Yelemiya 10:1-25
10 Enu vakuzuvo yaIsalele, ivwenu mazu nahanjika Yehova hali enu.
2 Yehova nambe ngwenyi:“Kanda namukavangiza jijila javaka-mafuchi ekako.+Kanda namulizuzukila havinjikizo vyamumeluHakumona vaka-mafuchi eka vali nakulizuzukila havinjikizo kanako.+
3 Mwomwo visemwa vyavatu veka naveka vinapu vyamokomoko.*Chitotombwe eji kutetanga mitondo yamuchipapa,Kaha himwazachisa chinoma+ chenyi nakusonga makombelo.
4 Makombelo kana veji kuwawahisanga napalata naulu,+Kaha veji kumbatanga muveto nakuwapapalila najimbambo mangana azeneke kuholoka.+
5 Makombelo kana kaweshi kuhanjikako+ ngana mwamutu wamalengeso uze vanahake muwande wamatende.Veji kulinganga akuzundula mwomwo kaweshi kutambukako.+Kanda namuwevwa womako mwomwo kaweshi kuhasa kumilinga mwamupi,Chipwe kumilinga mwamwazako.”+
6 Ove Yehova, kakweshi kalunga weka apwa nge oveko.+Ove wapwa uwamunene, kaha nawa lijina lyove lyapwa lyalinene, lyangolo.
7 Ove Mwangana wavaka-mafuchi, vatu vosena vatela kukwivwa woma+ mwomwo watamo kukwivwa woma.Muli vaka-mangana vakumafuchi osena namumawangana avo osena,Kamweshi umwe apwa nge oveko.+
8 Vosena vanapu vileya, kaveshi namanganako.+Makombelo eji kuvanangulanga vyuma vyamokomoko.*+
9 Vihanda vyapalata vyeji kufumanga kuTalashishe,+ kaha ulu weji kufumanga kuUfwaze.Vyuma kana vikiko veji kuzachisanga vitotombwe navafuli.Makombelo veji kuwavwikanga uvwalo wawanda ulauluka nawou waungonyi.Osena veji kuwatenganga kuli vitotombwe.
10 Oloze Yehova ikiye Kalunga wamuchano.Apwa Kalunga ou ayoya,+ apwa Mwangana wahaya myaka yosena.+Mavu eji kundendanga mwomwo yautenu wenyi,+Kaha kakweshi vaka-mafuchi vanahase kwimana nge natenukako.
11 * Ove valweze ngwove:“Tulunga vaze vazenekele kutenga melu namavuNavakanonga hamavu, navakanonga mwishi yamelu.”+
12 Kalunga ikiye atengele mavu nangolo jenyi,Ikiye azamishile mavu namangana enyi,+Ikiye nawa akanyikile lilu mukunangakana chenyi.+
13 Kachi nge nahanjika,Meya mumelu eji kushumanga.+Kalunga eji kulingisanga mavwi* akanduke mwilu kufuma kujisongosongo jamavu.+Eji kulovolanga miveso yavula,Eji kulovolanga peho muvisete vyenyi.+
14 Vatu veji kulinganga vyuma chakuzeneka mangana, chakuzeneka chinyingi.Vafuli navakavevwisa sonyi mwomwo yamakombelo avo akusonga.+Mwomwo makombelo avo akuzuzulula anapu amakuli,Kaha kaweshi nashipilituko.*+
15 Makombelo kana anapu amokomoko, hivyuma vyaufwefwelekete.+Nawakanonga halikumbi lyakuwazangamisa.
16 Kalunga* kaYakova kapwa nganomu apwa makombelo kanako,Mwomwo ikiye atengele vyuma vyosena,Isalele ikiye mukombo wauswana wenyi.+Lijina lyenyi ikiye Yehova wamayongomena.+
17 Ove pwevo uli muchingombela,Kungulula viteli vyove nakuvimbata.
18 Yehova nambe ngwenyi:“Nangumbila* vatu vafume mulifuchi halwola luno,+Kaha nanguvamwenesa luyando.”
19 Lamba kuli ami mwomwo ngunalemana!*+Mbandu yami kaveshi kuhasa kuyukako.Kaha ngwambile ngwami: “Ou himusongo wami, kaha ngwatela kumika.
20 Mbalaka yami vanayenyeka, kaha mikole yakumbalaka yami vanayimbitwojola yosena.+Vana vami vananguseze, vanayi.+Naumwe mwangukanyikila mbalaka yami chipwe kungulemenayo wauchi.
21 Mwomwo tufunga kaveshi namanganako,+Kavehwile Yehovako.+Shikaho vahonena kulinga vyuma mukunangakana,Kaha mikoko javo vosena vanalimwange.”+
22 Ivwenu! Kuli nakwiza mujimbu.Kulifuchi lyakunote kuli nakufuminyina jishindo jajinene javaka-kole,+Vali nakwiza nakunongesa jinganda javaYuta mangana jisale ngundu, jipwenga mauku avamyumbwe.+
23 Ove Yehova, ngunatachikiza ngwami mutu katwama nangolo jakusakula jila yenyiko.Mutu katwama nangolo jakulitwaminyina iveneko.+
24 Ove Yehova, ngwolole kweseka namwaya chiyulo chove,Oloze kanda naungwolola nautenuko+ kuchina naungunongesa.+
25 Solola utenu wove hali vaka-mafuchi eka vaze vanakuliula,+Nahajitanga jize kajeshi kusanyika halijina lyoveko.Mwomwo vananongesa Yakova.+Vanamunongesa wosena+Nakulingisa lifuchi lyenyi kupwa ngundu.+
Kwinyikila Chamwishi
^ Chipwe “vyaufwefwelekete.”
^ Chipwe “vyaufwefwelekete.”
^ Vesi 11 vayisonekele chatete muchiAlamayiki.
^ Chipwe “muku.”
^ Chipwe “kaweshi nakuhwimako.”
^ Hepe., “Chazano.”
^ Chipwe “Nangwasa.”
^ Chipwe “ngunahokoka.”
