Yopa 12:1-25
12 Jino Yopa ambile ngwenyi:
2 “Enu yenu munatachikiza,*Kaha mangana namukanonga nawo hamwe.
3 Oloze nayami ngwanangakana.*Ami kangwakuminamo hakungwesekesa nayenuko.Iyaze nazeneka kutachikiza vyuma kanevi?
4 Masepa jami vali nakunguseha,+Nguli nakulomba kuli Kalunga angukumbulule.+Vatu vali nakuseha mutu wakwoloka, wakuzeneka mulonga.
5 Vatu vakuzeneka ukalu vali nakutoleka vaze vali nakumona vihuli,Vashinganyeka ngwavo vihuli vyapwa vyavaze kaha vali nakutalyangila.*
6 Mujimbalaka javihwanga muli kuunda,+Kaha vaze vali nakusowangiza Kalunga vapwa vakukingiwa+Vapwa vakukingiwa ngana mwavaze vanakwate tulunga twavo vakusonga mumavoko avo.
7 Jino ihulenu tunyama, kaha navaminangula.Natujila vahelu, kaha navamilweza.
8 Shinganyekenu* omu apwa mavu, kaha nawaminangula.Navaishi vamukalungalwiji, kaha navamilweza.
9 Iyaze hali ava nazeneka kutachikizaNgwenyi livoko lyaYehova likiko linalingi chuma kanechi?
10 Myono yavyuma vyakuyoya vyosena yili mumavoko enyiNashipilitu* yavatu vosena.*+
11 Uno matwitwi kaweshi kusakula mazuNge omu lilimi* lyeji kumakilanga vyakulyako numba?+
12 Uno mangana kaweshi kuli vakulwaneko numba?+Kaha kunangakana kacheshi kuli vaze vanayoyo myaka yayivuluko numba?
13 Kuli Kalunga kukiko kuli mangana nangolo.+Akwechi punga yamwenemwene nakunangakana.+
14 Nge mwashiula chuma chimwe, kaveshi kuhasa kuchitunga chekako.+Chuma nasoko kakweshi mutu mwahasa kuchisokololako.
15 Nge mwasoka meya, kaha vyuma vyosena navyuma chau.+Nge mwawasokolola, kaha nawazavuka chikumakuma hamavu.+
16 Kuli ikiye kukiko kuli ngolo namangana amwenemwene.+Nou mwahungumwisa mukwavo, nayou nawa navahungumwisa vanapu venyi.
17 Eji kwinyisanga vaka-kutwama punga nakuvatambukisa mahinjihinji,*Kaha eji kuhulamisanga vaka-kuyula.+
18 Eji kukasununanga vatu malenge vanavakase kuli vamyangana,+Nakuvakasa mihya mujimbunda javo.
19 Eji kwinyisanga vapilishitu nakuvatambukisa mahinjihinji,+Kaha eji kukatumunanga vaze vanazame havihela vyangolo.+
20 Eji kuhonesanga vangaji kuhanjika,Nakutambula mangana avakulwane.
21 Eji kusawisanga vatu vavalemu,+Nakuzeyesa vatu vangolo.*
22 Eji kusololanga vyuma vyakujiminyina vyamumilima,+Nakuneha milima yayinene kumusana.
23 Eji kuhananga vaka-mafuchi ngolo mangana avanongese.Eji kutohwesanga vaka-mafuchi mangana avatwale muufunge.
24 Eji kutambulanga vatwamina javatu kunangakana* chavo,Nakuvalingisa valumbwangile mulikundu mwakuzeneka jila.+
25 Veji kupupuchilanga mumilima+ muze kamweshi mumunyiko,Eji kuvalingisanga vapelyangile nge vaka-kupenda wala.+
Kwinyikila Chamwishi
^ Hepe., “Enu yenu vatu.”
^ Hepe., “nayami nguli namuchima.”
^ Chipwe “vali nakusenunuka.”
^ Chipwe pamo, “Hanjikenu.”
^ Chipwe “Nakuhwima.”
^ Hepe., “yavakwechi mijimba vosena.”
^ Hepe., “ndakwila.”
^ Chipwe “nakuvazula vyuma vyosena.”
^ Hepe., “Nakukasununa mihya yavatu vangolo.”
^ Hepe., “michima.”