Vishimo 8:1-36
8 Mangana ali nakusanyika,
Uhashi wakukekesa vyuma uli nakutambakana nalizu lyawo.+
2 Mangana anemana havihela vyakulunduka+ kukulo yajila,Anemana kumakanyiko.
3 Ali nakutambika kwakamwihi navikolo vyanganda,Ali nakutambika kuwingililo,Ali nakutambika nalizu lyakukanguka ngwawo:+
4 “Enu vatu, nguli nakumisanyika,Nguli nakutambakana nalizu lyami kuli enu muvosena.*
5 Enu vatu vakuzeneka chinyingi, pwenu vakuzangama.+Enu vileya hetenu muchima wakunangakana.
6 Ngwivwililenu, mwomwo vyuma ngweji kuhanjikanga vyavilemu,Mivumbo yami yeji kuhanjikanga vyakwoloka.
7 Kanwa kami keji kuhanjikanga muchano.Mivumbo yami yahunga kuhanjika vyuma vyavipi.
8 Mazu osena akufuma mukanwa kami apwa akwoloka,Kamweshi kulovoka mazu akuhingama, chipwe akuhengako.
9 Apwa akusungama kuli vaze vakwechi uhashi wakukekesa vyuma,Apwa akwoloka kuli vaze vanawane chinyingi.
10 Sakulenu kunangula chami muchishishisa chapalata,Nachinyingi chami muchishishisa chaulu wamwaza.+
11 Mangana apwa amalemu kuhambakana malolwa akolale,*Vyuma vyosena mwazanga mutu kavyeshi kuteseka nawo hamweko.
12 Ami mangana ngwatwama hamwe nakuzangama.Ngunawane chinyingi nauhashi wakushinganyeka.+
13 Kumwivwa Yehova woma chalumbununa kuhunga upi.+Ngwahunga kulitohwesa, nakulivwimba,+ najila yayipi, nahanjikiso yakutangisa.+
14 Ngwaheta punga yamwaza, namangana amwenemwene.+Kunangakana+ nangolo+ vyapwa vyami.
15 Ngweji kukafwanga vamyangana vayulenga lika,Navilolo nawa vatungenga jishimbi jakwoloka.+
16 Ngweji kukafwanga vamyata vayulenga lika,Navatu vavalemu nawa vasopenga mukwoloka.
17 Ngwazanga vatu vaze vanguzanga,Kaha vaze navangutonda, navanguwana.+
18 Luheto naupahu vili kuli ami,Navikumba vyakwilila, nakwoloka nawa.
19 Mihako yami yinawahe kuhambakana ulu wakutomesa,Vyuma ngweji kuhananga vinawahe kuhambakana palata yamwaza.+
20 Ngweji kutambukanga mujila yakwoloka,Mujila yachiyulo.
21 Ngweji kuhananga uswana wamwenemwene kuli vaze vanguzanga,Kaha ngweji kuzalisanga visete vyavo.
22 Ami yami wakuputukilako kuvyuma atengele Yehova,+Yami wakulivanga kumilimo yenyi yakushikulu.+
23 Vangutongwele kumyaka yakunyima chikuma,+Kumaputukilo, shimbu apwile mavu auchiko.+
24 Ngwasemukile shimbu kanda kuchipwe tujinga vameya,+Shimbu kanda kuchipwe tuselwoke vakumbwambumuka meya.
25 Shimbu kanda jipili jipwenga muvihela vyajo,Shimbu kanda mikandu yipwengako.
26 Ngwasemukile shimbu kanda atenge mavu navipapa vyawo,Shimbu kanda atenge maundu amavu.
27 Kungwapwile omu atengele melu,+Nomu apulile ngiza kuze kwakumina meya,+
28 Nomu azamishile* mavwi mwilu,Nomu azalishile myambe nameya.
29 Nomu ahakileko lushimbi ngwenyi meya amukalungalwijiKanda ahambakana haseteko yawoko,+Nomu azamishile vihela vyamavu.
30 Ngwapwilenga nenyi hamwe, ngukuluwa muka-kuzata,+Ami yami evwililenga kuwaha chikuma+ hakumbi hakumbi,Ngwawahilililenga kumeso enyi lwola lwosena,+
31 Ngwawahililile namavu enyi akutwama vatu,Kaha ngwevwililenga kuwaha vana vavatu.*
32 Ngocho enu vana vami, ngwivwililenu.Vawahilila vaze navalamanga jijila jami.
33 Ivwililenu kukunangula chami,+ kaha namupwa namangana.Kanda namuchikanako.
34 Awahilila mutu uze mwangwivwilila,Uze mwalivanga kwiza* kuvikolo vyami hakumbi hakumbi.Uze mwavandamina kuvijilo vyami.
35 Mutu uze mwanguwana, mwawana kuyoya,+Kaha Yehova mwamwivwila uselewa.
36 Oloze mutu uze mwanguliula mwalilemeka ivene.*Kaha vaze vanguhunga vazanga kufwa.”+
Kwinyikila Chamwishi
^ Hepe., “kuli enu vana vavatu.”
^ Tala Mukana waMazu.
^ Hepe., “ahanyine ngolo.”
^ Chipwe “kuwaha vatu.”
^ Chipwe “Uze mwanyingamina.”
^ Chipwe “mwalemeka mwono wenyi.”
