WaChimoteu 2 4:1-22
4 Nangukulweza kumeso aKalunga naKulishitu Yesu ou mwakasopesa+ vavatonyi navafu+ hakusoloka chenyi+ naWangana wenyi+ ngwami:
2 Ambulula mazu,+ anguhwisa kuwambulula mulwola lwamwaza namulwola lwalukalu, vahanjikile,+ vakande, valembelele namuchima wosena wakutalilila chikoki nauhashi wakunangula.+
3 Mwomwo nakukeza lwola omu kaveshi kukevwilila kukunangula chamwenemweneko.*+ Oloze kweseka nakufwila chavo vavene, navakalikungulwila vaka-kuvanangula, mangana vakevwe vize navasaka kwivwa kumatwitwi avo.+
4 Kaha kaveshi kukevwilila kumuchanoko, oloze navakahaka michima yavo kuvihande vyamakuli.
5 Oloze ove lamanga uhashi wove wakushinganyeka muvyuma vyosena, ijiva kumona tuhu ukalu,+ zata mulimo wamuka-kwambulula mujimbu wamwaza,* tesamo kanawa mulimo wove.+
6 Mwomwo ami hivali lyehi nakunguhingununa nge wana wavinyo hachimuna wakuvatula,+ kaha lwola luvene lwakungusokola+ luli mwakamwihi.
7 Ami ngunalu lyehi jita yamwenemwene,+ ngunalahe palanga nakusongo,+ ngunalame lufwelelo.
8 Kufuma vene halwola luno, vanangulamina muchama wakwoloka+ uze Mwata, muka-kuyula wakwoloka+ mwakanguhana ami kupwa fweto halikumbi lize,+ kaha keshi ami kahako, oloze navosena nawa vaze vanazange kusoloka chenyi.
9 Eseka nangolo jove wizenga washi kuli ami.
10 Mwomwo Ndemase nanguseze, nazange katwamino kamyaka yino,* kaha nayi kuTesolonyika. Kelesene nayi kuNgalesha, Chituse nawa nayi kuNdalamachiya.
11 Luka kaha ikiye ali nayami kuno. Twaya naMako kuno, mwomwo mwangukafwako mumulimo.
12 Oloze Tukiku+ ngunamutumu kuEfwesu.
13 Omu nawiza, nguhichike chikuto chize ngwasezele kuTolowa kuli Kalapu, namikanda yakuvunga nawa, chikumanyi mikanda yamalambu.
14 Alekesande uze muka-kufula unengu angulingile mwamupi chikuma. Yehova* mwakamushishishilamo kweseka navilinga vyenyi.+
15 Nayove nawa watela kuzangama nenyi mwomwo emanyinyine chikuma mazu etu nakole.
16 Hakulihakwila chami chatete, naumwe wauchi apwile kusali yami, vosena vangusezele. Kaha kanda navavahana mulongako.
17 Oloze Mwata emanyine kusali yami, nakunguhana ngolo, mangana mulimo wakwambulula vautesemo wosena kuhichila muli ami, kaha nawa vaka-mafuchi vosena vahase kuwivwa.+ Kaha vangupululwile kukanwa kandumba.+
18 Mwata mwangupululula kumilimo yayipi yosena, kaha mwangulwila ngukapwe muWangana wenyi wamwilu.+ Kuli ikiye kupwenga upahu haya myaka namyaka. Amene.
19 Ngumenekeleko Pilishila naAkwila,+ navaze vakuzuvo yaOnesefwolu.+
20 Elasatu+ asalile muKolinde, oloze Tolofwimu+ ngwamusezele kuMiletu mwomwo yakuviza.
21 Eseka nangolo jove wizenga kuno shimbu ngonde yachishika yichili kanda.
Yuvulu nakumenekako, naPutene, naLinu, naKolochiya, navandumbwetu vosena nawa.
22 Mwata apwenga nayove hashipilitu yove weji kusololanga. Likoji lyenyi lyalinene lipwenga nayenu.
Kwinyikila Chamwishi
^ Chipwe “chachikanguleko; changanyoko.”
^ Chipwe “ambululanga lika mujimbu wamwaza.”
^ Tala Mukana waMazu.
^ Tala Chihande A5.
