Yelemiya 51:1-64
51 Yehova nambe ngwenyi:
“Nangukatula peho yayineneYizenga nakunongesa Mbavilone+ navatu vaze vatwama kuLeve-kamai.*
2 Nangutuma vaka-kupepa kuMbavilone,Navayipepa, kaha nayikasala yamupolongwa.Navayinyemukila kumitamba yayo yosena halikumbi lyalupi.+
3 Vaka-kwasa mata amanana kanda navalema mata avoko.Kanda nakupwa mutu mwemana nakahuma kenyi kachikungoko.Kanda namutetela vakweze valimoko.+Jihenu maswalale vosena.
4 Kaha navalindwomwokela mulifuchi lyavaKalateya,Navafwila mujijila jamulifuchi kana.+
5 VaIsalele navaYuta kavavasezele kuli Kalunga kavo, Yehova wamayongomenako.+ Kavapwile nge vatuliweko.Oloze lifuchi lyavaKalateya lili namilonga yayivulu kumeso aYou Wajila waIsalele.
6 Chinenu muMbavilone,Chinenu muyovole myono yenu.+Kanda namunonga hajishili jaMbaviloneko.Mwomwo lwola lwaYehova lwakulinga sambanjinga lunahete.Ali nakuyishishishilamo havyuma yinalinginga.+
7 Mbavilone yinapunga nge lupasa lwaulu mulivoko lyaYehova.Yinanwisanga vaka-mavu vosena vinyo mangana vapende.Vaka-mafuchi vananu vinyo vyayo nakupenda.+Shikaho vaka-mafuchi vanazalukila.+
8 Mbavilone yinashiuka, yinanongo.+Yililenu jimbimbi.+Yitondelenu mbalasamu mangana mukenga jimbandu jayo, pamo nayihinduka.”
9 “Twesekele kuka Mbavilone, oloze katwahashile kuyukako.Tuyisezenu, tuyenu tuvosena mutu himutu kulifuchi lyenyi.+Mwomwo milonga yayo yize vanayisopesela yinahete namwilu.Yinahete nakumavwi.+
10 Yehova natulingi mwachiyulo.+Twayenu twambulule muZeyone vyuma nalingi Yehova Kalunga ketu.”+
11 “Kalulenu mivwi,+ mbatenu jikepwe jamujingulule.*Yehova nakatula vamyangana javaMete,+Mwomwo najinyi kunongesa Mbavilone,Mangana Yehova alinge sambanjinga, alinge sambanjinga hatembele yenyi.
12 Katwilenu jikembwe jaMbavilone chinjikizo.*+Kolezezenu vaka-kulama, hakenu vaka-kutala muvihela vyavo.Lwezenu vaze navaswaminyina vaka-Mbavilone valizange.Mwomwo Yehova najinyi chuma chimwe,Mwalinga chuma ahanjikile hali vatu vamuMbavilone.”+
13 “Ove pwevo watwama havimeya vyavivulu,+Ove watwama naluheto lwaluvulu,+Lwola lwakukunongesa lunahete, lwola lwove lwakuwana nganyo lunakumu.+
14 Yehova wamayongomena nalishingi ivene* ngwenyi,‘Nangukakunehela malunga vavavulu nge vambimba makumbi,Navakalikuwa hakukufungulula.’+
15 Kalunga ikiye atengele mavu nangolo jenyi,Ikiye azamishile mavu namangana enyi,+Ikiye nawa akanyikile lilu mukunangakana chenyi.+
16 Kachi nge nahanjika,Meya mumelu eji kushumanga.Eji kulingisanga mavwi* akanduke mwilu kufuma kujisongosongo jamavu.Eji kulovolanga miveso yavula,Eji kulovolanga peho muvisete vyenyi.+
17 Vatu veji kulinganga vyuma chakuzeneka mangana, chakuzeneka chinyingi.Vafuli navakavevwisa sonyi mwomwo yamakombelo avo akusonga.+Mwomwo makombelo avo akuzuzulula anapu amakuli,Kaha kaweshi nashipilituko.*+
