina chamangana.”
^ Chipwe “uze eji kuhungumwisanga vakwavo namivumbo yenyi.”
^ Chipwe “Malolwa akupezalisa akulihandununa avali.”
^ Chipwe “jila yakutambukamo.”
^ Hepe., “Kuhwima chamutu chinapu.”