Yelemiya 41:1-18
41 Jino mukakweji wakusokesa 7, Ishimele+ mwanaNetanyiya, Netanyiya mwanaElishama wakutanga yawangana* uze apwile chilolo chamwangana, ayile namalunga 10 kuli Ngetaliya mwanaAhikame kuMijipa.+ Omu vapwile nakulya vyakulya hamwe kuMijipa,
2 Ishimele mwanaNetanyiya namalunga 10 vaze apwile navo vakatukile, vajihile Ngetaliya mwanaAhikame, Ahikame mwanaShafwane napoko yamukwale. Ngocho Ishimele ajihile Ngetaliya uze vatongwele kuli mwangana waMbavilone ayule lifuchi.
3 Ishimele ajihile nawa vaYuleya vosena vaze vapwile naNgetaliya kuMijipa, namaswalale javaKalateya vaze vapwile kuze.
4 Lichako, omu alingile Ngetaliya vanamujihi lyehi, shimbu kanda vatu vatachikize chuma kana,
5 kwejile malunga 80. Malunga kana vafumine kuShekeme,+ nakuShilo,+ nakuSamaliya.+ Vejile vanateula wevu wavo, vanalichate jichato,+ kaha uvwalo wavo nawa wapwile wakupulika. Vambachile mawana amanona nalavona+ mangana vanehe kuzuvo yaYehova.
6 Jino Ishimele mwanaNetanyiya afumine kuMijipa nakuvasesa. Apwile nakuya oku ali nakulila. Omu alihumanganyine navo, ambile kuli vakiko ngwenyi: “Tuyenu kuli Ngetaliya mwanaAhikame.”
7 Hakuheta munganda, Ishimele mwanaNetanyiya namalunga vaze apwile navo vajihile ava malunga nakuvambila mulishima.
8 Oloze hali vakiko hapwile malunga 10 vaze vambile kuli Ishimele ngwavo: “Kanda nautujihako mwomwo tunasweke tiliku, nambale, namaji, nauchi muchipapa.” Ngocho Ishimele kavajihilile kumwe navandumbwavoko.
9 Ishimele ambilile mijimba yamalunga vaze ajihile mulishima lyalinene lize afulile Mwangana Asa omu amukinjilile Mbasha mwangana wavaIsalele.+ Ishimele mwanaNetanyiya azalishile lishima kana namijimba yamalunga kana.
10 Ishimele akwachile ufunge vatu vosena vaze vasalile kuMijipa.+ Akwachile ufunge vana vamwangana vamapwevo, navatu vosena vaze vasalile kuMijipa vaze Nevuzalatane mukulwane wavaka-kulama mwangana asezele mumavoko aNgetaliya+ mwanaAhikame. Ishimele mwanaNetanyiya avakwachile ufunge, kaha akatukile ayenga navo kuli vaAmone.+
11 Omu Yohanane+ mwanaKaleya natupitau twamaswalale vosena vaze apwile navo vevwile vyuma vyavipi alingile Ishimele mwanaNetanyiya,
12 vambachile malunga vosena nakuya vakalwe naIshimele mwanaNetanyiya. Kaha vamuwanyine kuchijiva chachinene chakuNgiveyone.
13 Vatu vosena vaze vapwile naIshimele vawahililile omu vamwene Yohanane mwanaKaleya natupitau twamaswalale vosena vaze apwile navo.
14 Kaha vatu vosena vaze Ishimele akwachile ufunge kuMijipa+ vanyingulukile nakuputuka kukavangiza Yohanane mwanaKaleya.
15 Oloze Ishimele mwanaNetanyiya navatu jenyi vamwe 8 vachinyine omu vamwene Yohanane, kaha vayile kuli vaAmone.
16 Yohanane mwanaKaleya natupitau twamaswalale vosena vaze apwile navo vambachile vatu vosena vaze vafumine kuMijipa, vaze vapululwile mumavoko aIshimele mwanaNetanyiya uze avakwachile ufunge omu ajihile Ngetaliya+ mwanaAhikame. Vambachile malunga, namapwevo, namaswalale, navana, navilolo kufuma kuNgiveyone.
17 Kaha vayile, vakatulilile kuchihela chakusavalila vangeji chaKimihame chize chapwile kwakamwihi naMbetelema.+ Vasakile kuya kuEjipitu+
18 mwomwo yakuchina vaKalateya. Vavevwile woma mwomwo Ishimele mwanaNetanyiya ajihile Ngetaliya mwanaAhikame uze atongwele mwangana waMbavilone ayule lifuchi.+
Kwinyikila Chamwishi
^ Hepe., “wakumbuto yawangana.”
