Yelemiya 9:1-26
9 Kachi nge mutwe wami wapwanga lishima lyamasoji,Kachi nge meso ami apwanga kaselwoke kamasoji,+Kachi vatu jami ava vanajihiNgunavalili musana naufuku.
2 Kachi nge mupambo mwapwanga chilombo chakusavalila vaka-kutambuka ungeji,Kachi nanguyako mangana ngufume kuvatu jami nakuvaseza,Mwomwo vosena vanapu vaka-ujila,+Vanapu hilizavu lyavaka-kumbembejeka.
3 Veji kunananga malimi avo kwijiva nge uta wamanana.Mulifuchi munazale vatu vamakuli, vakuhona kushishika.+Yehova nambe ngwenyi: “Vali nakulinganga vyuma vyavipi lwola lwosena,Kaha kaveshi nakungwivwililako.”+
4 “Zangamenu navatu mwalihata navo,Kanda namufwelela vandumbwenuko.Mwomwo vandumbwenu vosena vapwa vaka-kumbembejeka,+Kaha vatu mwalihata navo nawa vosena vapwa vaka-lusongi.+
5 Mutu himutu eji kwonganga mukwavo,Kakweshi mutu eji kuhanjikanga muchanoko.Valinangula kuhanjika makuli.+Veji kulizeyesanga vavene hakulinga vyuma vyavipi.
6 Uli nakutwama navaka-kutangisa.Vatu kana vanakane kungutachikiza mwomwo vapwa vaka-kutangisa.” Omu mukiko mwanambe Yehova.
7 Ngocho Yehova wamayongomena nambe ngwenyi:“Nanguvayengununa nakuveseka,+Mwomwo mweka mukaze ngwatela kulinga ava vatu jami?
8 Malimi avo anapu nge mivwi yakuvambuka, ahanjika kaha vyuma vyakutangisa.Mutu nahase kuhanjika namukwavo mukuunda,Oloze kumana mumuchima wenyi namuswaminyina.”
9 Yehova nambe ngwenyi: “Nanguvasopesa havyumevi vali nakulinga.Vaka-lifuchi kana nanguvashishishilamo.+
10 Nangulilila jipili jimbimbi nakujimbila jingungu,*Nangwimbila ulilo wamuchipapa lungungu,Mwomwo vanavyocho, kaha kakweshi mutu ali nakuhita kuvihela kanako,Kakweshi nakwivwakana vyema vyavimunako.Tujila vakutuka mwilu natunyama vanachinyi vanayi.+
11 Nangunongesa Yelusalema yisale milumba yamalolwa,+ yipwenga mauku avamyumbwe,+Nangunongesa jinganda jaYuta jisale ngundu, kaha kamweshi kutwama vatuko.+
12 Iya ali namangana akutachikiza mwalumbunukila vyuma kana?Iya vanalweze kuli Yehova mangana ambulule vyuma kanevi?Uno lifuchi linanongela ika?Uno linawemena ika kwijiva nge pamboNakulingisa jino vatu vahone kuhitamo?”
13 Yehova akumbulwile ngwenyi: “Mwomwo vanakane jishimbi* jami ngwavahanyine, kavajikavangijileko. Kavononokele nawa mulizu lyamiko.
14 Vananjinjavala nakukavangiza munayi michima yavo.+ Vali nakulemesa vaMbale nge muze vavalongele masevo.+
15 Ngocho Yehova wamayongomena, Kalunga kaIsalele nambe ngwenyi, ‘Ava vatu nanguvalisa mwaji, nanguvanwisa nawa meya ausungu.+
16 Nanguvamwangila kumafuchi aze kavatachikizako, aze nawa vazenekele kutachikiza masevo.+ Kaha nangukatuma poko yamukwale yikavahangasane palanga nomu nangukavanongesa vosena.’+
17 Yehova wamayongomena nambe ngwenyi,‘Pwenu vakunangakana.Sanyikenu mapwevo vaka-kwimba jingungu.*+Sanyikenu mapwevo vaze vapwa vakuluwa mangana vezenga,
18 Vezenga washiwashi vatwimbile lungungu,Mangana mumeso etu mupwelumuke masoji,Mangana jikavizo jetu jisotoke meya.+
19 Mwomwo muZeyone muli nakwivwakana lungungu luno ngwavo:+“Tunanongo chikupu.Tunevu sonyi chikuma.Mwomwo tunaseze lifuchi lyetu, kaha nawa jizuvo jetu vanajipuzula.”+
20 Enu mapwevo, ivwenu mazu nahanjika Yehova.Matwitwi enu evwilile mazu amukanwa kenyi.Nangulenu vana venu vamapwevo lungungu luno,Linangulenu mwenumwenu lungungu* kana.+
21 Mwomwo kufwa chinengilila mujinjanena jetu.Chinengila mutuposhi twetu vakukolaMangana chikumise vanyike mujijila,Chikumise vakweze muvihela vyasanga.’+
22 Hanjika ngwove, ‘Yehova nambe ngwenyi:“Mijimba yavatu vakufwa nayilindwomwoka nakupwa wilo muchipapa,Nayilumbama kwijiva nge milumba yatiliku yize nahe muka-kwaha,Kaha kakweshi kupwa mutu mwayikungululako.”’”+
23 Yehova nambe ngwenyi:“Muka-mangana kanda alisashila hamangana enyiko.+Chindume kanda alisashila haundume wenyiko.Muka-luheto nawa kanda alisashila haluheto lwenyiko.”+
24 Yehova nambe ngwenyi: “Ou mwalisasa, alisashile hachuma chino:Alisase mwomwo anangakana nakungutachikiza kanawa+Ngwenyi ami yami Yehova, Ou eji kusololanga zangi yakwilila, nachiyulo, nakwoloka hamavu.+Mwomwo ngwazanga vyuma kana.”+
25 Yehova nambe ngwenyi: “Talenu! Makumbi ali nakwiza omu nangukasopesa vatu vosena vaze vajihana, oloze vakuzeneka kujihana kumichima.+
26 Nangusopesa vaEjipitu,+ navaYuta,+ navaEtome,+ navaAmone,+ navaMowave,+ navosena vaze vanateula mavinji awevu wavo, vaze vatwama mupambo.+ Mwomwo vaka-mafuchi osena vapwa vilima, kaha vaze vakuzuvo yaIsalele navakiko nawa vapwa vakuzeneka kujihana kumichima yavo vosena.”+
Kwinyikila Chamwishi
^ Chipwe “myaso yakulishona.”
^ Chipwe “jindongi.”
^ Chipwe “myaso yakulishona.”
^ Chipwe “mwaso wakulishona.”
