Yopa 11:1-20
11 Zofwale+ wakuNama ambile ngwenyi:
2 “Mazu osena awa vazeneke kuwakumbulula nyi?Uno kuhanjika chikuma nachilingisa mutu apwenga wakwoloka tahi?*
3 Uno mazu ove amokomoko nawahasa kuholesa vatu tahi?Kumana vatu vahone kuhamika mazu ove akutoleka nyi?+
4 Unambe ngwove, ‘Kunangula chami chakwoloka,+Ngwove ngunatomo kumeso aKalunga.’+
5 Nachiwaha nge Kalunga mwahanjika kuli oveNakumbakula mivumbo yenyi nayove.+
6 Kaha mwakulumbunwina vyuma vyamangana vyakusweka,Mwomwo mangana amwenemwene alisezaseza.Ngocho mutachikiza ngwove Kalunga keshi nakusaka kwanuka kuhenga choveko.
7 Uno muhasa kutachikiza mangana aKalunga akujiminyina,Chipwe vyuma vyosena vahanjika hali ou Wangolo Josena numba?
8 Mangana enyi ajindama kuhambakana melu. Ikaze nauwanaho?Akunama kuhambakana Fuka.* Muhasa kutachikiza ika?
9 Atohwa kuhambakana lifuchi lyosenaAmanene kuhambakana kalungalwiji.
10 Kachi nge mwahita hakamwihi, kaha himwakasa mutu nakumusanyikila vaka-kuyula,Iyaze mwamukanyisa?
11 Mwomwo eji kutachikizanga nge vatu navalyonga.Kachi nge namono vyuma vyavipi, uno keshi kutachikizako numba?
12 Mutu wakuhona mangana keshi kuhasa kunangakanako,Kuvanga pamo chimbulu wamuchipapa aseme mutu.
13 Wahisa muchima woveNakwolola mavoko ove kuli ikiye mukulomba.
14 Kachi nge livoko lyove lili nakulinga vyuma vyavipi, kaha likanyise,Kanda witavisa vilinga vyakuhenga vipwenga mujimbalaka joveko.
15 Ngocho muhasa kwandula meso ove mwomwo kaweshi nakatengako,Muhasa kuzama mbe chakuzeneka woma.
16 Mwomwo nauvulyama kuyanda chove.Kaweshi kukachanukako nge meya amuta aze anakuhichi lyehi.
17 Kuyoya chove nachipwa chazwalala kuhambakana nakumunyika chalikumbi.Namilima nawa nayipwanga nge chimene.
18 Naukwata ngolo mwomwo uli nalutalililo.Naukakekesanga vyuma vyove, kaha naukasavalanga mukuunda.
19 Naukasavalanga kulu, kaha naumwe wauchi mwakavevwisa woma.Vatu vavavulu navakasaka ukavevwile uselewa.
20 Oloze meso avaka-kuhuka nawakelava wi.Kaha kaveshi kukawana kwakuchinyinako,Navakatalililanga kaha kufwa.”*+
Kwinyikila Chamwishi
^ Chipwe “Uno muka-kulisasa nahase kupwa wakwoloka tahi?”
^ Chipwe “Sheyole,” kulumbununa fuka yavatu vosena. Tala Mukana waMazu.
^ Chipwe “kukuma chamwono.”
