WaYowano 3 1:1-14
1 Ami mukulwane nguli nakukusonekela ove Ngayu ngwazanga, ove ngwazanga chikuma.
2 Ove ngwazanga, ngweji kulombanga ngwami ufukilenga lika muvyuma vyosena nakupwa nawa uwakulikangula, nganomu uli nakufukila.*
3 Mwomwo ngwawahililile chikuma omu vejile vandumbwetu nakwambulula unjiho wakuvuluka muchano uli nawo, nge omu uli nakutambuka lika mumuchano.+
4 Kakweshi chuma cheka nachingulingisa nguwahilile* chikuma kuhambakanechi chakwivwa ngwavo: vana vami vali nakutambuka lika mumuchano.+
5 Ove ngwazanga, weji kusololanga kashishi muvyuma weji kulingilanga vandumbwetu numba tuhu kawavatachikizako.+
6 Vanambulula vyazangi yove kuchikungulwilo. Ngunakulombo uvakafwe vatambuke jila yavo nganomu munawahila kuli Kalunga.+
7 Mwomwo vakatukilile kwambulula lijina lyaKalunga, kaha kavatambwile vyuma vimwe+ kuvatu vakumafuchi ekako.
8 Shikaho twatela kutambula vatu kana nachisambo,+ mangana tupwenga tuvakwavo mutwazachila mumuchano.+
9 Ngwasonekele mazu amwe kuchikungulwilo, oloze Ndeyotelefwe, uze asaka kupwa watete muli vakiko,+ keshi kwitavila nakuvumbika vyuma tweji kuhanjikangako.+
10 Shikaho nge nguneza okwo, nangukatala havyuma ali nakulinga vyakutanjisa vyuma vyamakuli hali etu.*+ Kakumina hakulinga ngocho kahako, oloze eji kukananga nawa kutambula vandumbwetu+ nakalemesa. Kaha vaze veji kusakanga ngwavo vavatambule, eji kuvakanyisanga nakuvahanga muchikungulwilo.
11 Ove ngwazanga, kanda naulondezezanga vyuma vyavipiko, oloze londezezanga vyuma vyamwaza.+ Ou eji kulinganga mwamwaza napu wakuli Kalunga.+ Oloze ou eji kulinganga mwamupi kamona Kalungako.+
12 Vatu vosena vanambulula ngwavo Ndemetelyu akwechi puho yamwaza, kaha namuchano mukiko unasolola. Nayetu nawa tuli nakumuvulukilanga unjiho wamwaza, kaha nayove unatachikiza ngwove unjiho tweji kumuvulukilanga unapu wamuchano.
13 Ngwapwanga navyuma vyavivulu vyakukusonekela, oloze kangweshi nakusaka ngwami ngutwaleho lika kukusonekela nasonekeso yaulomboko.
14 Oloze nguli nakufwila kwiza kalinwomu nakukumona mangana tukahanjike meso nameso.
Kuunda chipwenga nayove.
Masepa vanakumenekako. Ngumenekele masepa halijina halijina.
Kwinyikila Chamwishi
^ Chipwe “nakufukila mwono wove.”
^ Chipwe pamo, “nachingulingisa ngusakwilile.”
^ Hela., “vyakutatwoka mazu amapi hali etu.”
