Yopa 36:1-33
-
Elihu mwasangejeka unene waKalunga uze vazeneka kuhehwojola (1-33)
36 Elihu atwalileho nakuhanjika ngwenyi:
2 “Achingutalilileko chikoki mangana nguhanjike,Mwomwo nguchili namazu amavulu akuhanjikilako Kalunga.
3 Nanguhanjika vyuma vyosena vize ngwatachikiza,Nanguvulukila Tengi yami kwoloka.+
4 Kangweshi kuhanjika makuliko.Ou atwama nachinyingi chakukupuka,+ ali hano kumeso ove.
5 Kalunga apwa wangolo,+ kaha keshi kulumbilisa mutuko.Apwa wakunangakana chikuma.*
6 Keshi kuketavisa vaka-kuhuka vakayoyeko,+Oloze eji kuyulanga vaka-kukalikiza mukwoloka.+
7 Eji kushishikanga meso enyi hali vaka-kwoloka.+Eji kuvahakanga hamatanda navamyangana hamwe,*+ nakuvazezula helu myaka yosena.
8 Oloze nge vanavakase malenge,Nakufwa mujifungo jaluyando,
9 Kaha eji kuvalwezanga vyuma vanalingi,Nomu vanazombwojoka jishimbi mwomwo yakulivwimba chavo.
10 Eji kujikulanga matwitwi avo mangana vevwenga vyuma mwavahuhumuna,Nakuvalweza vaseze vilinga vyavo vyavipi.+
11 Kachi nge navamwononoka nakumuzachila,Kaha navakatwamanga kanawa hamakumbi avo osenaMyaka yakuyoya chavo yosena nayikapwa yamwaza.+
12 Oloze nge kaveshi kwononokako, kaha navakanonga kupoko yamukwale,*+Navakafwa chakuzeneka chinyingi.
13 Vaka-kuzamukila* Kalunga navakapwa nakulundundu.Numba nge Kalunga navakase, kaveshi kukatwa kaweleleko.
14 Navakafwa* shimbu vachili vakweze,+Navakenyeka* kuyoya chavo muli malunga vaka-ujila.*+
15 Oloze eji kupulululanga vaka-kukalikiza muluyando lwavo,Eji kuvalingisanga vatengeleke matwitwi avo kuli ikiye halwola lwavihuli.
16 Mwakusosolola kuvihuli,+Nakukutwala kuchihela cheka, kwakuzeneka vyuma vize navikulimba,+Kuze vanakuhakila vyakulya viyema hamesa yove mangana ulivendejekeleho.+
17 Kaha naukasuuluka najila navakasopeselamo vaka-kuhuka,+Omu navakavasopesa nakukundwiza chiyulo chakwoloka.
18 Oloze zangama, kuchina matoto nawakutwala kukulinga vyuma vyavipi,+Kaha kanda witavila maswekeza akuzondoleko.
19 Uno kutwa chove kaweleleChipwe kuhundangana chove nachikumisa luyando lwove numba?+
20 Kanda naufwila ufukuko,Omu vatu navajimuka kuvihela vyavo.
21 Zangama kuchina naulinga vyuma vyavipi,Muchishishisa chakuyanda.+
22 Tala! Kalunga atwama nangolo jakulitulaho.Muka-kunangula mukaze apwa nge ikiye?
23 Iyaze mwamulweza jila yakuyamo,+Chipwe kuhanjika kuli ikiye ngwenyi, ‘Vyuma unalingi vyakuhenga’?+
24 Anuka kwalisa milimo yenyi,+Yize vanembinga vatu mumyaso.+
25 Vatu vosena vanayimono,Oloze milimo kana vanayimwena hahasuku.
26 Kalunga apwa wamunene kuhambakana omu twamutachikijila,+Kuvula chamyaka yenyi katweshi kuhasa kuchijivako.*+
27 Eji kukokanga mamata ameya.+Kaha hinawalikonda nakupwa vula yakufuma kumbundu,
28 Kufumaho mavwi eji kulovolanga meya,+Kaha hinawanokela hamavu hali vatu.
29 Uno kuli mutu umwe atachikiza omu alyala mavwi,Chipwe kulilima chakufuma mumbalaka* yenyi tahi?+
30 Achitale omu eji kutanduwilanga kumunyika+ chenyi hambalaka,Eji kufwikanga hamavu akalungalwiji.
31 Eji kuzakamanga* vatu navyuma kanevi,Eji kuvahananga vyakulya vyavivulu.+
32 Eji kufwikanga miveso namavoko enyi,Nakuyilweza oho yatela kutulila.+
33 Mikalateta yenyi yeji kusololanga omu apwa,Navimuna nawa veji kutachikizanga ou* ali nakwiza.
Kwinyikila Chamwishi
^ Hepe., “Atwama namuchima.”
^ Chipwe pamo, “Eji kuhakanga vamyangana hamatanda.”
^ Chipwe “kuchitwa (kumatongo).”
^ Chipwe “Vaka-kulikanga kuli.”
^ Chipwe “Myono yavo nayikafwa.”
^ Chipwe pamo, “Navakanongesa.”
^ Chipwe “malunga vaka-ujila vakutembele.”
^ Chipwe “kuchihehulako.”
^ Hepe., “muchisakila.”
^ Chipwe pamo, “kuhakwilanga.”
^ Chipwe pamo, “kutachikizanga vyuma.”