Vishimo 23:1-35
23 Kachi nge nautwama mangana ulyenga namwangana hamwe,Kaha kekesa kanawa omu vili vyuma.
2 Unda muchima*Kachi nge wafwa hakulya.
3 Kanda naufwila kulya chenyi chiyemako,Mwomwo chinapu kulya chakukuleleveka.
4 Kanda naulijiha nakutondatonda luhetoko,+Achitwame hamavu ushinganyeke kanawa.*
5 Mwomwo omu naulinga ngwove utale luheto luze unawane, mukasumuka lwauchi,+Nalusoka mavava nge ngonga nakutuka mwilu.+
6 Kanda naulya vyakulya vyamuka-lifwiko,*Kanda naufwila kulya chenyi chiyemako,
7 Mwomwo napu nge mutu uze mwalava vyuma nalingila mukwavo,Mwakwamba ngwenyi: “Lyako, nwako,” oloze kacheshi nakufuma kumuchima wenyiko.*
8 Kaha vyakulya vize unali nauvisaza,Ngocho unalishinyi tuhu kumusakwilila.
9 Kanda nauhanjika kuli chiheuko,+Mwomwo mwalumbilisa mazu ove amangana.+
10 Kanda naukasosolola ngiza yamwakako,+Chipwe kwingila kuwande wamwana wakuzeneka iseko.
11 Mwomwo Muka-kuvahakwila* apwa wangolo.Mwavahanjikilako nakumipayisenu.+
12 Haka muchima wove kukunangula,Nakutengeleka matwitwi ove kuchinyingi.
13 Kanda naukana kuzangamisa mwanako,*+Kachi nge mumuveta,* keshi kufwako.
14 Muvete,Mangana umulwile kuFuka.*
15 Ove mwanami, kachi nge mupwa namangana,Kaha muchima wami nauwahilila.+
16 Nanguwahilila mumuchima wami,*Omu mivumbo yove nayihanjika vyuma vyakwoloka.
17 Muchima wove kanda ukevwila lushiushiu vaka-shiliko,+Oloze mwivwenga Yehova woma shimbu yosena.+
18 Mwomwo mukayoya kanawa kulutwe,+Kaha vyuma watalilila kavyeshi kukatokako.
19 Ove mwanami, ivwilila upwenga namangana,Talikisa muchima wove mujila yakwoloka.
20 Kanda mulikata navaka-kunwa chikuma vinyo,+Chipwe navaka-kufwa hakulya nyamako.+
21 Mwomwo vaka-kupenda navaka-kufwa hakulya navakahutwa,+Kaha kuzembela tulo nachivwika mutu vipuzu.
22 Ivwilila iso uze akusemene,Kaha kanda naulumbilisa noko mwomwo ngwove nashinakajako.+
23 Landa* muchano, kaha kanda muulandululako,+Landa nawa mangana, nakunanguka, nakunangakana.+
24 Ise yamuka-kwoloka mwevwanga kuwaha,Kahou asema mwana wamangana mwawahililanga.
25 Iso nanoko navevwanga kuwaha,Kaha noko uze akusemene mwawahililanga.
26 Ove mwanami ngwivwilile,Kaha ivwilanga kuwaha jijila jami.+
27 Mwomwo pwevo muka-ujila napu nge wina wakukunama,Kaha pwevo wakulumbuka napu nge kalishima kakandende.+
28 Eji kuswaminyinanga vatu kwijiva nge chihwanga.+Kaha eji kulivulishilanga malunga vakuhona kushishika.
29 Iyaze ali navihuli? Iyaze nalizakamina?Iyaze ali navikokojola? Iyaze ali nakutatwoka?Iyaze ali najimbandu jakulitondela? Iyaze nachilana meso?
30 Shina uze mwashimbula nakunwa vinyo.+Uze ali nakutondatonda vinyo vyavisasu.
31 Kanda nautala vinyo omu vinachilanako,Omu vinalejima mulupasa, nomu navishikumuka kanawa hamiliu.
32 Mwomwo hakukuminyina navikusuma nge linoka,Kaha navilovola ulembe nge chiyenge.
33 Meso ove nawamona vyuma vyakukomwesa,Kaha muchima wove naukulingisa uhanjike vyuma vyakuhingama.+
34 Naupwa nge mutu uze nasavala hakachi kakalungalwiji.Nge uze nasavala kusongo yachitondo chakukashila lihina lyakutambukisa wato.
35 Kaha nawamba ngwove: “Vanangupupula, oloze kangwevwile kukolako.Vananguvete, oloze kangwatachikijileko.Lwola muka nanguhinduka?+Nangusaka kunwa wala ukwavo.”
Kwinyikila Chamwishi
^ Hepe., “Haka poko kumuliu wove.”
^ Chipwe pamo, “Litwamine kufwelela mukunangakana chove.”
^ Chipwe “vyayou ali naliso lyalipiko.”
^ Hepe., “oloze muchima wenyi kaweshi nayoveko.”
^ Hepe., “Muka-kuvasokola.”
^ Chipwe “kanyikeko; mukwezeko.”
^ Hepe., “mumuveta nachitondo.”
^ Chipwe “kuSheyole,” kulumbununa fuka yavatu vosena. Tala Mukana waMazu.
^ Hepe., “kujiso jami.”
^ Chipwe “Heta.”
