WavaHepeleu 13:1-25
13 Zangi yenu yakuzanga vandumbwetu yitwaleho lika.+
2 Kanda namuvulyama kusololanga chisamboko,*+ mwomwo mukiko vamwe vatambwilile vangelo chakuzeneka vakiko kutachikiza.+
3 Anukenunga vaze vanakase mukamenga,*+ kwijiva nge vanamikashila navakiko hamwe,+ navaze vali nakuyanjisa mwomwo nayenu nawa muchili lika mumujimba.*
4 Ulo vauvumbikenga kuli vosena, kaha kahela kaulo kanda vakakapihisako,+ mwomwo Kalunga mwakasopesa vaka-ujila* navaka-ukoji.+
5 Kutwama chenu chipwenga chakuzeneka kuzanga jimbongo,+ oku munasuuluka navyuma muli navyo.+ Mwomwo ikiye nambe ngwenyi: “Kangweshi kukakusezako, kangweshi kukakumbilako.”+
6 Ngocho natuhasa kumika chikuma nakwamba ngwetu: “Yehova* ikiye muka-kungukafwa, kangweshi kwivwa womako. Mutu mwangulinga ikaze?”+
7 Anukenu vaze vali nakutwaminyina muli enu,+ vaze vanahanjika mazu aKalunga kuli enu, kaha hakushinganyeka omu yili jino twamiso yavo, londezezenunga lufwelelo lwavo.+
8 Yesu Kulishitu apwa youmwe nazau, nalelo, nahaya myaka yosena.
9 Kanda navamihungumwisa nakunangula cheka nacheka chaungejiko, mwomwo chinawahe muchima vaujikijise nalikoji lyalinene, keshi navyakulya* vize kavyeshi kunganyalisa vaze vavifwila chikumako.+
10 Etu tuli nalijiko lyakulumbila, kaha vaka-kuzata mulimo wajila kumbalaka kaveshi nalisesa lyakulya kulijiko kanako.+
11 Mwomwo mijimba yavimuna vaze vakwechi manyinga avo aze kapilishitu wakulitulaho eji kutwalanga muchihela chajila kupwa wana wahashili, veji kuyilumbilanga kuweluka wachilombo.+
12 Shikaho naYesu nawa ayanjilile kuweluka wachikolo changanda+ mangana alingise vatu kupwa vajila namanyinga enyi.+
13 Ngocho tuyenu kuli ikiye kuweluka wachilombo, vakatutoleke nge muze vamutolekele ikiye,+
14 mwomwo hano katweshi nanganda yakwililako, oloze tuli nakutondatonda chikuma yize yili nakwiza.+
15 Kuhichila muli ikiye, tumuhanenunga Kalunga shimbu yosena chimuna wakuvatula wakumwalisa,+ yikiko mihako yamivumbo yetu+ yize yeji kuhanjikanga hatoma vyalijina lyenyi.+
16 Kaha nawa kanda namuvulyama kulinganga mwamwaza nakwazananga vyuma vyenu navakwenuko,+ mwomwo Kalunga eji kwivwilanga kuwaha vimuna vakuvatula vangocho.+
17 Ononokenunga kuli vaze vali nakutwaminyina muli enu,+ nakuliluula kuli vakiko+ hakuwana nge vali nakumilama,* mwomwo navakalyambulula kuli Kalunga,+ mangana valingenga ngocho nakuwahilila keshi nakulishimwokako, mwomwo echi nachiminehela ukalu.
18 Tulombelenungako lika, mwomwo tunafwelela ngwetu tuli nachivezu chamwaza* omu tuli nakusaka ngwetu tupwenga vakashishi muvyuma vyosena.+
19 Oloze chikumanyi nguli nakumilembelela ngwami mulombenga mangana vanguhilwise washi kuli enu.
20 Jino Kalunga wakuunda uze asangwile kafunga kamikoko wamunene,+ Mwata wetu Yesu uze apwile namanyinga alushiko lwahaya myaka yosena,
21 amihane vyuma vyamwaza vyosena mangana mulinge mwaya muchima wenyi, azate nawa muli etu vyuma vyakumwivwisa kuwaha kuhichila muli Yesu Kulishitu. Kuli ikiye kupwenga upahu haya myaka namyaka. Amene.
22 Jino enu vandumbwetu, ngunamilembelela mwivwilile kanawa mazu awa akumikolezeza, mwomwo ngunamisonekela mukanda wawihi.
23 Nguli nakusaka mutachikize ngwenu ndumbwetu Chimoteu vanamukasununa. Kachi nge mweza washi, kaha nangwiza nenyi hamwe nakumimona.
24 Ngumenekelenuko vosena vaze vali nakutwaminyina muli enu, navaka-kujila vosena. Vaze vali muItalya+ vanamimeneka.
25 Likoji lyalinene lipwenga nayenu muvosena.
Kwinyikila Chamwishi
^ Chipwe “kusolwelanga vangeji likojiko.”
^ Hela., “vaze vanakase; vaze vanakase mumalenge.”
^ Chipwe pamo, “kwijiva nge muli nakuyanda navo hamwe.”
^ Tala Mukana waMazu, “Ujila.”
^ Tala Chihande A5.
^ Kulumbununa, jishimbi jakutalisa kuvyakulya.
^ Chipwe “vali nakulama myono yenu.”
^ Chipwe “chakashishi.”
