Yelemiya 24:1-10
-
Jikuyu jamwaza najeji jajipi (1-10)
24 Jino Yehova angulwekesele mitonga yivali yajikuyu yize vatumbikile kutembele yaYehova. Angulwekeseleyo omu alingile Nevukataneza* mwangana waMbavilone hanatwale lyehi Yekonyiya*+ mwanaYehoyakime,+ mwangana wavaYuta, navilolo javaYuta, navitotombwe, navafuli* muufunge. Avafumishile kuYelusalema nakuvatwala kuMbavilone.+
2 Mumutonga umwe mwapwile jikuyu jamwaza kwijiva nge jikuyu jakulivanga kuhya, oloze mumutonga ukwavo mwapwile jikuyu jajipi chikuma, kaha kajatelemo kujilyako.
3 Jino Yehova angwihwile ngwenyi: “Ove Yelemiya, unamono ika?” Ami ngwambile ngwami: “Ngunamono jikuyu. Jikuyu jamwaza jinawahe chikuma, oloze jikuyu jajipi jinapihi chikuma, kaha kajatelemo kujilyako.”+
4 Ngocho Yehova ambile kuli ami ngwenyi:
5 “Yehova Kalunga kaIsalele nambe ngwenyi, ‘VaYuta vaze vanayi muufunge, vaze ngunahange muchihela chino nakuvatwala kulifuchi lyavaKalateya, nanguvamonanga kupwa vamwaza nge eji jikuyu jamwaza.
6 Nanguvalamanga nakuvalingila vyuma vyamwaza. Nangukavakindulwisa mulifuchi lino.+ Nangukavatunga, kaha kangweshi kukavapuzulako. Nangukavatumba, kaha kangweshi kukavavunyako.+
7 Nangukavahana muchima wakungutachikiza ngwavo ami yami Yehova.+ Navakapwa vatu jami, kahami nawa nangukapwa nguKalunga kavo,+ mwomwo navakakinduluka kuli ami namichima yavo yosena.+
8 “‘Jino kutalisa kujikuyu jajipi jize jinapihi chikuma, jize kajatelemo kujilyako,+ Yehova nambe ngwenyi: “Omu mukiko nangumonanga Zetekiya+ mwangana wavaYuta, navilolo jenyi, navatu vamuYelusalema vaze vanasale mulifuchi lino, navaze vali nakutwama mulifuchi lyaEjipitu.+
9 Nangukavamwenesa lupi, kaha navakakomwesa mawangana ahamavu osena.+ Navakavatoleka, nakuvavuluka mutushimutwiji, nakuvahenda, nakuvangula+ kuvihela vyosena kuze nangukavamwangila.+
10 Nangukavatumina poko yamukwale,+ nazala yakalombolombo, namusongo wachihita+ mangana vikavajihe palanga nomu navakakuma mulifuchi lize ngwavahanyine vakiko navakakuluka javo.”’”
Kwinyikila Chamwishi
^ Hepe., “Nevukataleza,” kusoneka chikwavo.
^ Vamuvuluka nawa ngwavo Yehoyakine chipwe Konyiya.
^ Chipwe pamo, “navaka-kutunga jikembwe.”
