WavaHepeleu 1:1-14
1 Kushikulu Kalunga ahanjikile kuli vakakuluka jetu kuhichila muli vapolofweto halwola lwakulisezaseza namujijila jeka najeka.+
2 Jino nahanjika kuli etu nawa kukukuma chamakumbi ano kuhichila muli Mwanenyi,+ uze atongwele kupwa swana wakuswana vyuma vyosena,+ muli ikiye nawa mukiko alingishile tutwamino twamyaka* tupwengako.+
3 Ikiye eji kusololanga upahu waKalunga,+ ikiye vene chifwanyisa chomu apwa Kalunga,+ kaha eji kulamanga vyuma vyosena nalizu lyangolo jenyi. Kaha omu alingile hanakumisa lyehi mulimo wakutomesa jishili jetu,+ atwamine kulivoko lyachilyo lyaUze waUkelenga mwilu.+
4 Ngocho napu wamulemu kuhambakana vangelo,+ hakuwana nge naswane lijina lyamwaza chikuma kuhambakana majina avo.+
5 Chakutalilaho, kangelo muka valwezaho lyehi kuli Kalunga ngwenyi: “Ove umwanami, likumbi lyalelo ami ngunapu nguiso”?+ Kaha nawa ngwenyi: “Ami nangukapwanga nguise, kaha ikiye mwakapwanga mwanami”?+
6 Kahomu mwakatuma cheka Mwanenyi Watwatwa+ hamavu, mwakamba ngwenyi: “Vangelo jaKalunga vosena valifukule kuli ikiye.”*
7 Ahanjika nawa hali vangelo ngwenyi: “Eji kulingisanga vangelo jenyi kupwa vatu vakushipilitu, nakulingisa nawa vaka-kumuzachila*+ kupwa mulangi wakakahya.”+
8 Oloze hakuvuluka Mwanenyi amba ngwenyi: “Kalunga ikiye litanda lyove+ haya myaka namyaka, kaha mbwechi yaWangana wove yapwa mbwechi yakusungama.*
9 Ove wazangile kwoloka, kaha wahungile upapwoki. Shikaho Kalunga, ou Kalunga kove, akuwavishile+ namaji akuneha kuwahilila kuhambakana vakwenu.”+
10 Amba ngwenyi: “Ove Mwata, kukuputuka walile vihela vyamavu, kaha melu anapu milimo yamavoko ove.
11 Evi navikanonga, oloze ove naupwangako lika. Vyosena navikalyenyeka nge uvwalo,
12 kaha naukavivunga nge chikuto, nge uvwalo, kaha navikalumuka kupwa mweka. Oloze ove kawalumukako, kaha myaka yove kayeshi kukakumako.”+
13 Uno kangelo muka vambaho lyehi kuli ikiye ngwenyi: “Twamanga kulivoko lyami lyachilyo palanga nomu nangukahaka vaka-kole jove kupwa chitwamo chakulyata mahinji ove”?+
14 Kutala vosena kavapwa vashipilitu vaka-kuzata mulimo wajila,*+ vaze vatuma vazachilenga vaze navakaswana ulwiloko nyi?
Kwinyikila Chamwishi
^ Tala Mukana waMazu.
^ Chipwe “vamufukamine.”
^ Chipwe “vangamba jenyi vaka-kuzachila vatu.”
^ Chipwe “yachiyulo.”
^ Chipwe “mulimo wakuzachila vatu.”