18 Makombelo kana anapu amokomoko,*+ hivyuma vyaufwefwelekete.Nawakanonga halikumbi lyakuwazangamisa.
19 Kalunga* kaYakova kapwa nganomu apwa makombelo kanako,Mwomwo ikiye atengele vyuma vyosena,Ikiye mukombo wauswana wenyi.+Lijina lyenyi ikiye Yehova wamayongomena.”+
20 “Ove yove mbwechi yami yakuzungisa kujita, yove chitwa chami chakulwa nacho kujita.Yove nanguzachisa hakuchika vaka-mafuchi.Yove nanguzachisa hakunongesa mawangana.
21 Ove yove nanguzachisa hakuchika tuvalu navaka-kutambukilaho.Yove nanguzachisa hakuchika matemba ajita navaka-kutambukilamo.
22 Ove yove nanguzachisa hakuchika malunga namapwevo.Yove nanguzachisa hakuchika tushinakaji navanyike.Yove nanguzachisa hakuchika vakweze jamalunga navana vamapwevo.
23 Ove yove nanguzachisa hakuchika tufunga namautanga avo.Yove nanguzachisa hakuchika vanjimi navimuna javo vakulimisa.Yove nanguzachisa hakuchika vanguvulu namihato javatwamina.
24 Nangushishishilamo vaka-Mbavilone navaKalateya vosenaHaupi wosena vanalingi muZeyone kumeso ove.”+ Omu mukiko mwanambe Yehova.
25 Yehova nambe ngwenyi: “Ove pili muka-kunongesa,Ove muka-kunongesa kaye kosena+ nangukuzangamisa.+Nangukolola livoko lyami nakukuzangamisa, nangukufumisa kumalolwa,Nakukulingisa upwenga nge pili yize yinaweme.”
26 Yehova nambe ngwenyi: “Kuli ove vatu kaveshi kukambatako lilolwa lyamumbango chipwe lyakwalisa chihela chazuvoko,Mwomwo naukapwa ungundu haya myaka yosena.+
27 Katulenu chinjikizo* mulifuchi.+Imbenu jineta muli vaka-mafuchi.Tongolenu* vaka-mafuchi vayinyemukile.Yisanyikilenu mawangana akuAlalate,+ nawawa akuMinyi, nawawa akuAshekenaze.+Sakulenu liswalale muka-kwingisa vakwavo milimo ayikatukile.Katulenu vaka-tuvalu vavavulu vayinyemukile nge vambimba makumbi.
28 Tongolenu* vaka-mafuchi,Vamyangana javaMete,+ navanguvulu javo, namihato javatwamina javo,Navatu vosena vaze veji kuyulanga mangana vayinyemukile.
29 Mavu nawakandenda nakulinyika,Mwomwo Yehova mwakalinga vyuma najinyi hali Mbavilone,Mwakalingisa lifuchi lyaMbavilone likakomwese vatu, kaha kamweshi kukatwama vatuko.+
30 Maswalale vamuMbavilone vanalitwamina kwasa jita.Vanatwame muvihela vyavo vyakukola.Ngolo jinavakumu.+Vanapu nge mapwevo.+Jizuvo jamuMbavilone vanajiswamika kakahya,Kaha tupachiso vanatuhokola.+
31 Tunganda vali nakulaha nakulihumangana natunganda vakwavo,Valuwa nawa vali nakulaha nakulihumangana navaluwa vakwavo,Vali nakuya vakambulule kuli mwangana waMbavilone ngwavo nganda yenyi yosena vanayitambula,+
32 Ngwavo myava yosena vanayitambula,+Ngwavo mato amateve vanawocho nakakahya,Ngwavo maswalale vanalizuzukila nawoma.”
33 Yehova wamayongomena, Kalunga kaIsalele nambe ngwenyi:“Mwanapwevo Mbavilone napu nge chizungwilo.Luno hilwola lwakuchilyatangila mangana chikole.Kalinwomu ngonde yakwaha yizenga.”
