Yona 2:1-10
2 Jino Yona alombele kuli Yehova Kalunga kenyi omu apwile mujimo lyaishi,+
2 ambile ngwenyi:“Omu ngwamwene vihuli, ngwalombele kuli ove Yehova, kaha wangukumbulwile.+Omu ngwapwile heshi* yaFuka* ngwatwile kawelele.+Kaha wevwile lizu lyami.
3 Omu wangumbilile hamashima, kwishi yakalungalwiji,Muta wanguhungumwine.+Makanya ove namakimba ove angufwikile.+
4 Jino ngwambile ngwami, ‘Unanguhange kumeso ove,Kahaze nangutala cheka ngachilihi tembele yove yajila?’
5 Meya angufwikile, kaha kuyoya chami chapwile muponde.+Meya angujimikile.Mwila wamukalungalwiji wangujingile kumutwe.
6 Ngwalondomanyine kwishi yakalungalwiji.*Vangupachililile kwishi yamavu natupachiso haya myaka yosena.Oloze ove Yehova Kalunga kami wapululwile mwono wami muwina.+
7 Omu ngwapwile* hakamwihi nakufwa, ngwakwanukile ove Yehova.+Kaha kulomba chami chahetele kuli ove, mutembele yove yajila.+
8 Vatu vaze veji kulemesanga tuponya vamokomoko vakana ou eji kuvasolwelanga zangi yakwilila.
9 Oloze ami nangukuhana vimuna vakuvatula nakukusakwilila.Nangutesamo lushiko lwami ngunalishiki.+Yehova ikiye muka-kulwila.”+
10 Kutwala muze, Yehova alwezele uze ishi asaze Yona, kaha amusajilile hatunda.
Kwinyikila Chamwishi
^ Hepe., “ngwapwile mujimo.”
^ Chipwe “yaSheyole,” kulumbununa fuka yavatu vosena. Tala Mukana waMazu.
^ Hepe., “yajipili.”
^ Chipwe “Omu mwono wami wapwile.”