Yelemiya 48:1-47
-
Upolofweto wakusopesa vaMowave (1-47)
48 Yehova wamayongomena, Kalunga kaIsalele nahanjika kutalisa kuli Mowave+ ngwenyi:“Lamba kuli Nevo+ mwomwo vanayinongesa.Kilyataime+ vanayitambula, kaha vatu jayo vanavevwisa sonyi.Chihela chakukola vanachinongesa, kaha vaze vatwamamo vanavevwisa sonyi.+
2 Mowave kaveshi nakumwalisa chekako.Vanamutwame punga muHeshevone+ mangana vamunongese. Vanambe ngwavo:‘Twayenu tulalise Mowave azeneke kupwako cheka.’Ove Matamene, nayove hola kulu,Mwomwo poko yamukwale nayikukavangiza.
3 KuHolonaime+ kuli nakwivwakana miteto,Kuli nakwivwakana vyema vyakunongesa nakupuzwojola.
4 Mowave vanamunongesa.Vana venyi vavandende vali nakuteta miteto.
5 Vatu vali nakukanduka kumukandu waLuhite oku vali nakulila.Kaha hakushikumuka kufuma kuHolonaime vali nakwivwa miteto yavaze vali nakulila mwomwo yalupi lunasoloka.+
6 Chinenu mangana muyovole myono yenu.Swamenu mupwenga nge munjunyipe uze uli mupambo.
7 Hakuwana nge wafwelela mumilimo yove namuluheto lwove,Ngocho navakukwata.Kaha Kemoshe+ mwaya muufunge,Hohamwe navapilishitu jenyi navilolo jenyi.
8 Muka-kunongesa mweza nakunongesa jinganda josena,Kakweshi nganda nayisalahoko.+Chinema* nachinonga,Kaha chihela chakusalama navachenyeka nganomu nahanjika Yehova.
9 Hakenu vinjikizo vyakulweza vatu jaMowave jila,Mwomwo navachina omu najinonga jinganda jenyi,Jinganda jenyi najikomwesa vatu,Kamweshi kukatwama vatuko.+
10 Weshowo mwazata milimo yaYehova nakanengauli apwenga wakwangula.Weshowo mwazeneka kumwanga manyinga napoko yenyi yamukwale apwenga wakwangula.
11 VaMowave vanatwamenga mukuunda kufuma vene kuunyike wavo,Vanapu nge vinyo vikwechi visele vize vinashilama.Kanda vachivafumisengaho lyehi mumulondo umwe nakuvahingunwina mumulondo ukwavoko,Kanda vachiyengaho lyehi muufungeko.Shikaho kuyema chavo kachalumukako,Nalivumba lyavo nawa kalyalumukako.
12 “Yehova nambe ngwenyi, ‘Makumbi ali nakwiza omu nangukatuma vatu vakavahingunune. Vosena navakavafumisa mumilondo yavo. Kufumaho navakachika milondo yavo yayinene chikichiki.
13 Kemoshe mwakevwisa vaMowave sonyi, nge muze Mbetele yevwishile sonyi vaze vakuzuvo yaIsalele, vaze vayifwelelele.+
14 Mwomwo ika mweji kulisashilanga ngwenu: “Etu twapwa tuvaka-kwasa jita vangolo, twalizanga kuya kujita”?’+
15 Mwangana ukwechi lijina lyenyi ikiye Yehova wamayongomena+ nambe ngwenyi,‘Mowave vanamunongesa,Jinganda jenyi vanajilukuka,+Vakweze vamwaza vamujinganda kana vanavajihi.’+
16 Lupi navamona vaMowave kalinwomu lwizenga,Kunonga chavo chili nakwiza washiwashi.+
17 Vosena vaze vavajingilika navakavevwila keke,Navaze vavatachikiza.Valwezenu ngwenu: ‘Mbwechi yangolo yaulangaji yinahokoka.’
18 Ove mwanapwevo uli nakutwama muNjivone,+Fuma haupahu wove mangana utwame hamavu nalipwila lyove,*Mwomwo muka-kunongesa Mowave nakukatukila nayove,Kaha mwanongesa vihela vyove vyakukingiwa.+
19 Ove uli nakutwama muAlowele,+ imana kujila umone.Hulisa malunga namapwevo vaze vali nakuchina ngwove, ‘Vyuma muka vinasoloka?’
20 Mowave vanamwivwisa sonyi, kaha nalizuzukila nawoma.Lilenu jimbimbi nakuteta miteto.Vilikenu muAlanone+ ngwenu Mowave vanamunongesa.
21 “Chihela chakusalama navachisopesa.+ Navasopesa Holone, naYahaze,+ naMefwate,+
22 naNjivone,+ naNevo,+ naMbete-njivilataime,
23 naKilyataime,+ naMbete-ngamule, naMbete-menyone,+
24 naKelyote,+ naMbozola, najinganda jamulifuchi lyaMowave josena jize jili kwakusuku najize jili kwakamwihi.
25 Yehova nambe ngwenyi, ‘Ngolo* jaMowave vanajikumisa.Livoko lyenyi vanalihokola.
26 ‘Munwisenu vinyo apende+ mwomwo nalitohwesa kumeso aYehova.+Mowave ali nakulipochinga muvisazo vyenyi,Kaha vali nakumutoleka.
