Yelemiya 30:1-24
-
Kuvafwelelesa kukinduluka nakuvoka (1-24)
30 Yehova ambile kuli Yelemiya ngwenyi:
2 “Yehova Kalunga kaIsalele nambe ngwenyi, ‘Mazu osena nangukulweza asoneke mumukanda.
3 Mwomwo Yehova nambe ngwenyi: “Makumbi ali nakwiza omu nangukakungulula vatu jami vaIsalele navaYuta vaze vali muufunge.+ Nangukavakindulwisa kulifuchi lize ngwahanyine vakakuluka javo, kaha navakaliheta cheka.” Omu mukiko mwanambe Yehova.’”+
4 Awa akiko mazu ahanjikile Yehova kuli vaIsalele navaYuta.
5 Yehova nambe ngwenyi:“Tunevu vyema vyavatu vaze vali nakulichikimina.Vali muchiwomawoma, kaveshi mukuundako.
6 Ihulenu mutachikize numba nge lunga nahase kusapuluka.Nyi ikaze nguli nakumwena malunga vangolo vanalikwate hamajimo*Kwijiva nge pwevo uze ali nakusapuluka?+Mwomwo ika vosena vanatomonokela kumeso?
7 Mama lelo, mwomwo likumbi kana nalikapwa lyalipi.*+Kakweshi likumbi lyakufwana nge lizeko,Nalikapwa hilikumbi lyaluyando kuli Yakova.Oloze navakamulwila.”
8 Yehova wamayongomena nambe ngwenyi: “Halikumbi kana, nangukahokola toka nakuvafumisayo hajishingo javo. Nangukambitula mikole, kaha kakweshi mutu* mwakavatenga undungoko.
9 Navakazachilanga Yehova Kalunga kavo namwangana wavo Ndavichi uze nangukavatongwela.”+
10 Yehova nambe ngwenyi: “Ove ngamba yami Yakova, kanda nawivwa womako,Ove Isalele, kanda naulizuzukila nawomako,+Mwomwo nangukulwila nakukufumisa kuchihela chakwakusuku,Kaha vaka-tanga yove nawa nanguvafumisa kulifuchi kuze vanavakwate ufunge.+Yakova mwakinduluka, mwatwama mukuunda chakuzeneka kumuzungisa.Naumwe wauchi mwamwivwisa woma.”+
11 Yehova nambe ngwenyi: “Ami nguli nayove, kaha nangukulwila.Nangunongesa vatu vakumafuchi osena kuze ngunamimwangila.+Oloze ove kangweshi kukunongesako.+Nangukuzangamisa mujila yakutamo,Kangweshi kukwechelela chakuzeneka kukuzangamisako.”*+
12 Yehova nambe ngwenyi:“Unalemana, kakweshi vitumbo vyakukukako.+Mbandu yove kaveshi kuhasa kuyukako.
13 Naumwe mwakuhakwila wauchi,Kakweshi jila yakukilamo mbandu yoveko.Kakweshi vitumbo vyakukukako.
14 Tujila twove vosena vanakuvulyama.+Kaveshi kukutondatonda chekako.Mwomwo ngunakuvete nganomu mwakuveta muka-kole wove,+Ngunakuzangamisa nganomu mwakuzangamisa chikenya.Ngunakulingi ngana mwomwo yakuhenga chove chachinene najishili jove jajivulu.+
15 Nauteta ngachilihi miteto okunyi unalilemeka yove ivene?Kukola uli nakwivwa nachitwalililaho lika.Ngunakulingi nganaMwomwo yakuhenga chove chachinene najishili jove jajivulu.+
16 Ngocho vosena vaze vali nakukulya navakiko navavalya,+Vaka-kole jove vosena navakiko navaya muufunge.+Vaze vali nakukupukula vyuma navakiko navavapukula vyuma vyavo,Vosena vaze vali nakukupupa vyuma navakiko navavapupa vyuma vyavo.”+
17 Yehova nambe ngwenyi, “Nangukulingisa ulikangule cheka, nanguka jimbandu jove+Numba tuhu vanakuvulukanga ngwavo ou vakana, ngwavo:‘Zeyone yize kaveshi kutondatondako.’”+
18 Yehova nambe ngwenyi: “Talenu, nangukungulula vatu vakujimbalaka jaYakova+ vaze vanakwate ufunge,Nangwivwila keke jitavanaku jenyi.Nganda navayitungulwila hamulundu wayo,+Kaha kaposhi kakukola nakapwa hachihela chako.
19 Navakasakwililanga nakusehelela.+Nangukavavulisa, kaveshi kukapwa vavandendeko.+Nangukavavulisa,*Kaveshi kukakehako.+
20 Vana vavo navakapwa nge muze vapwile kushikulu,Lizavu lyavo nalikazamanga lika kumeso ami.+Nangukazangamisa vaka-kuvayanjisa vosena.+
21 Mutu wavo wamulemu mwakafuma muli vakiko,Muka-kuvayula mwakafuma muli vakiko.Nangukamwitavisa akapandame kuli ami, kaha mwakapandama kuli ami.”“Mokomoko iyaze mwahasa kupandama kuli ami?” Omu mukiko mwanambe Yehova.
22 “Enu namukapwa muvatu jami,+ kahami nangukapwa nguKalunga kenu.”+
23 Talenu! Yehova mwahuhwisa peho yanyamanganda namatoto enyi.+Nayihuhwila hamitwe yavaka-kuhuka kwijiva nge chijimbilanganga.
24 Yehova keshi kutulisa utenu wenyikoPalanga nomu mwalinga vyuma najinyi mumuchima wenyi nakuvitesamo.+Hamakumbi akukuminyina namukatachikiza mwalumbunukila vyumevi.+
Kwinyikila Chamwishi
^ Chipwe “hamitanda.”
^ Hepe., “lyalinene.”
^ Chipwe “kakweshi mwiza.”
^ Chipwe “kukwololako.”
^ Chipwe pamo, “Nangukavalingisa vakavavumbike.”
