Yopa 31:1-40
31 “Ngunalishiki lushiko nameso ami.+Ngocho ngushishikile ikaze pwevo weka?+
2 Chazano chami chakufuma kuli Kalunga chika?Uswana muka nangutambula kuli ou Wangolo Josena?
3 Uno lupi kalweshi nakuvandamina vaka-kuhuka,Chipwe vihuli kuvandamina vaka-kulinga vyuma vyavipiko numba?+
4 Uno Kalunga keshi kumona jijila jami+Nakulava jitambo jamiko numba?
5 Kutala ngwahanjikaho lyehi makuli tahi?*Uno mahinji ami eji kwanguhwisanga kuya nakwonga numba?+
6 Kalunga angupezalise nachipezaliso chakwoloka+Kaha mwamona kulonga chami.+
7 Kachi nge jitambo jami jinapyapumuka mujila,+Nge muchima wami vanauhungumwisa navyuma anamono meso ami,+Chipwe nge mavoko ami anapihi namajilo,
8 Ngutumbe tuhu mbuto jami, kaha weka akajilye,+Kaha vize ngunatumbu, vakavitukule* tuhu.
9 Kachi nge muchima wami vanauzondola kuli pwevo weka,+Numba nge ngunaswaminyinanga+ mukwetu kuchikolo chazuvo yenyi,
10 Kaha pwevo lyami achekele manona lunga weka,Malunga veka valisavale tuhu nenyi.*+
11 Echi chinapu hichuma chakwivwisa sonyi,Himulonga wakuzangamishilaho mutu kuli vaka-kuyula.+
12 Kanapu kakahya kaze nakocha nakunongesa* vyuma,+Nakocha namiji yajimbuto* jami josena.
13 Kachi nge ngwakanyine kuyula kanawa vandungo jami vamapwevo navava vamalungaOmu vapwile nakuyayavala hali ami,*
14 Kaha nangukalinga ngachilihi omu Kalunga mwakalitalasana nayami?*Nangukamukumbulula ngachilihi omu mwakangusopesa?+
15 Ou angutengele ami mujimo, keshi ikiye atengele navakikoko numba?+Uno keshi Ikiye lika atutengele shimbu kanda tuchisemukeko numba?*+
16 Kachi nge ngwakanyine kuhana vaka-kuhutwa vyuma vasakilenga,+Chipwe kuhombesa vatuliwe,*+
17 Kachi nge ngwalilenga kulya chami ukawami,Chakuzeneka kuhanako vanginga,+
18 (Mwomwo kufuma kuunyike wami vanginga vanangumononga nge ngusevo,Kaha ngunalamenga vatuliwe kufuma kuunyike wami.*)
19 Kachi nge ngwamwene umwe nafu chishika mwomwo yakuhona vyakuvwala,Chipwe muka-kuhutwa nazeneka vyakulifwika,+
20 Kachi nge kavangukiswileko,+Omu vevwile yuku nauvwalo wamangona amikoko jami,
21 Kachi nge ngwakajilile nginga konyi,+Omu asakile ngwenyi ngumukafwe kuchikolo changanda,*+
22 Kaha livoko* lyami lizokoke muze lyasokela,Lihokoke tuhu mukonekelo yalyo.
23 Mwomwo ngwevwilenga woma walupi lwakuli Kalunga,Ngwalizuzukilile haukelenga wenyi.
24 Kachi nge ngwafwelelele ulu,Chipwe kuhanjika kuulu wamwaza ngwami, ‘Unapu umukingo wami.’+
25 Kachi nge ngwawahililile mwomwo yakuvula chaluheto lwami,+Navikumba vyavivulu ngwalikungulwilile,+
26 Kachi nge ngwamwene likumbi nalimunyika,Chipwe kakweji mwatambuka muulangaji,+
27 Kachi nge muchima wami wakunyukile,Nakanwa kami nawa kusweswenya mavoko ami nakuvilemesa,+
28 Kaha nawou nawa himulonga wakuzangamishilaho mutu kuli vaka-kuyula,Mwomwo kachi ngwasolwele nge ngunakane Kalunga wamuchano.
29 Uno ngwawahililaho lyehi hakunonga chamuka-kole wami,+Chipwe kulisamba mwomwo yalupi lunamuwane numba?
30 Kangwetavishile kanwa kami kalinge shiliHakwangula mwono wenyiko.+
31 Uno malunga vamumbalaka yami kavambile ngwavo,‘Iyaze mwawana mutu uze mwamba ngwenyi kangwekuchile vyakulya* vyenyiko?’+
32 Kakweshi ngeji* asavalilenga haweluka naufukuko.+Vaka-kutambuka ngwavasokolwelele kuvikolo vyami.
33 Uno ngwafwikaho lyehi milonga yami yakuzombwojoka jishimbi,+Hakuyisweka musweko yauvwalo wami, nge muze valinga vatu vamwe nyi?
34 Kutala ngwevwaho lyehi woma havyuma navalinga vatu,Chipwe kulizuzukila hamazu navahanjika vatu muchitungilo,Nakungulingisa nguhole kulu, nakwivwa woma wakulovoka haweluka numba?
35 Kachi nge kwapwanga mutu wakungwivwilila,+Kachi ngunasoneka lijina lyami kuvyuma ngunahanjika.Ou Wangolo Josena angukumbulule.+Kachi nge muka-kunguvangijikila asonekanga milonga yami mumukanda, kachi chinawahe.
36 Kachi ngunaumbate hachifwiji,Kachi ngunauvungila kumutwe wami nakupwa nge muchama.
37 Kachi ngunamulweze munayi jitambo jami josena.Kachi ngunapandama kuli ikiye kwijiva nge nguchilolo.
38 Kachi nge mavu nawateta hali ami,Kaha myozongolo yawo nayililila hamwe,
39 Kachi nge ngunali mihako yawo chakuzeneka fweto,+Chipwe kwivwisa kupihya venyayo,*+
40 Kaha mingonga yisoke tuhu muchishishisa chatiliku,Namwila unuka nawa muchishishisa chambale.”Mazu aYopa anakumina vene hano.
Kwinyikila Chamwishi
^ Chipwe pamo, “ngwatambukaho lyehi navaka-makuli tahi?”
^ Chipwe “Kaha vaka-tanga yami vakavatukule.”
^ Hepe., “Malunga veka vaulumane tuhu hali ikiye.”
^ Hepe., “nakalya nakukumisa.”
^ Chipwe “Nakatukula jimbuto.”
^ Chipwe “nachihande nayami.”
^ Hepe., “mwakangukatukila.”
^ Hepe., “atutengele mumajimoko numba?”
^ Hepe., “Chipwe kuhombesa meso avatuliwe.”
^ Hepe., “kufuma mujimo lyamama.”
^ Chipwe pamo, “Omu ngwamwene ngwami nguli navaka-kungukafwa kuchikolo changanda.”
^ Chipwe “chifwiji.”
^ Hepe., “nyama.”
^ Chipwe “mwiza.”
^ Chipwe “myono yavenyayo.”
