Yona 3:1-10
3 Jino Yehova ahanjikile kuli Yona kamuchivali ngwenyi:+
2 “Katuka uyenga kunganda yayinene yaNyineve+ mangana ukavilike mujimbu nangukulweza.”
3 Ngocho Yona ononokele mulizu lyaYehova,+ kaha akatukile nakuya kuNyineve.+ Jino Nyineve yapwile nganda yayinene chikuma* yakutambuka makumbi atatu.
4 Ngocho Yona engilile muze munganda, kaha atambukile likumbi limwe oku ali nakuvilika ngwenyi: “Kunasale kaha makumbi 40, Nyineve navayinongesa.”
5 Jino vatu vamuNyineve vafwelelele Kalunga.+ Ngocho vavilikile lwola lwakulijilika kulya, kaha vatu vamokomoko navava vavalemu vosena vavwalile vikeleyi.
6 Omu mwangana waNyineve evwile mujimbu kana, akatukile halitanda lyenyi, azulile uvwalo wenyi wawangana, kaha avwalile chikeleyi nakutwama muuto.
7 Ahanyine lushimbi vatu vavilike munganda yaNyineve yosena ngwavo,“Mwangana navilolo jenyi vanahane lushimbi ngwavo: Kanda nakupwa mutu chipwe chimuna, ngombe chipwe mukoko mwalya vyakulyako. Kanda navalya vyakulya chipwe kunwa meyako.
8 Vatu navimuna vosena vavwale vikeleyi. Vatu valombe kuli Yehova namichima yavo yosena nakuseza jijila javo jajipi navilinga vyavo vyaulyanyi.
9 Iyaze natachikiza, pamo Kalunga wamuchano mwalumuna vishinganyeka vyenyi* nakupeula utenu wenyi mangana tuzeneke kunonga.”
10 Omu Kalunga wamuchano amwene vyuma valingile hakuseza jijila javo jajipi,+ alumwine vishinganyeka vyenyi* halupi luze ambile kuvanehela. Ngocho kaluneheleko.+
Kwinyikila Chamwishi
^ Hepe., “nganda yayinene kumeso aKalunga.”
^ Chipwe “mwevwa kupihya.”
^ Chipwe “evwile kupihya.”
