Yowele 2:1-32
2 “Imbenu luneta muZeyone.+
Vilikenu luvila lwajita hapili yami yajila.Vaze vatwama mulifuchi* vosena valichikimine,Mwomwo likumbi lyaYehova lili nakwiza,+ kaha lili hakamwihi.
2 Likumbi kana linapu likumbi lyamilima, lyakwilava wi,+Linapu likumbi lyamavwi, lyamilima wi,+Linapu nge kumunyika chakututuka chalikumbi chize nachimunyika hajipili.Kuli vatu vavavulu chikuma, vangolo.+Kanda kupwengaho lyehi vatu vavavulu nganako,Kulutwe nawa kakweshi kukapwa vatu vapwahako,Kaveshi kukapwakoko kuchisemunwino hichisemunwino.
3 Kulutwe lwavo kuli kakahya kaze kali nakwocha vyuma,Munyima yavo nawa muli milangi yize yili nakwocha vyuma.+Kulutwe lwavo kuli lifuchi lize lili nakusoloka nge milemba yaEtene,+Oloze kunyima yavo kuli likundu,Kakweshi chuma nachiyovokako.
4 Vali nakusoloka nge tuvalu,Vali nakulaha nge tuvalu vajita.+
5 Jishindo javo jili nakwivwakana nge kulilima chamatemba omu vali nakutumbwojoka helu lyajipili,+Nge kulilima chamilangi yakakahya yize yili nakwocha visachi.Vanapu nge vatu vangolo vaze vanalitanjika mumazavu ajita akulongesa kanawa.+
6 Vatu veka naveka navalyonyinga mwomwo yavakiko.Vatu vosena navalizuzukila.
7 Veji kulahanga nge vaka-jita,Veji kunyinanga hajikembwe nge maswalale,Mutu himutu eji kutambukanga mujila yenyi,Kaveshi kupyapumuka mujijila javoko.
8 Kaveshi kushinjika vakwavoko.Mutu himutu eji kuyanga mujila yenyi.Kachi nge vamwe vanavalindumuna navitwa,*Vakwavo kaveshi kuhiluka munyimako.
9 Veji kwingilanga munganda jimbushi, veji kulahanga jimbushi hajikembwe.Veji kunyinanga hajizuvo, veji kwingililanga mujinjanena nge mwiji.
10 Mavu anandende, melu analinyiki mwomwo yavakiko.Likumbi nakakweji vinelava wi,+Kaha vatanganyika kaveshi nakumunyikako.
11 Yehova mwahanjika nalizu lyakukanguka kumeso alizavu lyenyi lyavaka-jita,+ mwomwo linatoho chikuma.+Ou ali nakulinga mwaya mazu enyi napu wangolo chikuma.Mwomwo likumbi lyaYehova linapu lyalinene, lyakwivwisa woma.+Iyaze nahase kwimana?”+
12 Oloze Yehova nambe ngwenyi, “Kindulukenu kuli ami namichima yenu yosena numba oholili,+Lijilikenu kulya,+ shikwokenu nakulila jimbimbi.
13 Pulenu michima yenu,+ keshi uvwalo wenuko,+Kindulukenu kuli Yehova Kalunga kenu,Mwomwo apwa wakutetela,* wakeke, wakushipwokela kukwata utenu,+ wazangi yakwilila,+Ngocho mwalumuna vishinganyeka vyenyi halupi ambanga kuminehela.*
14 Iyaze natachikiza, pamo mwatulisa utenu nakwalumuna vishinganyeka vyenyi,*+NakumikisulaHakumihana wana wamanona nawana wavinyo wakuhana Yehova Kalunga kenu.
15 Imbenu luneta muZeyoneVilikenu* lwola lwakulijilika kulya, sanyikenu vatu vezenga kukukunguluka chajila.+
16 Kungululenu vatu, jilikenu lizavu.+Kungululenu vakulwane, navanyike, navakemba vaze vali nakwamwa.+Mwenyamwenga alovoke mukapete kenyi, mwenga nawa alovoke mukapete kenyi.
