Vishimo 4:1-27
4 Enu vana vami, ivwililenu kukunangula chamasenu.+Hakenuko muchima mangana muwane kunangakana.
2 Mwomwo nangumihana jindongi jamwaza.Kanda namulumbilisa kunangula* chamiko.+
3 Ngwapwile ngumwana wamwenemwene kuli tata,+Kaha vanguzangile chikuma kuli mama.+
4 Tata angunangwile ngwenyi: “Muchima wove ukakachilenga kumazu ami.+Lamanga jishimbi jami mangana uyoyenga.+
5 Heta mangana, heta kunangakana.+Kanda nauvulyama vyuma nanguhanjika, chipwe kuvikanako.
6 Kanda nauseza manganako, kaha nawakukinganga.Azange, kaha nawakulamanga.
7 Mangana apwa amalemu chikuma,+ ngocho heta mangana.Havyuma vyosena muheta, heta kunangakana.+
8 Mona mangana kupwa amalemu, kaha nawakuzezula helu.+Nawakuvumbika mwomwo unawalinjilila.+
9 Nawakuvwika chilongo chajitemo jamwaza kumutwe wove.Nawakuvwika muchama waulangaji.”
10 Ove mwanami ivwilila, witavile mazu ami,Kaha myaka yakuyoya chove nayivula.+
11 Nangukunangula mwaya mangana.+Nangukutetekela mujijila jakusungama.+
12 Omu nautambuka, mahinji ove kaweshi kukahona kuzoza jitamboko.Omu naulaha, kaweshi kukahukanako.
13 Linjilila kukunangula, kanda uchechako.+Chilame, mwomwo hakiko hapendamina kuyoya chove.+
14 Kanda uya mujila yavaka-kuhukako,Kaha kanda utambuka mujila yavatu vavapiko.+
15 Kana kuya mujila yavo, kanda utambukamoko.+Lihende kuyamo, yikondoloke.+
16 Mwomwo vatu kana kaveshi kusavalako kuvanga vanalingi vyuma vyavipi.Kaveshi kuya mutuloko kuvanga vanalimbula mutu.
17 Veji kulyanga mbolo yakuvilinga vyavo vyakuhuka,Veji kunwanga vinyo yakuvilinga vyavo vyaulyanyi.
18 Oloze jila yavaka-kwoloka yinapu nge musana wakututuka chalikumbiUze weji kuyanga nakumunyika lika palanga nomu naliheta likumbi hamulungu.+
19 Jila yavaka-kuhuka yinapu nge milima.Kavatachikiza ovyo vyeji kuvalimbwisangako.
20 Ove mwanami, tengeleka matwitwi ove kumazu ami,Ivwilila kanawa vyuma nangukulweza.
21 Kanda nauvivulyamako,Vilamenga mumuchima wove.+
22 Mwomwo vinapu kuyoya kuli vaze navavilama,+Navivakafwa valikangule kumijimba.
23 Lamanga muchima wove+ kuhambakana vyuma vyosena weji kulamanga,Mwomwo kuyoya chove chapendamina hamuchima.*
24 Seza kuhanjika chakutangisa.+Lihende kuhanjikiso yakwonga.
25 Meso ove atale kulutwe,Shishika kulutwe kaha.+
26 Salamisa* jila yakutambukamo mahinji ove,+Kaha jijila jove josena najisungama.
27 Kanda uya kuchilyo chipwe kuchimosweko.+Kinga mahinji ove kujijila jajipi.
Kwinyikila Chamwishi
^ Chipwe “jishimbi.”
^ Hepe., “Mwomwo muchima ukiko kasulu kakuyoya.”
^ Chipwe pamo, “Kekesa kanawa.”
