Yopa 17:1-16
17 “Ngolo jami jinanguhu, makumbi ami anakumu.Chimbumbe chili nakunguvandamina.+
2 Vaka-kungutoleka vanangujingilika,+Kaha meso ami ali nakutala* vilinga vyavo vyakulikanga.
3 Achitavile chijikilo chami, uchitulike.Iyaze mwalinyaka nayami mumavoko mangana anguhanyine chijikilo?+
4 Mwomwo unasoko vishinganyeka vyavo kuchina navanangakana.+Shikaho kaweshi kuvazezwila heluko.
5 Mutu nahase kwazana vyuma vyenyi namasepa jenyi,Okunyi meso avana venyi anafuvalala.
6 Kalunga nangulingisa ngupwenga chuma chakuhenda* kuli vatu,+Kaha ngunapu ngumutu navafwijila maleji kumeso.+
7 Kulyonyinga chami chinangwilavisa meso+Vilyo vyamujimba wami vinahokama.
8 Vaka-kusungama vanalikomokela hachumechi,Kaha vaze vanazeneka mulonga vanevu kupihya hali vaka-kuzamukila* Kalunga.
9 Muka-kwoloka chatambuka lika mujila yenyi,+Kaha uze natomo kumavoko mwakwatanga lika ngolo.+
10 Muvosena munahase kwiza muputuke cheka jipami jenu.Mwomwo kangwawanyine mutu wamangana hali enuko.+
11 Makumbi ami anakumu lyehi,+Vyuma ngunajinyi, evi ngunafwila mumuchima wami vinakuminamo.+
12 Ufuku vanautenge kupwa musana,Vanambe ngwavo, ‘Omu kuli milima, musana uli kwakamwihi.’
13 Numba nguvandamina tuhu, Fuka* nayipwa limbo lyami.+Nangwala kahela kami mumilima.+
14 Nanguvuluka wina*+ ngwami, ‘Ove yove tata.’Kaha mavunu ngwami, ‘Muvamama, muvandumbwami.’
15 Uno lutalililo lwami luli kulihize?+Uno kuli umwe namono ngwenyi lutalililo lwami kululi tahi?
16 Lutalililo lwami nalushikumuka muFuka* yavikolo vyatupachiso twakukola,Omu natushikumuka tuvosena mulukungu.”+
Kwinyikila Chamwishi
^ Chipwe “anashishika.”
^ Hepe., “ngupwenga nguchishimo; ngupwenga ngukashimutwiji.”
^ Chipwe “vaka-kulikanga kuli.”
^ Chipwe “Sheyole,” kulumbununa fuka yavatu vosena. Tala Mukana waMazu.
^ Chipwe “fuka.”
^ Chipwe “muSheyole,” kulumbununa fuka yavatu vosena. Tala Mukana waMazu.
