Wavaka-Kolinde 1 8:1-13
8 Jino kutalisa kuvyakulya vyakuhana kumakombelo,+ tunatachikiza ngwetu tuvosena tuli nachinyingi.+ Chinyingi cheji kunehanga kulivwimba, oloze zangi yeji kutunganga.+
2 Kachi nge mutu nashinganyeka ngwenyi atachikiza vyuma vimwe, mutu kana katachikijile kanawa vyuma kana nge muze atela kuvitachikizako.
3 Oloze nge mutu azanga Kalunga, mutu kana vamutachikiza kuli Kalunga.
4 Jino kutalisa kukulya vyakulya vyakuhana kumakombelo, tunatachikiza ngwetu, likombelo lyamokomoko+ mukaye, kaha nawa kakweshi Kalunga wekako, shina umwe kaha.+
5 Mwomwo numba tuhu kuvali vaze vavuluka ngwavo tulunga, chipwe mwilu chipwe hamavu,+ nge muze vene kwatwama “tulunga” vavavulu “navamyata” vavavulu.
6 Oloze etu twatachikiza Kalunga umwe kaha,+ Setu,+ kuze kwafuma vyuma vyosena, kaha twapwako mwomwo yaikiye.+ Kaha nawa kuli Mwata umwe kaha, Yesu Kulishitu, muli ikiye mukiko munejila vyuma vyosena,+ nayetu nawa twapwako kuhichila muli ikiye.
7 Chipwe ngocho, keshi nge vosena vali nachinyingi kanechiko.+ Oloze vamwe hakuwana nge kunyima valikachilenga namakombelo, veji kumonanga vyakulya veji kulyanga kwijiva nge vyakuhana kumakombelo,+ kaha chivezu chavo hakupwa chakuhehela, cheji kupihyanga.+
8 Oloze kulya kacheshi kutupandamisa kuli Kalungako.+ Kachi nge katweshi kulya vyakulyako, katwapihishileko, kachi nge natulya, katwawahishileko.+
9 Oloze nyingililenunga lika kuchina lisesa lyenu lyakusakula vyuma nalipwa chimbunji chakuhukanyisa vaze vahehela.+
10 Mwomwo kachi nge mutu mwamona ove uli nachinyingi uli nakulya vyakulya mutembele yalikombelo, kutala chivezu chamutu uze ahehela kacheshi kumulingisa jino alyenga vyakulya vyakuhana kumakombeloko nyi?
11 Ngocho mutu uze nahehela, uze apwa ndumbwove vafwilile kuli Kulishitu,+ uli nakumwenyeka nachinyingi chove.
12 Omu namulinga shili kuli vandumbwenu nakulemeka vivezu vyavo vize vinahehela,+ muli nakulinga shili kuli Kulishitu.
13 Shikaho, kachi nge kulya nachihukanyisa ndumbwami, kaha kangweshi kukalya cheka nyamako, mangana nguzeneke kuhukanyisa ndumbwami.+
