Yoshuwa 12:1-24
12 Ava vakiko vamyangana jalifuchi vaze vanongesele kuli vaIsalele nakutambula lifuchi lyavo musali yaYotau kumututuko, kufuma kuChinema chaAlanone*+ nakuheta kuPili yaHelemone,+ naAlava yosena kumututuko.+
2 Vapwile Shihone+ mwangana wavaAmole uze atwaminenga kuHeshevone, kaha ayulilenga kufuma kuAlowele+ yize yapwila kuchikulo chaChinema chaAlanone,*+ swi nahakachi kachinema kana, nachimbwa changalila yaNgileyate swi nakuChinema* chaYavoke kungiza yavaAmone.
3 Ayulilenga nawa ngalila yaAlava kuheta nakuKalungalwiji waKinelete*+ kumututuko, swi nakuKalungalwiji wakuAlava, ikiye Kalungalwiji waMungwa,* chakutala kumututuko kuMete-yeshimote, nakumukandu waPishinga+ kusulo.
4 Mwangana mukwavo apwile Onge+ wakuMbashane uze alitulileho hali vaLefwaime.+ Atwaminenga kuAshatalote nakuEtelei,
5 kaha ayulilenga ngalila yaPili yaHelemone, naSaleka, naMbashane+ yosena swi nakungiza yavaNgeshule, navaMakate,+ nachimbwa chaNgileyate, kungiza yangalila yamwangana Shihone wakuHeshevone.+
6 Mose ngamba yaYehova, navaIsalele vafungulwile ava vamyangana.+ Kaha ngamba yaYehova Mose ahanyine ngalila yavo kuli vaLuvene, navaNgate, nachimbwa chamuyachi waManase.+
7 Ava vakiko vamyangana jalifuchi vaze vanongesele kuli vaIsalele musali yaYotau kumulauko, kufuma kuMbale-ngate+ kuChinema chaLevanone+ kuheta nakuPili yaHalake+ yize yaheta nakuSeile.+ Kaha Yoshuwa ahanyine lifuchi kana kumiyachi yavaIsalele kupwa uswana wavo.+
8 Vavahanyine nangalila yajipili, naShefwela, naAlava, namikandu, napambo, naNengeve.+ Eji jingalila kana japwile javaHete, navaAmole,+ navaKanane, navaPeliji, navaHivi, navaYevuse.+ Ava vakiko vapwile vamyangana javo:
9 Mwangana waYeliko,+ namwangana waAi+ kwakamwihi naMbetele,
10 namwangana waYelusalema, namwangana waHevelone,+
11 namwangana waYalamute, namwangana waLakishe,
12 namwangana waEngelone, namwangana waNgezele,+
13 namwangana waNdevile,+ namwangana waNgetele,
14 namwangana waHoloma, namwangana waAlate,
15 namwangana waLivina,+ namwangana waAtulame,
16 namwangana waMaketa,+ namwangana waMbetele,+
17 namwangana waTapuwa, namwangana waHefwele,
18 namwangana waAfweke, namwangana waLashalone,
19 namwangana waMatone, namwangana waHazole,+
20 namwangana waShimilone-melone, namwangana waAkashafwe,
21 namwangana waTanake, namwangana waMengito,
22 namwangana waKeteshe, namwangana waYokoneyame+ kuKalamele,
23 namwangana waNdole kupili yaNdole,+ namwangana waNgoyime kuNgilingale,
24 namwangana waChiliza. Vamyangana vosena ava vapwile 31.
Kwinyikila Chamwishi
^ Chipwe “kuMwanakalwiji Alanone.”
^ Chipwe “chaMwanakalwiji Alanone.”
^ Chipwe “nakuMwanakalwiji.”
^ Ikiye Kalungalwiji waKufwa.
^ Kulumbununa, chijiva chaNgenesaleta, chipwe Kalungalwiji waNgalileya.
