Yelemiya 8:1-22
8 Yehova nambe ngwenyi: “Halwola luze, vifuwa vyavamyangana javaYuta, navifuwa vyavilolo javo, navifuwa vyavapilishitu, navifuwa vyavapolofweto, navifuwa vyavatu vamuYelusalema navakavifumisa muvimbumbe.
2 Vifuwa kana navakavyala mwishi yalikumbi, nakakweji, namayongomena amwilu osena, vyuma vize vazangilenga, vize vazachililenga, vize vakavilenga, vize vatondeletondelenga, nakulifukula kuvikiko.+ Vifuwa kana kaveshi kukavikungulula chipwe kuvifundako. Navikapwa wilo hamavu.”+
3 Yehova wamayongomena nambe ngwenyi: “Vaze navakasalaho hali ava vaka-tanga yayipi, vaze navakayovoka, navakasaka kufwa mukutela kuyoya omu navakapwa kuvihela nangukavamwangila.”
4 “Ove valweze ngwove, ‘Yehova nambe ngwenyi:“Kachi nge navalimbuka, kutala kaveshi kukatukako nyi?Kachi nge mutu mwakinduluka, kutala mukwavo naikiye keshi kukindulukako nyi?
5 Mwomwo ika ava vatu vamuYelusalema vanakakachila kuvilinga vyakuhenga?Vahanjika lika vyuma vyakutangisa.Kaha kavate kukinduluka.+
6 Ngwatengelekele matwitwi ami nakwivwilila, oloze kavahanjikile vyuma vyamwazako.Kakwapwile mutu numba umwe apihililile nakuseza vilinga vyenyi vyakuhukako, chipwe kuhulisa ngwenyi, ‘Ngunapihisa ika?’+Mutu himutu ali nakukinduluka kuvilinga vize valinga vatu vavavulu, kwijiva nge kavalu uze ali nakulahila kujita.
7 Ndalangimbu atachikiza ngonde yenyi* yakuya kuchihela cheka.Katela, nakapyasa, namunyamba* valama lwola lwavo lwakukinduluka.*Oloze vatu jami kavatachikiza kusopesa chaYehovako.”’+
8 ‘Namwamba ngachilihi ngwenu: “Tukwechi mangana, kaha nawa tukwechi jishimbi* jaYehova,”Okunyi jisonekeso jamakuli+ javaka-kusoneka jili nakusoneka kaha vyuma vyamakuli?
9 Vaka-mangana vanavevwisa sonyi.+Vanalizuzukila, ngocho navavakwata.Vanakane mazu aYehova,Kaha mangana mukaze vali nawo?
10 Nanguvatambula mapwevo javo nakuvahana kumalunga veka,Nanguvatambula nawa mande avo nakuwahana kuvatu veka.+Mwomwo vatu vamokomoko navava vavalemu vosena vali nakunganyala vyuma mulizangamina.+Kaha vapolofweto navapilishitu nawa vali nakulyapula vatu.+
11 Vali nakuka nakanengauli vatu jami vaze vanalemana* hakwamba ngwavo:“Kuli kuunda! Kuli kuunda!”Okunyi kuunda chauchiko.+
12 Kutala veji kwivwanga sonyi havilinga vyavo vyaunyengwe vanalingi numba?Vatu kana kaveshi kwivwa sonyiko.Kavatachikiza omu chapwa kusaukako.+Ngocho navakalindwomwokela hali vaze vanalindumuka.Navakahukana omu nangukavazangamisa.’+ Omu mukiko mwanambe Yehova.
13 Yehova nambe ngwenyi, ‘Nangukavakungulwila hamwe nakuvanongesa.Kumuvinyo kakweshi kukasala mihakoko, kumukuyu nawa kakweshi kukasala jikuyuko, kaha mafwo nawakazuza.Vyuma vize ngwavahanyine navikatoka.’”
14 “Tunatwamina ika hano?Tulikungululenu, twingilenu mujinganda jakukingiwa+ mangana tukanongelemo.Mwomwo Yehova Kalunga ketu mwatunongesa.Yehova natuhane meya ausungu tunwenga,+Mwomwo tunalingi shili kuli ikiye.
15 Tunatalililanga kuunda, oloze katwamwene chuma chamwaza numba chimweko,Tunatalililanga lwola lwakutuka kumisongo, oloze kuli vyuma vyakwivwisa chiwomawoma.+
16 KuNdane kuli nakwivwakana kuhwimasana chatuvalu twamuka-kole.Lifuchi lyosena lili nakundendaMwomwo yakuhwimasana chatuvalu twenyi.Neza enyeke lifuchi navyuma vyosena vyatwamamo,Nganda navatu vatwamamo.”
17 Yehova nambe ngwenyi: “Nangumitumina manoka,Nangumitumina manoka vaulembe vaze kaveshi kuhombolako,Kaha navamisuma.”
18 Kulyonyinga chami kacheshi kuhasa kukumako.Muchima wami uli nakuviza.
19 Mwanavatu jamiAli nakutwa kawelele kulifuchi lyakwakusuku ngwenyi:“Uno Yehova keshi muZeyoneko nyi?Uno mwangana wayo keshimoko nyi?”“Ika vanangwivwishila kupihya kumuchima hakulemesa makombelo avo akusonga,Nahakulemesa nawa tulunga twavo vamokomoko?”
20 “Ngonde yakwaha yinakumu, ngonde yavula nawa yinakumu,Oloze etu kavatulwilileko.”
21 Ngunahombo mwomwo yakulemana chamwanavatu jami.+Ngunazeye chikuma.Ngunalikomokela chikuma.
22 Uno muNgileyate kamweshi maji ambalasamuko nyi?+Uno kamweshi chimbukeko nyi?+Nyi ikaze vatu jami vanahonena kuvoka?+
Kwinyikila Chamwishi
^ Chipwe “atachikiza lwola lwenyi vatongola.”
^ Chipwe pamo, “namulombwe.”
^ Chipwe “lwakwaluka.”
^ Chipwe “jindongi.”
^ Chipwe “vanahokoka.”
