Yoshuwa 21:1-45
21 Jino vatwamina vakujizuvo javakakuluka javaLevi vapandamine kuli kapilishitu Eleyaza,+ naYoshuwa mwanaNune, navatwamina vakujizuvo javakakuluka jamiyachi yavaIsalele.
2 Vahanjikile kuli vakiko kuShilo+ mulifuchi lyaKanane ngwavo: “Yehova alwezele Mose atuhane jinganda jakutwamamo navipapa vyajo mangana vimuna jetu valilengamo.”+
3 Ngocho vaIsalele vahanyineko vaLevi jinganda+ jakuuswana wavo+ navipapa vyajo nge muze avalwezele Yehova.
4 Jitanga javaKohate+ vajihanyine uswana wavo kuzachisa tutachikijilo. Kaha vaLevi, vana vakapilishitu Alone, vakiko vavangilile kutambula jinganda 13 kufuma kuuswana wamuyachi waYuta,+ nawou waShimeyone,+ nawou waMbenjamine.+
5 Kaha vaKohate vaze valitulileho vavahanyine jinganda 10* kufuma kujitanga jamuyachi waEfwalime,+ nakumuyachi waNdane, nakuchimbwa chamuyachi waManase.+
6 VaNgeleshone+ vavahanyine jinganda 13 kufuma kujitanga jamuyachi waIsakale, nakumuyachi waAshele, nakumuyachi waNafwatale, nakuchimbwa chamuyachi waManase kuMbashane.+
7 VaMelali+ vavahanyine jinganda 12 kweseka najitanga javo. Jinganda kana jafumine kumuyachi waLuvene, nakumuyachi waNgate, nakumuyachi waZevulune.+
8 Ngocho vaIsalele vahanyine vaLevi eji jinganda navipapa vyajo kuzachisa tutachikijilo nge muze ambile Yehova kuhichila muli Mose.+
9 Awa akiko majina ajinganda+ jakumuyachi waYuta, nakumuyachi waShimeyone jize
10 vahanyine vana vakapilishitu Alone vakujitanga javaKohate vakuli vaLevi, mwomwo katachikijilo kakulivanga kaholokelele hali vakiko.
11 Vavahanyine nganda yaKilyate-alava+ (Alava apwile ise yaAnake), chipwe ngwavo Hevelone+ kungalila yavaYuta yajipili nachipapa chayo chakulila vimuna.
12 Oloze musenge wanganda kana namembo awo vauhanyine kuli Kaleve mwanaYefune kupwa uswana wenyi.+
13 Vana vakapilishitu Alone vavahanyine nganda yaHevelone+ nachipapa chayo, nganda yakuswamamo weshowo mwajiha mukwavo.+ Vavahanyine nawa naLivina+ nachipapa chayo,
14 naYachile+ nachipapa chayo, naEshetemowa+ nachipapa chayo,
15 naHolone+ nachipapa chayo, naNdevile+ nachipapa chayo,
16 naAine+ nachipapa chayo, naYuta+ nachipapa chayo, naMbete-shemeshe nachipapa chayo. Eji jinganda 9 jafumine kumiyachi yivali.
17 Kumuyachi waMbenjamine vavahanyineko nganda yaNgiveyone+ nachipapa chayo, naNgeva nachipapa chayo,+
18 naAnatote+ nachipapa chayo, naAlamone nachipapa chayo. Japwile jinganda jiwana.
19 Jinganda josena vahanyine vapilishitu vana vaAlone japwile 13 navipapa vyajo.+
20 Kaha jitanga javaKohate jize jalitulileho hali vaLevi vajihanyine jinganda jakumuyachi waEfwalime.
21 Kungalila yajipili yaEfwalime vavahanyineko nganda yaShekeme+ nachipapa chayo, nganda yakuswamamo weshowo mwajiha mukwavo.+ Vavahanyine nawa naNgezele+ nachipapa chayo,
22 naKivizaime nachipapa chayo, naMbete-holone+ nachipapa chayo. Japwile jinganda jiwana.