27 Uno ove kawatolekelenga Isaleleko numba?+Kutala Isalele wamuwanyine halizavu lyaveji,Numba unyengese mutwe wove nakuhanjika vyuma vyavipi hali ikiye nyi?
28 Enu muli nakutwama muMowave, fumenu mujinganda, yenunga mukatwame kumalolwa,Pwenu nge mayembe vaze veji kutunganga maswa avo kuvinema.’”
29 “Tunevu kulivwimba chaMowave, apwa wakulivwimba chikuma.Tunevu mituto yenyi, nakulivwimba chenyi, namuchima wenyi wakulitukwojola.”+
30 “Yehova nambe ngwenyi, ‘Ngunatachikiza utenu wenyi,Oloze kuhanjika chenyi chakulitukwojola nachikakuma.Nevi mwakalinga vyauchi.
31 Shikaho nangulila hali Mowave,Nangulila hali Mowave yosena.Nangulishona hali malunga vakuKile-helese.+
32 Ove muvinyo waShivima,+ nangukulilaKuhambakana omu nangulila Yazele.+Mitango yove yinakolo, yinazauka nakuheta musali yakalungalwiji.Yinahete kukalungalwiji, kuYazele.Muka-kunongesa neza+Mangana enyeke mihako yove yahangonde yanonga namihako yamivinyo yove unahe.
33 Vatu mumilemba kaveshi nakuwahilila nakulisambako,Vatu kaveshi nakuwahilila nakulisamba mulifuchi lyaMowaveko.+Ngunalingisa vinyo vizeneke kukamuka muchikamwino.Vaka-kulyatangila mihako yamivinyo muvikamwino kaveshi kukalikuwako.Kulikuwa chavo nachikalumuka.’”+
34 “‘KuHeshevone+ kuli nakwivwakana miteto, kaha yinahete nakuEleyale.+Miteto yavo yinahete nakuYahaze,+Miteto yize yili muZowale yinahete kuHolonaime+ nakuEngelate-shelishiya.Meya amuNyimilime anomu chau.’+
35 Yehova nambe ngwenyi, ‘Nangukalingisa muMowave mukazeneke kupwaMutu mwakahana wana kuvihela vyakulunduka,Chipwe uze mwakavatwila kalunga kenyi vimuna vakuvatula.
36 Shikaho muchima wami naulishonena* hali Mowave nge chivumo chapanda,*+Shikaho muchima wami naulishonena* hali malunga vakuKile-helese nge mutu uze ali nakwimba myaso yakulishona napanda*Mwomwo luheto lwaMowave nalunonga.
37 Vatu vosena vanateula tukongo kumitwe yavo,+Vanateula wevu wavo.Vanalichate jichato hamavoko osena,+Vanavwale vikeleyi mujimbunda javo.’”+
38 “Yehova nambe ngwenyi, ‘Vatu vali nakukalwomwokaHelu lyajizuvo jamuMowave josenaNamuvihela vyasanga vyosena.Mwomwo ngunachiki MowaveKwijiva nge mulondo uze vanambili.
39 Nalizuzukila nawoma. Lilenu jimbimbi.Mowave nakinduluka nasonyi.Vali nakumutoleka,Vosena vaze vamujingilika vali nakwivwa woma havyuma vinamusolokela.’”
40 “Yehova nambe ngwenyi:‘Talenu! Muka-kole mwatanduwila mavava enyi haMowave+Kwijiva nge ngonga uze mwashikumuka nakuhukula chuma chimwe.+
41 Jimbongi jenyi navakajitambula,Vihela vyenyi vyakukola nawa navakavitambula.Halikumbi kana, vaka-kwasa jita vaMowaveNavakalyonyinga nge pwevo uze ali nakusapuluka.’”
42 “‘VaMowave navakavalalisa mangana vakazeneke kupwako cheka,+Mwomwo vanalitohwesa kumeso aYehova.+
43 Enu muli nakutwama muMowave,Namukevwa woma, nakufwa muwina namumuheto.’ Omu mukiko mwanambe Yehova.
44 ‘Weshowo mwakachina mwomwo yawoma mwakaholokela muwina,Kahou mwakafuma muwina mwakafwa mumuheto.’Mwomwo Yehova nambe ngwenyi, ‘Mwaka uze nanguzangamisa vaMowave uli nakwiza.
45 Vaze vali nakuchina vanemana mumuvule waHeshevone oku vanalizuzukila.Mwomwo kakahya nakafuma muHeshevone,Kaha mulangi naufuma muShihone.+Nawocha luholo lwaMowaveNavikola vyavana vaka-kulwa jita.’+
46 ‘Lamba kuli ove Mowave!Vatu jaKemoshe+ vananongo.Vana vove vamalunga vanavatwale muufunge,Vana vove vamapwevo vanayi muufunge.’+
47 Oloze Yehova nambe ngwenyi, ‘Hamakumbi akukuminyina, nangukakungulula vaMowave vaze navaya muufunge.Aha hakiko hanakumina mujimbu wakusopesa Mowave.’”+
Kwinyikila Chamwishi
^ Chipwe “Chana.”
^ Chipwe pamo, “hamavu akuma.”
^ Hepe., “Lumbinga.”
^ Chipwe “naulyonyingila.”
^ Kulumbununa, panda yize vembilenga nge vali nakulishona hachipeji.
^ Chipwe “naulyonyingila.”
^ Kulumbununa, panda yize vembilenga nge vali nakulishona hachipeji.
