Yopa 27:1-23
27 Yopa atwalileho nakuhanjika chihande* chenyi ngwenyi:
2 “Omu ayoya Kalunga tu, ou nangutambula chiyulo chakwoloka,+Omu ayoya ou Wangolo Josena, ou nangumwenesa vihuli,+
3 Chikalu nguchili nakuhwima,Nashipilitu yaKalunga yichili mumazulu ami,+
4 Mivumbo yami kayeshi kuhanjika vyakuhengakoChipwe lilimi lyami kuhanjika vyuma vyamakuli.
5 Nachipwa chakuhenga kuli ami kumivulukila kwoloka!Kangweshi kuseza* kulonga chamiko palanga nomu nangufwa.+
6 Nangulamanga kwoloka chami, kaha kangweshi kuchimbilako.+Muchima wami kaweshi kungulangulula* mukuyoya chamiko.*
7 Vaka-kole jami vapwenga nge omu vapwa vaka-kuhuka,Kaha vaze vanangulemeka vapwenga nge omu vapwa vaka-kuhenga.
8 Lutalililo mukaze mwapwa nalwo muka-kuzamukila* Kalunga kachi nge vanamunongesa,+Kachi nge navamujiha kuli Kalunga?
9 Uno Kalunga mwevwa miteto yenyiKachi nge ukalu unamuwane tahi?+
10 Kutala nahase kuzanga ou Wangolo Josena nyi?Uno nahase kulembelela Kalunga lwola lwosena tahi?
11 Nanguminangula omu japwa ngolo* jaKalunga.Kangweshi kusweka vyuma vimwe vyayou Wangolo Josenako.
12 Kachi nge muvosena munamono vyuma vyakumimwenesa,Nyi ikaze muli nakuhanjikila vyuma vyamokomoko?
13 Echi chikiko chazano chamuka-kuhuka chakufuma kuli Kalunga,+Unapu hiuswana mwatambula chilyanyi kuli ou Wangolo Josena.
14 Kachi nge vana venyi navavula, kaha navakanonga kupoko yamukwale.+Kaha vaka-tanga yenyi kaveshi kukapwa navyakulya vyavivuluko.
15 Vaze navakasalaho navakafwa kumusongo wachihita,Kaha vatuliwe javo kaveshi kukalilako.
16 Numba mwalilunjikila palata nge lukungu lwahamavu,Nakulilumbikila uvwalo wauvulu nge mavu,
17 Numba mwavulisa tuhu uvwalo wenyi,Oloze vaka-kwoloka navakalivwalilawo+Kaha palata yenyi nawa navakalipangilayo kuli ava vazeneka mulonga.
18 Zuvo yenyi mwatunga kayeshi kukolako nge muze wapwa wanda watututu,Nayipwa ngana mwachisakila vanatungu kuli muka-kulama.+
19 Mwakasavala hanapu lyehi muka-luheto, oloze keshi kukalukungululako.Kahomu mwakatona, mwakawana luheto lwenyi lwauchi.
20 Vyuma vyakwivwisa woma navikamukasumuna nganomu livaji nalikasumuna mutu.Peho yanyamanganda nayikamuhukula naufuku.+
21 Peho yakumututuko nayikamupekumuna, kaha keshi kukapwakoko,Nayikamukomba kuchihela chenyi.+
22 Nayikaliveta hali ikiye, kayeshi kukamutetelako,+Nomu mwakasaka ngwenyi akayichine.+
23 Nayikamusakwilila najikushi,Nayikamwimbila miloji+ kuchihela chayo.*
Kwinyikila Chamwishi
^ Hepe., “chishimo.”
^ Chipwe “Kangweshi kulifumisa; Nangulama.”
^ Chipwe “kunguhenda.”
^ Chipwe “hamakumbi ami osenako.”
^ Chipwe “muka-kulikanga kuli.”
^ Chipwe pamo, “Nanguminangula nalivoko.”
^ Chipwe pamo, “Navakamusakwilila najikushi nakumwimbila miloji kuchihela chavo.”