23 Kumuyachi waNdane vavahanyineko nganda yaEleteke nachipapa chayo, naNgivetone nachipapa chayo,
24 naAiyalone+ nachipapa chayo, naNgata-limone nachipapa chayo. Japwile jinganda jiwana.
25 Kuchimbwa chamuyachi waManase vavahanyineko nganda yaTanake+ nachipapa chayo, naNgata-limone nachipapa chayo. Japwile jinganda jivali.
26 Jinganda josena vatambwile vatu vakujitanga javaKohate vaze valitulileho japwile 10 hohamwe navipapa vyajo.
27 Kuchimbwa chamuyachi waManase, vaNgeleshone+ vakujitanga javaLevi vavahanyineko nganda yaNgolane+ kuMbashane nachipapa chayo, nganda yakuswamamo weshowo mwajiha mukwavo. Vavahanyine nawa naMbeshetela nachipapa chayo. Japwile jinganda jivali.
28 Kumuyachi waIsakale+ vavahanyineko nganda yaKishiyone nachipapa chayo, naNdavelate+ nachipapa chayo,
29 naYalamute nachipapa chayo, naEne-nganyime nachipapa chayo. Japwile jinganda jiwana.
30 Kumuyachi waAshele+ vavahanyineko nganda yaMishale nachipapa chayo, naAvatone nachipapa chayo,
31 naHelekate+ nachipapa chayo, naLehove+ nachipapa chayo. Japwile jinganda jiwana.
32 Kumuyachi waNafwatale vavahanyineko nganda yaKeteshe+ kuNgalileya nachipapa chayo, nganda yakuswamamo+ weshowo mwajiha mukwavo. Vavahanyine nawa naHamote-ndole nachipapa chayo, naKalatane nachipapa chayo. Japwile jinganda jitatu.
33 Jinganda josena vahanyine vaNgeleshone kweseka najitanga javo japwile 13 navipapa vyajo.
34 Kumuyachi waZevulune,+ vaka-jitanga javaMelali,+ vaLevi vaze valitulileho vavahanyineko nganda yaYokoneyame+ nachipapa chayo, naKalata nachipapa chayo,
35 naNjimina nachipapa chayo, naNahalale+ nachipapa chayo. Japwile jinganda jiwana.
36 Kumuyachi waLuvene vavahanyineko nganda yaMbezele+ nachipapa chayo, naYahaze nachipapa chayo,+
37 naKetemote nachipapa chayo, naMefwate nachipapa chayo. Japwile jinganda jiwana.
38 Kumuyachi waNgate+ vavahanyineko nganda yaLamote kuNgileyate+ nachipapa chayo, nganda yakuswamamo weshowo mwajiha mukwavo. Vavahanyine nawa naMahanaime+ nachipapa chayo,
39 naHeshevone+ nachipapa chayo, naYazele+ nachipapa chayo. Japwile jinganda jiwana.
40 Jinganda josena vahanyine jitanga javana vaMelali vaze valitulile hajitanga javaLevi, japwile 12.
41 Jinganda javaLevi josena jize japwile muli vaIsalele japwile 48 hohamwe navipapa vyajo.+
42 Nganda hinganda yapwile nachipapa chayo jingulwishi ndo.
43 Ngocho Yehova ahanyine vaIsalele lifuchi lyavo lyosena lize alishingile kuhana kuli vakakuluka javo,+ kaha valihetele nakutwamangamo.+
44 Kaha Yehova avalingishile vanoke mulifuchi lyosena nge muze alishingile kuli vakakuluka javo,+ kaha vaka-kole kavahashile kwimana kumeso avoko.+ Yehova avahanyine mumavoko avo.+
45 Hajishiko* josena jize Yehova ashikile vakuzuvo yaIsalele, kahalihonene lushiko numba lumweko, josena jateselemo.+
