VyavaLevi 12:1-8
-
Kulitomesa kufuma hakusapuluka (1-8)
12 Yehova ahanjikile lika kuli Mose ngwenyi:
2 “Lweza vaIsalele ngwove, ‘Kachi nge pwevo mwemita lijimo nakusema mwana walunga, kaha uze pwevo mwapihya hamakumbi 7, ngana muze eji kupihyanga nge ali kukakweji.+
3 Halikumbi lyakusokesa 8, vakajihane uze mwana.+
4 Kaha uze pwevo alitomesenga lika kumanyinga hamakumbi 33. Kanda akakwata chuma chajilako, chipwe kwingila muchihela chajilako, palanga nomu nawakakuma makumbi enyi akulitomesa.
5 “‘Oloze nge mwasema mwana wapwevo, kaha uze pwevo mwapihya hamakumbi 14 ngana muze eji kupihyanga nge ali kukakweji. Kaha alitomesenga lika kumanyinga hamakumbi 66.
6 Kahomu nawakatamo makumbi enyi akulitomesa hali mwana walunga chipwe wapwevo, akanehe mwanamukoko wachizamba wamwaka umwe kupwa wana wakulumba.+ Akanehe nawa mwanakakwilimba chipwe katela wawana wahashili kuchikolo chambalaka yakuliwanyina kuli kapilishitu.
7 Uze kapilishitu akanehe mawana kana kumeso aYehova, akalingile uze pwevo chakufwika hashili. Kaha mwakatoma kumanyinga enyi. Elu lukiko lushimbi lwayou mwasema mwana walunga chipwe wapwevo.
8 Oloze nge nahono kuhana mukoko, kaha akanehe tutela vavali chipwe vana vatukwilimba vavali,+ umwe wawana wakulumba, mukwavo wawana wahashili, kaha kapilishitu mwakamulingila chakufwika hashili, kaha mwakatoma.’”
