Yopa 4:1-21
4 Jino Elifwaze+ wakuTemane ambile kuli Yopa ngwenyi:
2 “Kachi nge mutu ali nakusaka kuhanjika kuli ove, kutala muliunjika nakumwivwilila tahi?Mwomwo iyaze mwakanyisa mutu ali nakusaka kuhanjika?
3 Chikupu vene unahuhumunanga vavavulu,Unajikijisanga vaze vanazeyenga.
4 Mazu ove anakolezezanga vaze vanalimbukanga.Unazamikisanga vaze vanevunga muzuzu mwomwo yawoma.
5 Lelo jino vinakuwane nayove, kaha unalihombokela.Vinakukwate, kaha unalizakamina.
6 Uno kwivwa chove Kalunga woma kachakuhanyine lufweleloko tahi?Uno kulonga chove+ kachakuhanyine lutalililoko tahi?
7 Achishinganyeke: Mutu muka wakuzeneka mulonga anongaho lyehi?Mutu muka wakusungama vanongesaho lyehi?
8 Ami ngunamono ngwami vatu vaze veji kulimanga* vyuma vyakuhenga,Navaze veji kukuvanga lupi veji kwahanga vyuma vyovimwe.
9 Veji kunonganga nakulundundu yaKalunga,Veji kufwanga namatoto enyi.
10 Ndumba mwakangwoka, kaha mwevu wandumba mwatahwoka,Namazo akukola avandumba* eji kupukukanga.
11 Ndumba eji kufwanga hakuzeneka kulya nyama yamukoka,Kaha vana venyi veji kulimwanganga.
12 Jino vangulwezele mazu kupenge,Matwitwi ami evwile mazu vanguyevetelele,
13 Ngwayanjile muvishinganyeka naufuku muchakungumwenesa,Halwola veji kusavalanga vatu chikuma tulo.
14 Ngocho ngwevwile woma waunene,Vifuwa vyami vyachikimine mwomwo yamuzuzu.
15 Kaha mutu wakushipilitu ahichile kumeso ami.Jikambu jami jalikashile kwijiva kwi.
16 Kaha emanyine ndundulu,Oloze kangwahashile kumona omu afwanyineko.Emanyine kumeso ami.Kwaholele kulu, kaha ngwevwile mazu akwamba ngwavo:
17 ‘Uno mutu wanganavene nahase kupwa wakwoloka kuhambakana Kalunga numba?Kutala mutu nahase kupwa utoma kuhambakana Uze amutengele numba?’
18 Kalunga kafwelela vangamba jenyiko,Kaha eji kuwanyinanga vangelo* jenyi tutenga.
19 Nyi ngachilihi vatu vakutwama mujizuvo jaulova,Vakwechi vihela vyavo mulukungu,+Vaze navachikika washi nge tuuyauya!
20 Veji kuvachikanga chikichiki kufuma kuchimene swi nakuchingoloshi.Veji kunonganga ndolokoto, kaha wauchi eji kuvahakanga mangana.
21 Uno kavapwa nge mbalaka yikwechi jingoji navakokako numba?Veji kufwanga mwomwo yakuzeneka mangana.
