Yopa 10:1-22
10 “Ngunahungu kuyoya chami.+Nanguyayavala mwomwo yaukalu wami.Nanguhanjika mwomwo yakulyonyinga chamumuchima wami.
2 Nangwamba Kalunga ngwami, ‘Kanda unguhana mulongako.Ngulweze ovyo uli nakulipikila nayami.
3 Uno weji kunganyalanga hakuyanjisa vatu,Nahakulumbilisa milimo yamavoko ove+ tahi?Kutala weji kwivwilanga kuwaha mazu avaka-kuhuka tahi?
4 Uno watwama nameso nge avatu,Chipwe kumona nge omu vamona vatu numba?
5 Uno makumbi ove anapu nge makumbi avatu numba?Uno myaka yove yinapu nge myaka yavatu,+
6 Numba uhehwojole kuhenga chami,Nakutala lika hashili yami?+
7 Unatachikiza ngwove kangweshi namulongako,+Oloze naumwe wauchi mwangupululula mumavoko ove.+
8 Mavoko ove akiko anguumbile nakungutenga+Oloze uli nakungunongesa.
9 Anuka ngwove wangutengele kufuma kuunonga+Kaha uli nakungukindulwisa kulukungu.+
10 Uno kawanguhingunwine nge maveleko numba?Nakungukondesa nge maji akeju?
11 Wanguuvile chikova nanyamaWanungasanyine vifuwa namishisa hamwe.+
12 Unanguhane kuyoya nakungusolwela zangi yakwilila.Unalame shipilitu* yami nakuyizakama.+
13 Oloze unajinyi kulinga vyuma vino mukusweka.*Kaha ngunatachikiza ngwami vyuma kana vili nakufuma kuli ove.
14 Kachi nge ngunalinginga shili, kachi unangumononga,+Kaha kachi kaweshi kungukonekela shili yamiko.
15 Kachi nge ngunavulumuna, kaha chaluvinda kuli ami.Numba tuhu kangweshi namulongako, oloze kangweshi kuhasa kutambuka nakulisasako,+Mwomwo ngunasauka lyehi, nguli muukalu.+
16 Kachi nge nangutambuka nakulisasa, naunguyomba nge ndumba,+Nakusolola nawa ngolo jove hali ami.
17 Naungunehela vinjiho vavahya mangana vangupayise,Nautohwesa nawa matoto ove hali ami,Nakungunehela vihuli mwakamwihi mwakamwihi.
18 Ikaze wangulowelele mujimo lyamama?+Kachi ngwafwile tuhu shimbu kanda vatu vangumone,
19 Mwomwo kachi ngwapwile nguwauchiko.Kachi vangumbachile mujimo nguwakufwa nakungutwala kufuka.’
20 Uno makumbi ami kaweshi amandendeko numba?+ Angweche uka wami,Atale meso enyi kweka mangana nguchinokeko,*+
21 Shimbu kanda nguyenga kuchihela kuze nanguzeneka kukinduluka,+Kulifuchi lyamilima yayinene,*+
22 Kulifuchi lyakwilava wi,Lifuchi lyamilima yayinene, lyakuluwangana,Kuze kumunyika chapwa nge milima wi.”
Kwinyikila Chamwishi
^ Chipwe “kuhwima; kuyoya.”
^ Hepe., “Oloze vyumevi unavisweke mumuchima wove.”
^ Chipwe “mangana nguwahilileko chachindende.”
^ Chipwe “lyamilima namuvwimbimbi wakufwa.”
