Vishimo 6:1-35
6 Ove mwanami, kachi nge unahane chijikilo kumukuli wamukwenu,+Kachi nge unalikase chivwasano namutu weka,+
2 Kachi nge lushiko lwove lunakukase,Kachi nge mazu amukanwa kove anakulimbi,+
3 Linga ngana ove mwanami, mangana ulisokole ove ivene,Mwomwo unaholokela mumavoko amukwenu:Yako ulinyise kuli ikiye, umulembelele chikuma.+
4 Kanda uya mutuloko,Chipwe kusavalako.
5 Lipusunune ove ivene nge kayi mumavoko achinyanga,Nge kajila mumavoko amuka-kuta tujila.
6 Ove muvwa,+ yako kuli tuzenene,Utale omu veji kuzatanga, ulinanguleko mangana.
7 Numba tuhu kaveshi nakapitau, chipwe mukulwane, chipwe muka-kuvayulako,
8 Oloze veji kulongesanga kulya chavo mungonde yanonga,+Veji kukungululanga kulya chavo mungonde yakwaha.
9 Ove muvwa, nausavalanga palanga nakumwaka uka?Lwola muka nauhinduka kutulo twove?
10 Kuya mutulo chindende, kusavalako chindende,Kusuluvalako chindende,+
11 Nachilingisa uhutu ukulukuke nge chihwanga,Nakukalikiza nawa chikuwane nge muka-kulukuka.+
12 Mutu wamokomoko, wakuhuka atambuka nahanjikiso yakutangisa,+
13 Eji kunyachilanga vakwavo nameso enyi,+ nakuhana chinjikizo namahinji enyi, nakwinyijeka naminwe yenyi.
14 Atwama namuchima waupi,Kaha eji kujinanga vyuma vyavipi+ nakuneha vijindo.+
15 Shikaho vihuli navikamuwana mukukasumuna.Navakamuhokola wosena hokohoko mukapyapya kakandende kaha.+
16 Kuli vyuma 6 vize ahunga Yehova.Kuvili vyuma 7 vize evwila unyengwe:
17 Meso akatangalakaji,+ nalilimi lyakwonga,+ namavoko akumwanga manyinga amutu wakuzeneka mulonga,+
18 Namuchima wakujina vyuma vyavipi,+ namahinji akwanguhwila kukulinga upi,
19 Nachinjiho uze eji kuhanjikanga vyakwonga,+Namutu muka-kuneha vijindo muli ava vamuwana wakwavo.+
20 Ove mwanami, lamanga jishimbi jaiso,Kanda naukana jindongi* janokoko.+
21 Jilamenga mumuchima wove.Jikashilile mushingo yove.
22 Najikutwaminyina omu nautambuka,Najikulama omu nausavala.Najihanjika kuli ove* omu nauhinduka.
23 Mwomwo jishimbi jinapu linongo,+Jindongi jinapu mumunyi,+Kaha mazu akuhanjikila, akuhuhumuna anapu jila yakuyoya.+
24 Navikukinga kuli pwevo wamupi,+Kuli pwevo muka-ujila*+ uze eji kuhanjikanga namazu amavwovu.
25 Muchima wove kanda ukafwila kuwaha chenyiko,+Chipwe kumwitavisa akwoze nameso enyiko.
26 Lunga mwengila muuhutu hali pwevo muka-ujila.+Kaha pwevo lyambala mwenyekesa kuyoya* chamutu wamulemu.
27 Kutala mutu nahase kwokwela kakahya hatulo yenyi chakuzeneka uvwalo wenyi kuwema numba?+
28 Uno mutu nahase kutambuka hamakala akakahya chakuzeneka vilyachilo vyenyi kuwema numba?
29 Chochimwe namutu uze mwalisavala napwevo lyamukwavo,Kakweshi mutu mwakwata hali pwevo lyamukwavo navazeneka kuzangamisako.+
30 Vatu kaveshi kulumbilisa mwijikoKachi nge mweva mwomwo yakufwa zala.
31 Oloze nge vanamuwane, kaha vyuma vize evanga mwavishishisamo mapapa 7.Mwahana vikumba vyamuzuvo yenyi vyosena.+
32 Weshowo mwalinga ukoji napwevo, keshi namanganako.*Weshowo mwalinga chuma kanechi mwalyenyeka ivene.*+
33 Mwalitwa ivene jimbandu nakulisawisa,+Kaha kusauka chenyi kacheshi kukajimbanganako.+
34 Lisungu lyeji kwivwisanga lunga matoto,Kaha keshi kwivwa keke hakulinga sambanjingako.+
35 Keshi kwitavila kumufwetako,*Keshi kutambula wana woveko, numba utohwa tuhu ngachilihi.
Kwinyikila Chamwishi
^ Chipwe “jishimbi.”
^ Chipwe “Najikunangula.”
^ Chipwe “mwono.”
^ Hepe., “keshi namuchimako.”
^ Chipwe “mwenyeka mwono wenyi.”
^ Chipwe “kwitavila ndando yakusokolako.”