Yoshuwa 16:1-10
16 Ngalila yavana vaYosefwe+ yize vavahanyine kuzachisa tutachikijilo,+ ngiza yavo yaputukilile kukalwiji Yotau, kuYeliko, yayile kutuselwoke vameya akuYeliko kumututuko, kaha yakandukile kufuma kuYeliko nakuhita mupambo swi nakungalila yajipili yakuMbetele.+
2 Yafumine nawa kuMbetele yakuLuze, yahichile kungiza yavaAlake kuAtalote,
3 kaha yashikumukile kumulauko, kungiza yavaYafwelete nakuya kuMbete-holone+ yaKuchikulo, swi nakuNgezele,+ kaha yakakuminyine kukalungalwiji.
4 Vana vaYosefwe,+ Manase naEfwalime vatambwile uswana wavo.+
5 Ngiza yakumututuko yavana vaEfwalime kweseka najitanga javo yapwile Atalote-atale,+ kuheta nakuMbete-holone+ yaKutunda,
6 kaha yalovokelele kukalungalwiji, oku Mikimetate+ yili kunote. Kufuma kuze yanyengumukile kumututuko nakuhita kuTanate-shilo, kaha yayile kuYanowa, kumututuko.
7 Yafumine kuYanowa, yayile kuAtalote, nakuNala, kaha yahetele kuYeliko+ nakulovokela kuYotau.
8 Kufuma kuTapuwa+ ngiza yahichile kumulauko nakuya kuMwanakalwiji waKana, kaha yakuminyine kukalungalwiji.+ Ou ukiko uswana wamuyachi waEfwalime kweseka najitanga javo,
9 wakuhakila kujinganda namembo akwavo vapwile nawo vaEfwalime mungalila yavaManase.+
10 VaEfwalime kavahangile vaKanane vaze vatwaminenga muNgezeleko.+ VaKanane vanatwame lika muli vaEfwalime palanga nakulelo,+ kaha vanavazachisanga milimo yaundungo.+
