Yelemiya 14:1-22
14 Yehova ambile kuli Yelemiya kutalisa kuvyanga ngwenyi:+
2 Yuta yili nakulishona,+ kaha vikolo vyayo vinapolo.Vinalindumukila hamavu, vinazeye.MuYelusalema muli nakwivwakana miteto.
3 Vamyata vali nakutumanga vangamba* javo kuya nakuswita meya.Kaha vangamba vali nakuyanga kumashima,* oloze kuwana meya auchi.Vali nakukindulukanga namilondo yavo yamupolongwa.Vali nakwivwa sonyi, kaha vanapaye,Vali nakulifwikanga kumitwe yavo.
4 Hakuwana nge mavu anapulika myaji,Hakuwana nge mulifuchi kamwanokele vulako,+Vanjimi vanalizakamina, kaha vanalifwiki kumitwe yavo.
5 Navakayi muchipapa vali nakuseza vana vavo vavandendeMwomwo mwila wauchi.
6 Vimbulu vamuchipapa vali nakwimana hajipili jakuzeneka mitondo.Vali nakuhekela nge vamyumbwe.Meso avo anafuvalala mwomwo mwila wakulya wauchi.+
7 Ove Yehova, numba tuhu jishili jetu jili nakutupayisa,Oloze tukafwe mwomwo yalijina lyove.+Vilinga vyetu vyakuhenga vinasweze,+Kaha nawa tunalingi shili kuli ove.
8 Ove vafwelela vaIsalele, ove Muka-kuvalwila+ mulwola lwaluyando,Mwomwo ika unapwila nge umwiza mulifuchi,Nge umuka-kutambuka ungeji uze neza kaha nakusavala naufuku?
9 Mwomwo ika unapwila nge mutu uze nalikomokela,Nge chindume uze keshi kuhasa kulwilako?Mwomwo ove Yehova uli nayetu,+Kaha etu nawa vatuvulukila lijina lyove.+Kanda nautusezako.
10 Yehova nahanjika hali ava vatu ngwenyi: “Ava vatu vasaka kutambwojoka,+ kavatwamisako.+ Ngocho Yehova kavevwilile kuwahako.+ Mwanuka jino kuhenga chavo, kaha mwavasopesa hajishili javo.”+
11 Jino Yehova ambile kuli ami ngwenyi: “Kanda naulombela ava vatu mangana nguvalingile vyuma vyamwazako.+
12 Omu vali nakulijilika kulya, ami kangweshi nakwivwilila kulembelela chavoko.+ Kahomu vali nakuhana mawana avo akulumba namawana avo amanona, ami kangweshi nakuwevwila kuwahako.+ Vatu kana nanguvanongesa napoko yamukwale, nazala yakalombolombo, namusongo wachihita.”+
13 Kahami ngwambile ngwami: “Mama lelo ove Mwata Wakulitulaho Yehova! Vapolofweto vali nakulweza ava vatu ngwavo, ‘Poko yamukwale nazala yakalombolombo kavyeshi kwiza hali enuko. Oloze Kalunga mwamilingisa mutwame mukuunda muchihela chino.’”+
14 Jino Yehova ambile kuli ami ngwenyi: “Vapolofweto vali nakupolofweta vyuma vyamakuli mulijina lyami.+ Ami kangwavatumine, chipwe kuvalweza kulinga chuma numba chimwe, chipwe kuhanjika kuli vakikoko.+ Vali nakumilweza vyakumwenesa vyamakuli, navyuma vyamokomoko vize vali nakutaha, navyuma vyakutangisa vyamumichima yavo.+
15 Ngocho Yehova nahanjika vyuma navisoloka kuli ava vapolofweto vali nakupolofweta mulijina lyami okunyi ami kangwavatumineko, ava vali nakwamba ngwavo mulifuchi lino kamweshi kwiza poko yamukwale chipwe zala yakalombolomboko. Nambe ngwenyi: ‘Vapolofweto kana navafwa kupoko yamukwale nakuzala yakalombolombo.+
16 Kaha vatu vaze vali nakwambulila upolofweto navafwa kuzala yakalombolombo nakupoko yamukwale, kaha mijimba yavo yakufwa navayimbilyejela mujijila jamuYelusalema. Kakweshi mutu mwafunda vatu kana,+ chipwe mapwevo javo, chipwe vana vavo vamalunga, chipwe vana vavo vamapwevoko. Nanguvamwenesa lupi mwomwo chinatemo kuvalinga ngocho.’+
17 “Ove uhanjika mazu awa kuli vakiko ngwove,‘Mumeso ami mupwelumuke masoji ufuku namusana, kaha kanda nawalitwamina kupwelumukako,+Mwomwo mwanavatu jami vanamuhokwojola nakumuchika chikichiki,+Vanamutu mbandu yayinene.
18 Omu ngunakuyanga muchipapa,Ngunakuwananga vaze vanalindumuka kupoko yamukwale.+Omu ngunakwingilanga munganda,Ngunakuwananga vatu vali nakuviza mwomwo yazala yakalombolombo.+Vapolofweto navapilishitu vali nakukimbwojoka mulifuchi lize kavatachikizako.’”+
19 Uno vaYuta unavakane chikupu tahi? Uno Zeyone uli nakuyivwila unyengwe nyi?+Ikaze unatuvetela ngana nakulingisa jino vahone kutuka?+Tunatalililanga kuunda, oloze katwamwene chuma chamwaza numba chimweko,Tunatalililanga lwola lwakutuka kumisongo, oloze kuli vyuma vyakwivwisa chiwomawoma.+
20 Ove Yehova, tunetavila vilinga vyetu vyakuhuka,Nakuhenga chavakakuluka jetu,Mwomwo tunalingi shili kuli ove.+
21 Kanda nautumbilako mwomwo yalijina lyove.+Kanda naulumbilisa litanda lyove lyaupahuko.Anuka lushiko watushikile, kaha kanda naulujihako.+
22 Kutala makombelo amokomoko avaka-mafuchi anahase kunokesa vula numba?Kutala melu anahase kunokesa avene mamata avula numba?Ove Yehova Kalunga ketu, ove yove kaha unahase kunokesa vula.+Etu twakufwelela,Mwomwo ove yove weji kulinganga vyuma vyosenevi.
