WaYowano 1 5:1-21
5 Weshowo mwetavila ngwenyi Yesu ikiye Kulishitu nasemuka kuli Kalunga,+ kaha weshowo azanga Kalunga azanga nawa weshowo nasemuka kuli ikiye.
2 Kachi nge natuzanga Kalunga nakulamanga jishimbi jenyi, kaha natutachikiza ngwetu twazanga vana vaKalunga.+
3 Mwomwo kuzanga Kalunga chalumbununa kulamanga jishimbi jenyi,+ kaha jishimbi jenyi kajapwa nge hichiteliko,+
4 mwomwo weshowo nasemuka* kuli Kalunga eji kufungululanga kaye.+ Kaha kaye tunakafungulula lyehi nalufwelelo lwetu.+
5 Iyaze mwahasa kufungulula kaye?+ Kumana keshi ou nafwelela ngwenyi Yesu ikiye MwanaKalungako nyi?+
6 Ou ikiye vene uze ejile kuhichila mumeya namumanyinga, Yesu Kulishitu, keshi nameya kahako,+ oloze nameya namanyinga.+ Kaha shipilitu yili nakwambulula unjiho,+ mwomwo shipilitu yapwa muchano.
7 Kaha kuli vyuma vitatu vyeji kusololanga unjiho:
8 shipilitu,+ nameya,+ namanyinga,+ kaha evi vitatu vyaya mwomumwe.
9 Kachi nge tweji kwitavilanga unjiho wavatu, kahanyi unjiho waKalunga unahambakana wavatu. Mwomwo ou ukiko unjiho nahane Kalunga wakuvuluka Mwanenyi.
10 Mutu uze mwafwelela MwanaKalunga netavila lyehi unjiho vanamuhane. Oloze mutu azeneka kufwelela Kalunga namumono kupwa muka-kwonga,+ mwomwo ketavilile unjiho vanamwambulila kuli Kalunga wakuvuluka Mwanenyiko.
11 Kaha ou ukiko vene unjiho ngwavo, Kalunga atuhanyine kuyoya chahaya myaka yosena,+ kaha kuyoya kana chili muli Mwanenyi.+
12 Ou alikata naMwanenyi ali nakuyoya kanechi, oloze ou azeneka kulikata naMwanaKalunga, kuyoya kana keshi nachoko.+
13 Ngunamisonekela vyumevi mangana enu mwafwelela lijina lyaMwanaKalunga+ mutachikize ngwenu, muli nakuyoya chahaya myaka yosena.+
14 Kaha tunafwelela Kalunga+ ngwetu, vyeshovyo natumulomba kweseka namwaya muchima wenyi, mwatwivwa.+
15 Kachi nge tunatachikiza ngwetu eji kutwivwanga havyuma vyosena tuli nakumulomba, kaha tunatachikiza nawa ngwetu mwatuhana vyuma tunalombo mwomwo tunamulombovyo.+
16 Kachi nge mutu mwamona ndumbwenyi ali nakulinga shili yakuzeneka kutwala kukufwa, amulombeleko, kaha Kalunga mwamuhana kuyoya,+ mwahana kuyoya kuli vaze kaveshi nakulinga shili yakutwala kukufwako. Kwatwama shili yakutwala kukufwa.+ Ngocho kangweshi nakwamba ngwami mulombeleko mutu uze mwalinga shili kaneyiko.
17 Vilinga vyakuhenga vyosena vyapwa shili,+ oloze kwatwama shili yakuzeneka kutwala kukufwa.
18 Tunatachikiza ngwetu, weshowo nasemuka kuli Kalunga keshi kulinga lika shiliko, oloze ou asemuka kuli Kalunga* mwamulamanga, kaha uze wakuhuka keshi kumukwatako.*+
19 Tunatachikiza ngwetu etu twapwa tuvakuli Kalunga, oloze kaye kosena katwama mumavoko ayauze wakuhuka.+
20 Tunatachikiza nawa ngwetu MwanaKalunga neza lyehi,+ kaha natuhane kunangakana mangana* tutachikize ou apwa wamuchano. Tunalikate nayou apwa wamuchano,+ kuhichila muli Mwanenyi Yesu Kulishitu. Ou ikiye Kalunga wamuchano, ikiye kuyoya chahaya myaka yosena.+
21 Enu vana vami ngwazanga, lihendenunga kumakombelo.+
Kwinyikila Chamwishi
^ Hela., “cheshocho chinasemuka.”
^ Kulumbununa, Yesu Kulishitu, MwanaKalunga.
^ Chipwe “keshi kumulinjililako.”
^ Hela., “natuhane mangana.”