34 “Nevukataneza* mwangana waMbavilone nanguli.+Nanguluwanganyisa.Nangufulumika nakunguseza nge ngumulondo wamupolongwa.Nanguminyi nge omu linoka wamunene mwamina chuma.+Nekuta navyuma vyami vyamwaza.Nangukombo.
35 Ou atwama muZeyone nambe ngwenyi, ‘Vyuma vyavipi vanalinginga kuli ami nahamujimba wami vipwenga hali Mbavilone.’+Yelusalema nambe ngwenyi, ‘Mulonga wamanyinga ami upwenga hamitwe yavaKalateya.’”
36 Ngocho Yehova nambe ngwenyi:“Nangukuhakwila.+Nangukulingila sambanjinga.+Nangumisa tulungalwiji namashima amuMbavilone.+
37 Kaha Mbavilone nayikasala milumba yamalolwa.+Nayikalumuka kupwa liuku lyavamyumbwe,+Nayikakomwesa vatu, kaha navakalihahayo,Kamweshi kukatwama vatuko.+
38 Vosena navakakangwoka nge myevu javandumba.Navakanganyina nge vana vavandumba.”
39 Yehova nambe ngwenyi: “Omu navakalinga hivanawahilila lyehi, nangukavawahishila chiwanyino. NangukavapendesaMangana vakalisambe.+Kaha navakasavala tulo twahaya myaka yosena,Kaveshi kukahinduka chekako.”+
40 “Nangukavatwala kwakuvajihila nge omu navatwala vana vamikoko,Nge omu navatwala vizamba jamikoko navapembe.”
41 “Sheshake* vanayitambula,+Nganda yize valishilenga vatu vosena hamavu vanayitambula.+Mbavilone yili nakukomwesa vaka-mafuchi.
42 Kalungalwiji nafwiki Mbavilone.Vanayifwiki namakimba amukalungalwiji amavulu.
43 Jinganda jayo jili nakukomwesa vatu, jinapu vihela vyakuzeneka meya, jinapu likundu.Kamweshi kukatwama chipwe kukahita mutuko.+
44 Nangukazangamisa Mbele+ wakuMbavilone,Nangukamusajisa vyuma naminyi.+Vaka-mafuchi kaveshi kukaumbukila cheka kuli ikiyeko.Kaha kembwe yaMbavilone nayikapuzuka.+
45 Enu vatu jami, fumenumo.+Chinenu utenu waYehova+ mangana muyovole myono yenu.+
46 Kanda namukalizuzukila chipwe kwivwa woma hamujimbu namukevwa mulifuchiko.Nakukeza mujimbu mumwaka umwe,Kaha mwaka naukakavangizaho nakukeza mujimbu ukwavo,Mujimbu waulyanyi mulifuchi, mujimbu wavatwamina vaze navakalinyemukila mwavomwavo.
47 Talenu! Makumbi ali nakwizaOmu nangukazangamisa makombelo akusonga amuMbavilone.Lifuchi lyosena navakalivwisa sonyi,Vatu vosena navakalindwomwoka mulifuchi kana.+
48 Melu, namavu, navyuma vyosena vyatwamahoNavikatwa jingunda omu Mbavilone navakayinongesa,+Mwomwo vaka-kuyinongesa navakafuminyina kunote.”+ Omu mukiko mwanambe Yehova.
49 “Mbavilone kayajihile vaIsalele kahako,+Oloze kuMbavilone kukiko kunafwila navatu vahamavu vosena.
