Wavaka-Efwesu 2:1-22
2 Kaha nawa Kalunga amilingishile kupwa muvavatonyi numba tuhu mwapwilenga muvafu kuvilinga vyenu vyakuhenga namujishili jenu,+
2 muze mwatambukilenga halwola lumwe nge omu mwaya katwamino kamyaka yakaye kano,*+ nge omwo atwala muka-kuyula wata wapeho,+ yikiko shipilitu+ yize yili nakuzata noholili muli vana vakulikanga.
3 Halwola lumwe, nayetu tuvosena nawa twatwaminenga muli vakiko nakukavangiza mwaya kufwila chamujimba+ wetu, twalingilenga mwaya kufwila chamujimba wetu navishinganyeka vyetu,+ kaha twapwilenga tuvana vandombo+ nge omu vapwa vatu veka.
4 Oloze Kalunga hakupwa muka-kutetela chikuma,+ kaha nawa mwomwo yazangi yenyi yayinene yize atuzangile,+
5 atulingishile kupwa tuvavatonyi hamwe naKulishitu, numba tuhu twapwilenga tuvafu kuvilinga vyetu vyakuhenga,+ kaha halikoji lyalinene hakiko vene vanamilwilila.
6 Kaha nawa atusangwile hamwe, atutwamishile hamwe muvihela vyamwilu hakulikata naKulishitu Yesu,+
7 mangana ngwenyi mututwamino twamyaka* yize yili nakwiza, akatusolwele luheto lwakumbwambumuka lwalikoji lyenyi lyalinene hakeke yenyi* hakulikata chetu naKulishitu Yesu.
8 Halikoji kaneli lyalinene hakiko vanamilwili kuhichila mulufwelelo,+ kaha echi kachalingiwile mukusaka chenuko, oloze chinapu kaha wana waKalunga.
9 Kaha nawa kachalingiwile hamilimo yenuko,+ kuchina mutu umwe mwapwa nahakulisashila.
10 Etu tunapu tuvyuma vyakutenga+ vyaKalunga, kaha vatutengele tulikate naKulishitu Yesu+ mangana tulingenga vilinga vyamwaza vize Kalunga atuvulukilile chimweza ngwenyi tuvilingenga.
11 Shikaho anukenunga ngwenu halwola lumwe, enu vatu vakumafuchi eka vakusemuka kumujimba, vamivulukilenga ngwavo “vilima” kuli vaze vavulukilenga ngwavo “vangalami” vakujihana kumujimba namavoko avatu.
12 Halwola kana luze, kamwatachikijile Kulishituko, mwahandunukile kumuyachi waIsalele, mwapwile muvatu veka kujishiko jize vashikile,+ kamwapwilenga nalutalililoko, kaha kamwamutachikijile Kalunga muno mukayeko.+
13 Oloze jino hakulikata naKulishitu Yesu, enu mwapwilenga kwakusuku, munapandama jino mwakamwihi kuhichila mumanyinga aKulishitu.
14 Mwomwo ikiye napu kuunda+ chetu, uze awanyishile mazavu avali kupwa limwe kaha,+ nakupuzula mbango yize yavahandunwine mukachi.+
15 Kaha kole ayikumishile namujimba wenyi, eyi kole yikiko Jishimbi jize jikwechi jindongi namazu akuyula, mangana awanyise mazavu avali kupwa mutu umwe wamuhya hakulikata naikiye,+ nakuneha kuunda,
16 nakuneha mazavu avatu avali mumujimba umwe nakuvawanyisa kuli Kalunga nachitondo chakuyanjishila,*+ mwomwo yize kole ayijihile+ namujimba wenyi.
17 Kaha ejile nakuvilika mujimbu wamwaza wakuvuluka kuunda kuli enu mwapwilenga kwakusuku, nakuli vaze vapwilenga nawa kwakamwihi,
18 mwomwo kuhichila muli ikiye, etu mazavu avatu avali, mukiko tunahashila kupandama kuli Setu nashipilitu yimwe.
19 Shikaho kamweshi cheka muvatu veka chipwe muvamwizako,+ oloze munapu jino muvaka-lifuchi limwe+ navaka-kujila, kaha nawa munapu muvatu vakuzuvo yaKalunga.+
20 Vanamitungila lyehi hachihela chavaposetolo navapolofweto,+ oku nawa Kulishitu Yesu ikiye lilolwa lyamumbango lyachihela chazuvo.+
21 Hakulikata naikiye, zuvo yosena hakuyinungasana kanawa vihanda vyayo hamwe,+ yili nakukula nakupwa tembele yajila yaYehova.*+
22 Hakulikata naikiye, nayenu nawa vali nakumitunga hamwe mupwenga chihela chakutwamanga Kalunga mushipilitu.+
Kwinyikila Chamwishi
^ Chipwe “nge omu mwaya vilinga vyakaye kano.”
^ Tala Mukana waMazu.
^ Chipwe “hauselewa wenyi.”
^ Tala Mukana waMazu.
^ Tala Chihande A5.
