Yopa 6:1-30
6 Jino Yopa ambile ngwenyi:
2 “Kulyonyinga chami+ kachi navachipezalisa,Navihuli vyami nawa kachi navavihaka hachipezaliso!
3 Mwomwo chinaleme kuhambakana usekeseke wakukalungalwiji.Shikaho ngunalusukila nakuhanjika mazu amapi.+
4 Mivwi yaukwechi Ngolo Josena yinangutuu,Nguli nakwivwa ulembe wayo uli nakutanda mumujimba wami.+Kalunga nangunyemukila, ngocho nguli nawoma waunene.
5 Uno chimbulu wamuchipapa+ nahase kuteta nge kuli mwila wakulya numba?Kutala ngombe nahase kuteta nge vanamuhane vyakulya numba?
6 Vyakulya vyavisamu vanahase kuvilya chakuhona mungwa numba?Uno meya aliulu apwa ayema numba?
7 Ngunakane kukwata vyakulya kana.Mwomwo vinapu nge kulya chamajilo.
8 Nachiwaha nge Kalunga mwetavila kulomba chami,Nakunguhana vyuma ngunasake.
9 Nachiwaha nawa nge Kalunga mwetavila angunongese,Nakwolola livoko lyenyi angujihe.+
10 Mwomwo nachinguvendejeka chikuma.Nanguwahilila nakulisamba chamokomoko namisongo yayinene nguli nayo,Mwomwo kangwakanyine mazu aYou Wajilako.+
11 Kutala nguli nangolo jakuvandamina lika numba?+Ikaze nanguvandamina numba ngutwaleho lika kuyoya?*
12 Uno ngolo jami japwa nge lilolwa numba?Kutala nyama yami yapwa nge unengu numba?
13 Uno nanguhasa kulikafwa ngachilihi ami ivene,Okunyi vyuma vyakungukafwa vanangutambulavyo?
14 Weshowo mwahona kusolwela mukwavo zangi yakwilila,+Keshi kuhasa kwivwa woma Kalunga Wangolo Josenako.+
15 Vandumbwami vanangumbembejekanga,+ vanapunga nge mwanakalwiji wamungonde yachishika,Nge meya avana vatulwiji aze eji kumanga.
16 Tulwiji kana vanelava nameya akulikonda,Kaha malolwa avula anayengunukilamo.
17 Oloze mungonde yanonga kaveshi kupwa nameyako, veji kulelangananga.Nge kunazumu, kaha veji kumanga chau.
18 Veji kuhongomokanga nakutalisa kweka.Veji kuyanga mulikundu nakumina vene muze.
19 Vyendo vyavatu vakuTema+ vatondele tulwiji kana,Vaka-kutambwojoka vakuSheva+ vasakasakile meya amutulwiji kana.
20 Vapayile mwomwo kufwelela chavo chayile mwanganavene.Vevwile kupihya hakuwana meya auchimo.
21 Omu mukiko mumunapu nayenu kuli ami.+Munamono kutohwa chavihuli vyami, kaha munevu woma.+
22 Kutala ngunamilombo ngwami ‘Nguhanenuko vyuma vimwe,’Chipwe kumilomba ngwami munguhane wana kuluheto lwenu numba?
23 Uno ngunamilombo ngwami mungupululule mumavoko avaka-kole jami,Chipwe ngwami munguyovole* kuli vaka-kungushinyinyika numba?
24 Ngunangulenu, kaha ami nangumivwilila.+Ngukafwenu ngutachikize kulimbenja chami.
25 Kulweza mutu muchano kachakolesa kumuchimako.+Oloze nganyo muka nanguwana kumazu enu muli nakunguhuhumuna?+
26 Uno muli nakufwila kupopolola mazu ami,Mazu amuka-kukalikiza+ aze anapu nge peho tahi?
27 Enu munahase kuzachisa tutachikijilo hali vanginga,+Nakulanjisa sepa lyenu.+
28 Ngocho alumukenu mungutale,Mwomwo kangweshi kulyonga kumeso enuko.
29 Kanda namunguhana mulongako,Tachikizenu ngwenu nguchili nakulama kulonga chami.
30 Uno kanwa kami kali nakuhanjika vyuma vyakuhenga numba?Uno kangwatachikijile ngwami vyuma kavyeshi kanawako tahi?
Kwinyikila Chamwishi
^ Chipwe “numba ngusuwise tando yakuyoya (mwono) chami.”
^ Hepe., “mungusokole.”
