Yelemiya 47:1-7
-
Upolofweto wakusopesa vaFwilishite (1-7)
47 Yehova ahanjikile kuli kapolofweto Yelemiya mazu akupandama kuli vaFwilishite+ shimbu kanda Fwalo anongese Ngaza.
2 Yehova ambile ngwenyi:“Talenu! Kunote kuli nakufuma meya.Nawafumika nge kalwiji uze nazale.Nawafwika lifuchi navyuma vyosena vyatwamamo,Nawafwika nganda navaze vatwamamo.Malunga navateta miteto,Kaha vatu vamulifuchi lyosena navalila jimbimbi.
3 Visemi vamalunga kaveshi kukalumuka nakutala kunyima kuze vali vana vavoko,Mwomwo muzuzu naukavakwataOmu navakevwa jishindo jatuvalu twenyi,Nachivumo chamatemba enyi,Navyema vyatufumbo twamatemba enyi.
4 VaFwilishite+ vosena navakanonga halikumbi eli lili nakwiza.Vosena vaze vanasaleho vaze vali nakukundwiza Tule+ naShitone+ navakanonga.Mwomwo Yehova mwakanongesa vaFwilishiteVakulitungu lyaKafwatole*+ vaze vanasaleho.
5 Ngaza nayikaseva lwanja.*Ashakelone vanayiholesa kulu.+Enu munasale muchinema* chayo,Namulichatanga jichato palanga nakumwaka uka?+
6 Ove poko yamukwale yaYehova,+Nauhelangana palanga nakumwaka uka?Kinduluka muchindalo chove,Noka, lyungumike kulu.
7 Nayihola ngachilihizeOkunyi Yehova nayihane lushimbi?Nayitumu yiyenga yilyaneKuAshakelone nakuchikulo chakalungalwiji.”+
Kwinyikila Chamwishi
^ Kukiko kuKelete.
^ Kulumbununa, vatu navakateula kumitwe yavo mwomwo yaushona nasonyi.
^ Chipwe “muchana.”
