Yelemiya 21:1-14
21 Yelemiya atambwile mazu kufuma kuli Yehova omu Mwangana Zetekiya+ amutuminyine Pashule+ mwanaMalakiya nakapilishitu Zefwanyiya+ mwanaMaseya. Mwangana Zetekiya avatumine vamulombe ngwavo:
2 “Twihwileko kuli Yehova, mwomwo Nevukataneza* mwangana waMbavilone ali nakulwa jita nayetu.+ Pamo Yehova mwatulingilako chuma chimwe chakukomwesa mangana Nevukataneza alitwamine kutunyemukila.”+
3 Jino Yelemiya ambile kuli vakiko ngwenyi: “Yenunga mukalweze Zetekiya ngwenu,
4 ‘Yehova Kalunga kaIsalele nambe ngwenyi: “Talenu! Vitwa vyajita vize vili mumavoko enu, vize muli nakuzachisa hakuzunga namwangana waMbavilone+ navaKalateya vaze vali kuweluka wakembwe, vaze vanamihake muchingombela nanguvilingisa vimyalumukile. Vitwa kana nanguvikungulwila mukachi kanganda yino.
5 Nangulwa nayenu+ nalivoko lyami lyaundume, lyangolo, nautenu, namatoto, nakulundundu yayinene.+
6 Nangujiha vatu vamunganda yino hohamwe natunyama. Vosena navafwa kumusongo wachihita waunene.”’+
7 “‘Yehova nambe ngwenyi: “Kufumaho, Zetekiya mwangana wavaYuta, navangamba jenyi, navatu vamunganda yino vaze navayovoka kumusongo wachihita, nakupoko yamukwale, nakuzala yakalombolombo, nanguvahana mumavoko aNevukataneza* mwangana waMbavilone, namumavoko avaka-kole javo, namumavoko avaze vali nakusaka kuvajiha.+ Nevukataneza mwavajiha najipoko jamikwale. Keshi kuvevwila keke chipwe kuvatetelako.”’+
8 “Ulweza ava vatu ngwove, ‘Yehova nambe ngwenyi: “Ngunahake jila yakuyoya najila yakufwa kumeso enu.
9 Vosena vaze navatwama muno munganda navafwa kupoko yamukwale, nakuzala yakalombolombo, nakumusongo wachihita. Oloze weshowo mwalovoka muno munganda nakulitwala kuli vaKalateya vaze vanamihake muchingombela, mwayoyanga lika, mwapululula mwono wenyi.”’*+
10 “‘Yehova nambe ngwenyi: “Nganda yino ngunayitale nautenu mangana nguyinehele lupi keshi vyuma vyamwazako.+ Nanguyihana mumavoko amwangana waMbavilone,+ kaha mwayocha.”+
11 “‘Enu vakuzuvo yamwangana wavaYuta, ivwenu vyuma nahanjika Yehova.
12 Enu vakuzuvo yaNdavichi, Yehova nambe ngwenyi:“Yulenunga vihande mujila yakwoloka hakumbi hakumbi,Pulululenunga vatu vaze vanapupu kuli vaka-kulyapula,+Kuchina utenu wami nawiza hali enu nge kakahya,+Kuchina naumyepukila, kaha naumwe wauchi mwaujima,Naumyepukila mwomwo yavilinga vyenu vyavipi.”’+
13 Yehova nambe ngwenyi, ‘Ove watwama muchinema,*Ove lilolwa lyahachihela chakusalama, ngunakufumbukila.Kaha nawa ivwenu, enu mweji kwambanga ngwenu: “Iyaze mwatunyemukila?Iyaze mwalukuka membo etu?”
14 NangumisopesaKweseka navilinga vyenu.+Musenge wanganda nanguuswamika kakahya,Kaha nakocha vyuma vyosena vinayijingilika.’”+ Omu mukiko mwanambe Yehova.
Kwinyikila Chamwishi
^ Hepe., “Nevukataleza,” kusoneka chikwavo.
^ Hepe., “aNevukataleza,” kusoneka chikwavo.
^ Chipwe “mwapuluka namwono wenyi.”
^ Chipwe “muchana.”
