Yelemiya 4:1-31
4 Yehova nambe ngwenyi: “Ove Isalele, kachi nge naukinduluka kuli ami,Kachi nge naufumisa tuponya twove vaunyengwe kumeso ami,Kaha kaweshi kupwa umuka-kukimbwojokako.+
2 Kachi nge naulishingaMumuchano, namwaya chiyulo, namukwoloka ngwove, ‘Omu ayoya Yehova tu,’Kaha vaka-mafuchi eka nangukavakisula,Kaha nawa navakalisashila muli ami.”+
3 Yehova nambe kuli vatu vamuYuta namuYelusalema ngwenyi:“Liliminenu mande,Kanda namukuva jimbuto jenu mumingongako.+
4 Enu vatu vamuYuta namuYelusalema,Lijihanenu kumeso aYehova,Engenu mivumbo yamichima yenu,+Kuchina utenu wami nawiza hali enu nge kakahya,Kuchina naumyepukila palanga nomu navahona kuujimaMwomwo yavilinga vyenu vyavipi.”+
5 Vilikenu muYuta namuYelusalema.Tambikenu mutambi nakwimba luneta mulifuchi lyosena.+Vilikenu nalizu lyakukanguka ngwenu: “Tulikungululenu,Tuchinyinenu mujinganda jakukingiwa.+
6 Jikenu chinjikizo* chakusolola jila yakuya kuZeyone.Tondetondenu chihela chakuswamamo, kanda namwimana mumweko,”Mwomwo nanguneha lupi lwalunene luze nalufuminyina kunote.+
7 Muka-kole wenu nalovoka nge ndumba uze nalovoka mulivunda.+Muka-kunongesa mafuchi nakatuka lyehi ezenga.+Nafumu mulifuchi lyenyi mangana ezenga nakunongesa lifuchi lyenu nakulilingisa likomwese vatu.Jinganda jenu navajinongesa nakusala malala, kaha kamweshi kusala mutu numba umweko.+
8 Shikaho vwalenu vikeleyi,+Lishonenu* nakulila jimbimbi,Mwomwo Yehova natukwachila lika utenu.
9 Yehova nambe ngwenyi: “Halikumbi kana, mwangana mwakalizuzukila,+Navilolo nawa navakalizuzukila.Vapilishitu navakafwa chishima, kaha vapolofweto navakalikomokela.”+
10 Kaha ngwambile ngwami: “Mama lelo ove Mwata Wakulitulaho Yehova! Chikupu vene unongo vatu+ vamuYuta namuYelusalema hakwamba ngwove, ‘Namutwama mukuunda,’+ okunyi jipoko jamikwale jili hakamwihi nakututeta miliu.”*
11 Halwola kana, vatu vamuYuta namuYelusalema navakavalweza ngwavo:“Peho yizuma yakufuma kujipili jamupamboNayihuhwila vatu jami.Peho kana kayeshi kwiza nakupepa mbuto chipwe kuyitomesako.
12 Ami yami nangutuma peho yangolo kufuma kuvihela kana.Nanguvasopesa jino.
13 Talenu! Muka-kole mweza nge mavwi avula,Matemba enyi ajita anapu nge peho yanyamanganda.+Tuvalu twenyi vanapu vajimbushi chikuma kuhambakana vangonga.+Lamba kuli etu mwomwo tunanongo lyehi!
14 Ove Yelusalema, fumisa vilinga vyakuhuka mumuchima wove mangana vakulwile.+Naushinganyekanga lika vyuma vyavipi palanga nakumwaka uka?
15 Kuli lizu lili nakwambulula mujimbu kufuma kuNdane,+Kaha lili nakuvilika lupi kufuma kujipili jaEfwalime.
16 Ambululenu lupi kana kuli vaka-mafuchi,Ambululenu elu lupi nalusolokela Yelusalema.”“Vaka-kusondwesa navafuminyina kulifuchi lyakwakusuku,Kaha naveza nakuvilika vyuma navisolokela jinganda jaYuta.