50 Enu munapuluka kupoko yamukwale, chinenu, kanda namwimanako.+Anukenu Yehova shimbu muli kwakusuku,Anukenu Yelusalema.”+
51 “Vanatwivwisa sonyi, mwomwo vanatutoleka.Sonyi yinatukwate chikuma,Mwomwo vaka-mafuchi eka* vaneza nakulukuka vihela vyajila vyamuzuvo yaYehova.”+
52 Ngocho Yehova nambe ngwenyi: “Makumbi ali nakwizaOmu nangukanongesa makombelo ayo akusonga.Kaha vaze vanalemana navakalyonyinga mulifuchi lyosena.”+
53 Yehova nambe ngwenyi: “Numba nge Mbavilone nayikanduka mwilu,+Numba nge nayizamisa vihela vyayo vyakukola,Oloze nanguyinehela vaka-kuyinongesa.”+
54 “Ivwenu! KuMbavilone kuli nakwivwakana miteto,+Kulifuchi lyavaKalateya kuli nakwivwakana vyema vyakunongesa chachinene,+
55 Mwomwo Yehova ali nakunongesa Mbavilone,Mwaholesa lizu lyayo lyalinene,Kaha navakeza nakunganjanga nge makimba amanene.Mazu avo nawakevwakana.
56 Muka-kunongesa mwakeza nakunongesa Mbavilone.+Vatu jayo vaka-kwasa jita navakavakwata,+Mata avo amanana navakawahokwojola,Mwomwo Yehova apwa Kalunga muka-kulinga sambanjinga,+
Kaha mwakavashishishilamo.+
57 Nangukapendesa vilolo jayo navaka-mangana,+Navanguvulu, namihato javatwamina, navaka-kwasa jita,Kaha navakasavala tulo twahaya myaka yosena,Kaveshi kukahinduka chekako.”+ Omu mukiko mwanambe Mwangana ukwechi lijina lyenyi ikiye Yehova wamayongomena.
58 Yehova wamayongomena nambe ngwenyi:“Numba tuhu kembwe yaMbavilone yayinene, oloze navakayipuzula.+Numba tuhu vikolo vyayo vyavisuku, oloze navakavyocha nakakahya.Vatu veka naveka navakafulyangila chawana.Vyuma navakahundangana vaka-mafuchi navikanonga mukakahya.”+
59 Kapolofweto Yelemiya alwezele Selaya mwanaNeliya, Neliya+ mwanaMaseya mazu awa. Amulwezelewo omu Selaya ayile naZetekiya mwangana wavaYuta kuMbavilone mumwaka wamuchiwana wachiyulo chaZetekiya. Selaya apwile mukulwane muka-kutala vyuma vyamwangana.
60 Yelemiya asonekele lupi lwosena luze nalukeza haMbavilone mumukanda umwe. Asonekelemo mazu osena alupi luze nalukeza haMbavilone.
61 Kaha Yelemiya alwezele Selaya ngwenyi: “Omu naukaheta kuMbavilone, omu naukamona nganda, ukatangila helu mazu osena awa.
62 Kufumaho ukamba ngwove, ‘Ove Yehova, unahanjika lyehi ngwove chihela chino navachinongesa, kaha kamweshi kukatwama cheka mutu chipwe kanyamako. Ngwove nachikasala ngundu haya myaka yosena.’+
63 Omu naukakumisa kutanga mukanda kana, kakashilileko lilolwa nakuumbila hakachi kakalwiji Yufwalate.
64 Jino ukamba ngwove, ‘Omu mukiko nayikalondomana Mbavilone. Kayeshi kukafwapuka chekako+ mwomwo yalupi luze nanguneha hayikiko. Kaha navakazeya.’”+
Aha hakiko hanakumina mazu aYelemiya.
Kwinyikila Chamwishi
^ Chasoloka nge eli hilijina lyakusweka lyaKalateya.
^ Chipwe pamo, “zalisenu misakali yenu.”
^ Chipwe “chitondo chachinjikizo.”
^ Chipwe “nalishingi mwono wenyi.”
^ Chipwe “muku.”
^ Chipwe “kaweshi nakuhwimako.”
^ Chipwe “aufwefwelekete.”
^ Hepe., “Chazano.”
^ Chipwe “chitondo chachinjikizo.”
^ Hepe., “Jilikenu.”
^ Hepe., “Jilikenu.”
^ Hepe., “Nevukataleza,” kusoneka chikwavo.
^ Chasoloka nge eli hilijina lyakusweka lyaMbavele (Mbavilone).
^ Chipwe “vatu veka.”
