Yelemiya 20:1-18
20 Jino kapilishitu Pashule mwanaImele, uze apwile nawa temesa wamukulwane muzuvo yaYehova apwile nakwivwilila omu Yelemiya apwile nakupolofweta vyuma kanevi.
2 Ngocho avetele kapolofweto Yelemiya, kaha amuhakile mujikuli+ jize japwile kuChikolo chaMbenjamine chaHelu chakuzuvo yaYehova.
3 Oloze lichako omu Pashule afumishile Yelemiya mujikuli, Yelemiya ambile kuli Pashule ngwenyi:
“Yehova nambe ngwenyi lijina lyove kalyeshi kupwa cheka Pashuleko, oloze yove Muka-kwivwisa Woma kuVihela Vyosena.+
4 Yehova nambe ngwenyi, ‘Nangukakulingisa ukevwe woma, kaha ove nawa naukevwisa masepa jove woma. Masepa jove navakalindwomwoka kujipoko jamikwale javaka-kole javo oku ove uli nakulimwena nameso ove kapu.+ VaYuta vosena nangukavahana mumavoko amwangana waMbavilone, kaha mwakavatwala muufunge muMbavilone. Mwakavajiha napoko yamukwale.+
5 Luheto lwamunganda yino lwosena, navikumba vyayo vyosena, navyuma vyayo vyandando yayinene vyosena, navikumba vyavamyangana javaYuta vyosena nangukavihana mumavoko avaka-kole javo.+ Navakavipupa, kaha navakavimbata nakuvitwala kuMbavilone.+
6 Oloze ove Pashule navaze vakuzuvo yove vosena namukaya muufunge. Namukaya kuMbavilone, kaha namukafwilako. Ove namasepa jove vosena navakamifunjila kuze mwomwo unavalweze upolofweto wamakuli.’”+
7 Ove Yehova, unangukomwesa, kaha ngunalikomokela chikupu.Unasolola ngolo jove hali ami, kaha unangufungulula.+Vali nakungusehanga lwola lwosena.Vatu vosena vali nakungutolekanga.+
8 Mwomwo heshoho nanguhanjikila, ngweji kutetanga miteto nakuvilika ngwami,“Ulyanyi nakunongesa!”Vatu vali nakungutukanyina hamazu aYehova nakunguhendelaho lwola lwosena.+
9 Ngocho ngwalyambile ngwami: “Kangweshi kumuvulukaChipwe kuhanjika cheka mulijina lyenyiko.”+Oloze mazu enyi apwile nge kakahya mumuchima wami, apwile nge kakahya kaze vanasokelela muvifuwa vyami,Kaha ngwahonene kulyungumika kulu,Kangwahashile kumikako.+
10 Ngwevwilenga mangwavo amavulu avyuma vyavipi.Woma wangukwachile.+Vatu vambilenga ngwavo, “Tumushingenu, tumushingenu!”Vatu vosena vaze valyongelenga kunguvulukila kuunda vapwile nakuvandamina vamone omu nangulimbuka.+Vambilenga ngwavo: “Pamo mwalimbenja,Kaha natumufungulula nakumulinga sambanjinga.”
11 Oloze Yehova apwile nayami nge muka-jita wakwivwisa woma.+Shikaho vaze vali nakunguyanjisa navahukana, kaha kaveshi kunguhasako.+Navavevwisa sonyi, kaveshi kufukilako.Navavenyisa haya myaka yosena, kaha kwinyisa kana kaveshi kukachivulyamako.+
12 Oloze ove Yehova wamayongomena, ove weji kukekesanga muka-kwoloka.Weji kumonanga vishinganyeka* namuchima wamutu.+Nangutalilila ngumone omu nauvalinga sambanjinga,+Mwomwo ove yove ngunahane chihande chami uchitale.+
13 Imbilenu Yehova! Mwalisenu Yehova!Mwomwo napululula muka-kukalikiza* mumavoko avaka-kulinga mwamupi.
14 Likumbi ngwasemukile lipwenga lyakwangula.Likumbi lize angusemene mama kanda nalipwa lyakukisulako.+
15 Mutu uze ambulwile mujimbu wamwaza kuli tata ngwenyi,“Unaseme mwana walunga,”Nakumulingisa jino awahilile, apwenga wakwangula.
16 Mutu kana apwenga nge jinganda jize Yehova anongesele chakuzeneka kwalumuna muchima wenyi.Mutu kana evwenga miteto nachimene, nakwivwa nawa luvila lwajita namusana.
17 Ikaze azenekelele kungujiha shimbu ngwapwile mujimo lyamama,Mangana mama apwenga chimbumbe chami,Mangana apwenga lika kafumbakaji?+
18 Ikaze ngwalovokelele mujimo lyamamaNgumonenga vihuli nakwivwa chinyengo,Nakusauka lika palanga nakukufwa chami?+