17 Navamulukuka, navamujingilika kwijiva nge vaka-kulama wande,+Mwomwo nalikange kuli ami.”+ Omu mukiko mwanambe Yehova.
18 “Navakusopesa mwomwo yajijila jove navilinga vyove vyavipi.+Lupi luze nalukuwana nalutohwa chikumaMwomwo muchima wove unalikange chikuma.”
19 Mama ngunafu,* mama ngunafu!Nguli nakwivwa kukola chikuma kumuchima.*Muchima wami uli nakuluta.Kangweshi kuhasa kuhola kaha kuluko,Mwomwo ngunevu lyehi chivumo chaluneta,Ngunevu lyehi luvila lwajita.+
20 Vanavilika lupi lwakulikavasana,Lifuchi lyosena vanalinongesa.Jimbalaka jami vanajinongesa mukukasumuna,Jimbalaka jami vanajinongesa mukapyapya kakandende kaha.+
21 Nangumonanga chinjikizo* chakusolola jila yakuya kuZeyone palanga nakumwaka uka?Nangwivwanga chivumo chaluneta palanga nakumwaka uka?+
22 “Vatu jami vapwa vileya.+Vananguleununa.Vapwa viheu, vakuzeneka kunangakana.Vatwama nachinyingi* chakulinga vyuma vyavipi,Oloze kavatachikiza kulinga vyuma vyamwazako.”
23 Omu ngwatalile mulifuchi, ngwamwene mwamupolongwa, munapu ngundu kaha.+Omu ngwatalile mumelu, ngwamwene kamweshi nakumunyikako.+
24 Omu ngwatalile jipili jajinene, ngwamwene jili nakundenda,Omu ngwatalile jipili jajindende, ngwamwene jili nakulinyika.+
25 Omu ngwatalile, kangwamwene mutu numba umweko,Kaha nawa tujila vakutuka mwilu vosena vachinyine.+
26 Ngwamwene milemba yinalumuka kupwa pambo,Jinganda jayo vanajipuzwojola.+Yehova ikiye alingile vyuma kanaMwomwo yautenu wenyi.
27 Yehova nambe ngwenyi: “Lifuchi lyosena nalisala ngundu,+Oloze kangweshi kunongesa vyuma vyosenako.
28 Shikaho vatu mulifuchi navalishona,+Mumelu namwilava wi.+Vyuma kana navilingiwa mwomwo ngunahanjikamo lyehi, kaha nawa ngunajinyimo lyehi.Kangweshi kwalumuna vishinganyeka vyami,* chipwe kulitwamina kulinga vyuma kanako.+
29 Vatu vosena munganda vali nakuchina+Hakwivwa jishindo javaka-kutambukila hatuvalu navaka-kwasa mata amanana.Vali nakuswama hamavunda,Vali nakuswama kumalolwa.+Jinganda josena vanajiseze,Kaha kamweshi mutu numba umweko.”
30 Naulinga ngachilihi jino omu vanakwenyeka?Wavwalilenga uvwalo uchila,Wavwalilenga vimbilingwa vyaulu,Walikwichilenga ulombo wilava mumeso mangana uwahe.Oloze walishinyinenga tuhu kuliwahisa,+Mwomwo vaze vakwivwililenga peha vanakukane.Vali nakusaka jino kukujiha.+
31 Ngunevu miteto nge yapwevo uze ali nakuviza,Ngunevu mikemo nge yandongesa uze ali nakusapuluka,Ngunevu lizu lyamwanapwevo Zeyone uze ali nakutukajama.Nolola mavoko enyi oku ali nakwamba ngwenyi:+“Lamba kuli ami, jinanguhu mwomwo yavaka-kujiha vatu.”
Kwinyikila Chamwishi
^ Chipwe “chitondo chachinjikizo.”
^ Chipwe “Livetenu hajitulo jenu.”
^ Chipwe “jinahete kumyono yetu.”
^ Hepe., “Mama mijingwa yami.”
^ Hepe., “kujimbango jamuchima wami.”
^ Chipwe “chitondo chachinjikizo.”
^ Chipwe “namangana.”
^ Chipwe “Kangweshi kwivwa kupihya.”
