Yelemiya 6:1-30
6 Enu vana vaMbenjamine, chinenu muYelusalema mukaswame kweka.Imbenu luneta+ muTekowa.+Munyikenu kakahya kachinjikizo muMbete-hakeleme.Mwomwo lupi lwalunene luli nakwiza kufuma kunote.+
2 Mwanapwevo Zeyone nalifwane napwevo wamwaza, wamuvwovu.+
3 Tufunga navakeza namautanga avo.Navakajika jimbalaka javo muli ikiye jingulwishi,+Kafunga hikafunga mwakalisanga vimuna jenyi.+
4 “Lizangenu* mulwenga jita naikiye.Katukenu, tuyenu tumulukuke musana ndololo.”“Lamba kuli etu, mwomwo likumbi lili nakuya nakutoka,Mwomwo mivwimbimbi yili nakusuhwilako lika.”
5 “Katukenu, tuyenu tumulukuke naufuku,Tupuzulenu tuposhi twenyi vakukola.”+
6 Yehova wamayongomena nambe ngwenyi:“Pakulenu mitondo, lundwilenu Yelusalema milundu.+Yelusalema yinapu nganda yize vatela kusopesa,Mwomwo muli luyanjisa chikuma.+
7 Munganda kana muli nakukeluka vilinga vyakuhuka,Nge muze lishima lyeji kukelukanga meya atuta.Muli nakwivwakana mijimbu yaulyanyi nakunongesa.+Lwola lwosena nguli nakumonamo misongo yachihita namisongo yeka.
8 Ove Yelusalema, zangama mokomoko nangukwivwila unyengwe nakukuseza.+Nangukunongesa mangana usale ngundu, usale ulifuchi lyakuzeneka vatu.”+
9 Yehova wamayongomena nambe ngwenyi:“VaIsalele vaze navakasalaho navakavahuhwojola nganomu navahuhwojola mihako yamivinyo kumuvinyo.Olola cheka livoko lyove nganomu mutu mwahela mihako yamivinyo kumivinyo.”
10 “Iyaze nanguhanjikila nakuhuhumuna?Iyaze mwangwivwilila?Talenu! Vanajiki mumatwitwi avo* mangana vazeneke kwivwa.+Talenu! Vali nakulumbilisa mazu aYehova,+Kaveshi nakuwazangako.
11 Ngocho ngunachimbilila nautenu waYehova,Ngunahono kulyungumika kulu.”+“Hingunwina utenu kana hali vanyike vali mujila,+Nahamazavu avakweze vaze vanalikungulwila hamwe.Malunga namapwevo javo vosena navavakwata,Navakulwane natushinakaji*+
12 Jizuvo javo navavatambulajo nakujihana kuvatu veka,Navavatambula nawa mande avo namapwevo javo.+Mwomwo nangwolola livoko lyami nakuzangamisa vatu vamulifuchi.” Omu mukiko mwanambe Yehova.
13 “Vatu vamokomoko navava vavalemu vosena vali nakunganyala vyuma mulizangamina.+Kaha vapolofweto navapilishitu nawa vali nakulyapula vatu.+
14 Vali nakuka nakanengauli vatu jami vaze vanalemana* hakwamba ngwavo,‘Kuli kuunda! Kuli kuunda!’Okunyi kuunda chauchiko.+
15 Kutala veji kwivwanga sonyi havilinga vyavo vyaunyengwe vanalingi numba?Vatu kana kaveshi kwivwa sonyiko.Kavatachikiza omu chapwa kusaukako.+Ngocho navakalindwomwokela hali vaze vanalindumuka.Navakahukana omu nangukavazangamisa.” Omu mukiko mwanambe Yehova.
16 Yehova nambe kuli vakiko ngwenyi:“Imanenu hamakanyiko mumone.Ihulenu vamilweze jijila jakushikulu,Ihulenu vamilweze jila yamwaza mangana mutambukemo,+Kaha namutwama mukuunda.”Oloze vakiko vali nakwamba ngwavo: “Katweshi kutambukamoko.”+
17 “Jino ngwatongwele vaka-kulama+ vaze vambilenga ngwavo,‘Ivwililenu omu naluvuma luneta.’”+Oloze vakiko vambile ngwavo: “Katweshi kwivwililako.”+
18 “Shikaho ivwililenu enu vaka-mafuchi.Enu vatu, tachikizenuVyuma navisoloka kuli vakiko.
19 Enu mwatwama hamavu, ivwililenu.Nangunehela ava vatu lupi+Mwomwo yavyuma vyavipi veji kujinanga.Mwomwo kaveshi kwivwilila mulizu lyamiko,Kaha nawa vanakane jishimbi* jami.”
20 “Lavona yakuShevaNakalamu* yamwaza yakufuma kulifuchi lyakwakusuku vize muli nakungunehela vinapu vyamokomoko kuli ami.Mawana enu akulumba kangwawasakileko,Vimuna jenu vakuvatula kaveshi nakungwivwisa kuwahako.”+
21 Ngocho Yehova nambe ngwenyi:“Nanguhaka vimbunji kumeso avava vatu,Kaha visemi navana vavo,Mutu nasepa lyenyiNavahukanaho.Vosena navanonga.”+
22 Yehova nambe ngwenyi:“Talenu! Vatu vali nakwiza kufuma kulifuchi lyakunote,Muyachi waunene naukatuka kufuma kusongosongo yamavu.+
23 Navakwata mata amanana namakunga.Vapwa vatu vaukenya, kaha kavatwama nakekeko.Navakaneha vyema nge kunganjanga chakalungalwiji,Vatu kana vatambuka hatuvalu.+Ove mwanapwevo Zeyone, navalitanjika mumazavu akulongesa kanawa kwijiva nge vaka-jita mangana valwenga nayove jita.”
24 Tunevu mujimbu wavyuma kana.Muzuzu unatukwate.+Tuli nakulyonyingaNakuyanjiwa* kwijiva nge pwevo uze ali nakusapuluka.+
25 Kanda kutambwojoka muchipapako,Kanda kutambwojoka mujilako,Mwomwo muka-kole ali napoko yamukwale,Kaha kuvihela vyosena kuli nakwivwisa woma.
26 Ove mwanavatu jami,Vwala chikeleyi,+ lyalange muuto.Lila jimbimbi kwijiva nge unafwisa mwanove umwe kaha lyamunwe,+Mwomwo muka-kutunongesa mweza mukukasumuna.+
27 “Ngunakulingisa* kupwa nge umuka-kutomesa malolwa muli vatu jamiUze mwahehwojola kanawa.Nyingilila jijila javo nakujikekesa.
28 Vosena vanapu vakunjinjavala,+Vanapu vaka-lusongi.+Vanapu nge unengu nafwelu.Vosena vakwechi vilinga vyavipi.
29 Mivaze yinaweme,Oloze sumbu kaha yili nakufuma mukakahya.Vali nakulishina tuhu kuheha,+Vatu vavapi kavahashile kuvahandulako.+
30 Navakavavulukanga ngwavo palata yize vakana,Mwomwo Yehova navakane.”+
Kwinyikila Chamwishi
^ Hepe., “Lijilikenu.”
^ Hepe., “Matwitwi avo kavawajihanyineko.”
^ Hepe., “navaze vanatwame makumbi amavulu.”
^ Chipwe “vanahokoka.”
^ Chipwe “jindongi.”
^ Lihongo lyalivumba lyamwaza.
^ Hepe., “Nakwivwa misongo yakusema.”
^ Kulumbununa, Yelemiya.
