Yowele 1:1-20
1 Yehova ahanjikile kuhichila muli Yowele* mwanaPetwele ngwenyi:
2 “Enu vakulwane, ivwililenu,Enu mwatwama mulifuchi* muvosena, tengelekenu matwitwi enu.Kutala vyumevi vyasolokaho lyehi mumakumbi enuChipwe mumakumbi avakakuluka jenu nyi?+
3 Vyambulilenu vana venu,Kaha vana venu vavyambulile vana vavo,Vana vavo nawa vakavyambulile chisemunwino nachikakavangizaho.
4 Vize vanasezeho vasenya, vambimba makumbi vanavili.+Vize vanasezeho vambimba makumbi, vasamuyandulu vanavili,Vize vanasezeho vasamuyandulu, mavongolo vanavili.+
5 Enu vaka-kupenda,+ hindukenu mulile.Enu vaka-kunwa vinyo muvosena, lilenu jimbimbi,Mwomwo vinyo viyema vanamitambulavyo kutunwa twenu.+
6 Mulifuchi lyami muneza vaka-muyachi vangolo, vavavulu chikuma.+Mazo avo anapu nge avandumba,+ jimbangi javo nawa jinapu nge javandumba.
7 Vanenyeka mivinyo yami, kaha mikuyu yami vanayiseze vimbunji kaha,Yosena vanayihulula, kaha vanayimbili,Vanakenye mitango yayo nakuyiseza kwau.
8 Lilenu jimbimbi nge muze mwanapwevo navwale chikeleyiMwalilila lunga uze ambile kumumbata.
9 Muzuvo yaYehova kamweshi wana wamanona+ nawana wavinyoko.+Vapilishitu, vaka-kuzachila Yehova vali nakulishona.
10 Mande vanawenyeka, ngocho mavu ali nakulishona.+Jimbuto jamanona vanajenyeka, vinyo vyavihya namaji vinakumu.+
11 Vanjimi vanalizakamina, vaka-kuzata mumande amivinyo vali nakulila jimbimbi,Mwomwo tiliku nambale vinalyenyeka.Jimbuto mumande nawa jinalyenyeka.
12 Mivinyo yinomu,Mikuyu yinazuzu.Miloma, namikoma, namitondo yajiapo,Namitondo yamumande yosena yinomu.+Vatu vanevu sonyi mukutela kuwahilila.
13 Enu vapilishitu, vwalenu vikeleyi mulishone.*Enu vaka-kuzachila kulijiko lyakulumbila,+ lilenu jimbimbi.Enu mweji kuzachilanga Kalunga kami, ingilenu nakunyingama ufuku wosena oku munavwale vikeleyi.Mwomwo muzuvo yaKalunga kenu kamweshi wana wamanona+ nawana wavinyoko.+
14 Vilikenu* lwola lwakulijilika kulya, sanyikenu vatu vezenga kukukunguluka chajila.+Kungululenu vakulwane navatu vamulifuchi vosenaVezenga kuzuvo yaYehova Kalunga kenu+ mangana vatwenga kawelele kuli Yehova.
15 Lamba mwomwo likumbi lili nakwiza.Likumbi lyaYehova lili hakamwihi.+Naliza nge kunongesa chakuli ou Wangolo Josena.
16 Katweshi navyakulyako.Muzuvo yaKalunga ketu kamweshi kulisamba nakuwahililako.
17 Mbuto* jinalyenyeka.Visete vinasale vyamupolongwa.Vanavipuzula mwomwo jimbuto jamanona jinomu.
18 Vimuna vali nakuteta miteto.Mautanga avangombe ali nakulumbwangila mwomwo kaveshi namwila wakulyako.Mautanga amikoko ali nakuyanjilamo.
19 Nangukusanyika ove Yehova.+Mwomwo kakahya kanocho maulilo amupambo osena,Milangi yakakahya yinocho mitondo yamuchipapa yosena.
20 Tunyama vamuchipapa navakiko vali nakukutondatonda,Mwomwo tulwiji vanomu,Kaha kakahya kanocho maulilo amupambo osena.”
Kwinyikila Chamwishi
^ Ulumbunwiso, “Yehova Ikiye Kalunga.”
^ Chipwe “hamavu.”
^ Chipwe “mulivete hajitulo.”
^ Hepe., “Jilikenu.”
^ Chipwe pamo, “Jikuyu jaumu.”
