WaChimoteu 1 2:1-15
2 Chatete nangumikolezeza ngwami lombelenungako vatu vosena nakulomba chakulembelela, nakulomba chakulilombelako navakwenu, nakulomba chakusakwilila,
2 hohamwe vene navamyangana navosena vaze vali muvihela vyavilemu,+ mangana tutwamenga kumatwitwi keke, mukuunda, nakupwa namuchima wakuzachila Kalunga nakuhakanga mangana kuvyuma.+
3 Echi chinapu chamwenemwene, kaha vachitavila nawa kumeso aMulwilo wetu Kalunga,+
4 uze ajina ngwenyi vatu vosena vavalwile,+ ngwenyi, vapwenga nachinyingi chakwoloka chakutachikiza muchano.
5 Mwomwo kuli Kalunga umwe kaha,+ naMuka-kuwanyisa nawa umwe+ kaha mukachi kaKalunga navatu, Kulishitu Yesu, mutu+
6 uze alihanyine ivene kupwa ndando yakulitombola yakusokola vatu vosena*+—kahechi chikiko navakambulula kupwa unjiho halwola lwacho.
7 Mwomwo yaunjiho kanou,+ vangutongwele ngupwenga ngumuka-kwambulula kaha nawa ngukaposetolo.+ Nguli nakuhanjika mwamuchano, kangweshi nakulyongako. Vangutongwele ngupwenga ngumuka-kunangula+ vaka-mafuchi vyalufwelelo namuchano.
8 Ngocho ngunasake ngwami kuvihela vyosena, malunga valombenga lika, nakuzundula mavoko ajila+ chakuzeneka matoto najipami.+
9 Chochimwe nawa, ngunasake ngwami mapwevo valiwahisenga vavene nauvwalo wakutamo,* mukavumbi nakushinganyeka mwamangana, keshi namiyachi yeka nayeka yakuvinda jikambuko, chipwe nauluko, chipwe najipelako, chipwe nauvwalo wandando yayinene chikumako,+
10 oloze shina mujila yize yatela mapwevo vaze valivuluka ngwavo vevwa Kalunga woma,+ chikiko kwamba nge, kuhichila mumilimo yamwaza.
11 Pwevo alinangulenga muuholela* nakuliluula chosena.+
12 Kangweshi kwitavila pwevo ananguleko, chipwe kupwa nangolo jakuyula lungako, oloze aholenga kulu.*+
13 Mwomwo Alama ikiye watete kutenga, numbanyi vatenge Eve.+
14 Kaha nawa Alama kavamutangishileko, oloze pwevo vamutangishile chikupu,+ kaha alingile shili.
15 Chipwe ngocho, pwevo mwakapwa wakukingiwa kuhichila mukusema vana,+ chikalu kwanatwame* lika mulufwelelo, namuzangi, namukujila, namukushinganyeka mwamangana.+
Kwinyikila Chamwishi
^ Chipwe “vatu veka naveka vosena.”
^ Chipwe “nauvwalo wakavumbi.”
^ Chipwe “mukulihulika.”
^ Chipwe “aundenga muchima.”
^ Hela., “chikalu kuvanatwame.”