Yopa 19:1-29
19 Yopa ambile ngwenyi:
2 “Uno namungwivwisa kupihya+Nakungulemeka namazu enu palanga nakumwaka uka?+
3 Munangutenukila* mapapa 10.Oloze kamweshi nakwivwa sonyi omu muli nakunguyanjisako.+
4 Kachi nge ngunalimbenje,Kaha mulonga wayami ivene.
5 Muli nakulitukwojola,Nakwamba ngwenu vihuli vyami vinapu vyakulisakila,
6 Oloze tachikizenu ngwenu Kalunga ikiye nangweve,Nakungukuchikila mulyoji lyenyi.
7 Ami ngweji kutwanga kawelele mwomwo yaukenya, oloze naumwe eji kungulwilanga wauchi.+Ngweji kusakanga vanguhakwile, oloze kangweshi kuwana chiyulo chakwolokako.+
8 Mujila yami nashichimo chipato chamalolwa, kaha kangweshi kuhasa kuhitako.Nelavisa mujijila jami namilima.+
9 Nangutambula lyehi upahu wami,Kaha nanguzulu muchama kumutwe wami.
10 Nanguvete mujimba wosena, nakunguseza ngufwenga.Lutalililo lwami nalutukula nge omu navatukula mutondo.
11 Nangukwachila matoto,Nangumono nge ngumuka-kole wenyi.+
12 Maswalale jenyi vanakunguluka nakunguhaka muchingombela,Vanatungu chilombo chavo kumbalaka yami jingulwishi ndo.
13 Vandumbwami navatwale kwakusuku nayami,Kaha vaze vangutachikiza vananguseze.+
14 Vausoko wami vanalimwange,Kaha vaze ngwatachikijile chikuma vananguvulyama.+
15 Vangeji vakuzuvo yami,+ navandungo jami vamapwevo vanangumono nge ngumutu weka.Nge ngumuka-lifuchi lyeka kumeso avo.
16 Ngunasanyika ngamba yami angukafwe, oloze kate kwitavila,Ngunamulembelela nakanwa kami angutetele.
17 Pwevo lyami nevwila unyengwe mwono wami,+Vandumbwami* vananguhungu ngwavo nguli nakunuka.
18 Navana vavandende vali nakungulumbilisa.Omu nangukatuka kaha hinavanguunga.
19 Masepa jami vosena vananguhungu,+Kaha vaze ngwazangile vanangwalumukila.+
20 Chikova chami nanyama yami vinominyina havifuwa,+Kaha ngunayovokela hachala.
21 Ngutetelenu enu masepa jami, ngutetelenu,Mwomwo livoko lyaKalunga linanguvete.+
22 Ika muli nakunguyanjishila nge omu ali nakunguyanjisa Kalunga?+Ikaze muli nakungunyemukila lika?*+
23 Nachiwaha nge mazu ami navawasoneka,Nge navawahaka mumukanda.
24 Kachi navawola hamalolwa haya myaka yosenaKuzachisa shizo yafwelu nasumbu.
25 Mwomwo ngunatachikiza ngwami muka-kungusokola+ kwali wamutonyi,Mweza hano hamavu mukuhita chamakumbi.
26 Omu nachilinga chikova chami hichinalyenyeka lyehi,Oloze shimbu nguchili namujimba wami, nangukamona Kalunga,
27 Nangukalimwenayo ami ivene,Nangukamumona nameso ami keshi nge kungulweza kuli mutu wekako.+Oloze ngunalikomokela chikumakuma.*
28 Muli nakwamba ngwenu, ‘Mujila muka tuli nakumuyanjisa?’+Mwomwo ngwenu ami yami nguli naukalu.
29 Ivwenu woma wapoko yamukwale,+Mwomwo poko yamukwale yeji kuzangamisanga vaka-kuhengesa,Tachikizenu ngwenu muka-kuyula kwali.”+
Kwinyikila Chamwishi
^ Chipwe “Munangutukana.”
^ Hepe., “Vana vamujimo lyami,” kulumbununa lijimo lize lyangusemene (mujimo lyamama).
^ Hepe., “Ikaze munazeneka kusuuluka namujimba wami?”
^ Chipwe “jiso jami jinalitwamina kuzata.”
