Wavaka-Tesolonyika 2 1:1-12
1 Ami Paulu nguli hamwe naShilivanu* naChimoteu,+ kaha nguli nakusonekela chikungulwilo chavaka-Tesolonyika chize chalikata naKalunga Setu, naMwata wetu Yesu Kulishitu:
2 Likoji lyalinene nakuunda vyakuli Kalunga Setu naMwata Yesu Kulishitu vipwenga nayenu.
3 Enu vandumbwetu, shimbu yosena tweji kumusakwililanga Kalunga hali enu. Echi chinapu chakutamo, mwomwo lufwelelo lwenu luli nakuya nakutohwa chikuma, kaha zangi yenu muvosena yakulizanga navakwenu yili nakutohwelako.+
4 Ngocho, tweji kulisashilanga hali enu+ kuvikungulwilo vyaKalunga mwomwo yalukakachila lwenu nakushishika chenu muluyando lwenu* lwosena navihuli muli nakumona.*+
5 Vyosenevi vinapu unjiho wakusolola chiyulo chaKalunga chakwoloka, mangana vakamimone ngwavo mwatela Wangana waKalunga, ou vene muli nakuyanjila.+
6 Mwomwo chinoloka kuli Kalunga kuvashishishilamo luyando vaze veji kuminehelanga luyando.+
7 Oloze enu muli nakumona luyando, navakaminokesa nayetu hamwe, halwola lwakusolola Mwata Yesu+ kufuma mwilu hamwe navangelo jenyi vangolo+
8 mumilangi yakakahya, hakuzangamisa vaze vazeneka kutachikiza Kalunga, navaze vanakane kwononoka kumujimbu wamwaza wakuvuluka Mwata wetu Yesu.+
9 Vatu kana ava navakavazangamisa nakunongesa chahaya myaka yosena,+ nakuvafumisa kumeso aMwata nakuupahu wangolo jenyi,
10 omu mwakeza mangana vakamutohwese muli vatu jenyi vajila, nakumukomoka halikumbi lize muli vosena vaze vapwile nalufwelelo, mwomwo mwetavilile unjiho uze twamyambulilile.
11 Shikaho tweji kumilombelangako shimbu yosena mangana ngwetu, Kalunga ketu amimone kupwa vakutamo kuli echi kusanyika amisanyika,+ kaha mungolo jenyi alinge mwamwenemwene muze evwila kuwaha nakutesamo vyuma munalinginga nalufwelelo lwenu.
12 Echi chinapu ngocho mangana lijina lyaMwata wetu Yesu vakalitohwese muli enu, kaha enu nawa muli ikiye, kweseka nomu mwaya likoji lyalinene lyaKalunga ketu nalyeli lyaMwata Yesu Kulishitu.
Kwinyikila Chamwishi
^ Vamuvuluka nawa ngwavo Shilase.
^ Chipwe “mumalwa enu.”
^ Chipwe “muli nakumika.”