17 Vapilishitu vaze veji kuzachilanga YehovaVemane mukachi kasenge nalijiko lyakulumbila,+ valile nakwamba ngwavo:‘Ove Yehova, ivwila vatu jove keke.Kanda naulingisa uswana wove vautoleke,Nakuwechelela vauyule kuli vaka-mafuchiko.Mwomwo ika vatu veka naveka navambila ngwavo, “Kalunga kavo ali kulihi?”’+
18 Jino Yehova mwakinga lifuchi lyenyi,Mwatetela vatu jenyi.+
19 Yehova mwakakumbulula vatu jenyi ngwenyi:‘Nangumihana jimbuto jamanona, navinyo vyavihya, namaji,Kaha namukalya nakwikuta.+Kangweshi kukamilingisa vakamitoleke cheka muli vaka-mafuchi ekako.+
20 Nangukahangila vaka-note kwakusuku nayenu.Nangukavamwangila kulifuchi linasale ngundu, lyakuzeneka meya.Lizavu lyavo lyakulutwe nalikatalisa kukalungalwiji wakumututuko,*Lizavu lyavo lyakunyima nalikatalisa kukalungalwiji wakumulauko.*Livumba lyalipi lyavava vaka-note nalikakanduka,+Kunuka chavo chachipi nachikakandukanga lika.Mwomwo Kalunga mwakalinga vyuma vyakukomwesa.’
21 Enu mwatwama mulifuchi, kanda namwivwa womako.Lisambenu nakuwahilila mwomwo Yehova mwalinga vyuma vyakukomwesa.
22 Enu tunyama vamuchipapa, kanda namwivwa womako,Mwomwo maulilo amupambo nawasoka cheka mwila ututa,+Kaha mitondo nayima cheka mihako.+Mikuyu namivinyo nayima mihako yayivulu.+
23 Enu vana vaZeyone, lisambenu nakuwahilila muli Yehova Kalunga kenu,+Mwomwo mwamihana vula yakulivanga yakutamo,Mwaminokesela vula yayinene,Vula yakulivanga nayeyi yakukuminyina nge muze chapwilenga hakavanga.+
24 Vizungwilo navikazala najimbuto jamanona jamwaza,Kaha vikamwino navikazalilila navinyo vyavihya namaji.+
25 Nangukamishishishilamo kweseka namyakaYize vambimba makumbi, navasamuyandulu, namavongolo, navasenya valilenga vyuma,Vaze vapwile liyongomena lyami ngwatumine muli enu.+
26 Namukalya nakwikuta,+Kaha namukalisa lijina lyaYehova Kalunga kenu+Uze namilingila vyuma vyakukomwesa.Enu vatu jami kaveshi kukamivwisa cheka sonyiko.+
27 Namukatachikiza ngwenu nguli muli enu vaIsalele,+Ngwenu ami yami Yehova Kalunga kenu,+ kakweshi wekako.Enu vatu jami kaveshi kukamivwisa cheka sonyiko.
28 Kufumaho, nangukahingunwina shipilitu+ yami hali vatu vosena,Kaha vana venu vamalunga navava vamapwevo navakapolofwetanga,Vakulwane jenu navakalota vilota,Kaha vakweze jenu vamalunga navakamona vyakumwenesa.+
29 Hamakumbi kana, nangukahingunwina shipilitu yamiNahali vandungo jami vamalunga navava vamapwevo.
30 Nangukalinga vyuma vyakukomwesa* mumelu nahamavu.Nakukapwa manyinga, nakakahya nawishi.+
31 Shimbu kanda likumbi lyaYehova+ lyalinene, lyakwivwisa woma lizenga,Likumbi nalikalumuka nakupwa milima, kakweji mwakalumuka kupwa manyinga.+
32 Weshowo mwasanyika halijina lyaYehova navakamulwila.+Mwomwo haPili yaZeyone namuYelusalema namukapwa vaze navakapuluka,+ nge muze nahanjika Yehova,Namukapwa vaze navakayovoka, vaze nasanyika Yehova.”
Kwinyikila Chamwishi
^ Chipwe “hamavu.”
^ Chipwe “namatongo.”
^ Chipwe “wakukokweza.”
^ Chipwe “Ngocho mwevwa kupihya halupi asakanga kuminehela.”
^ Chipwe “nakwivwa kupihya.”
^ Hepe., “Jilikenu.”
^ Kulumbununa, Kalungalwiji waKufwa.
^ Kulumbununa, Kalungalwiji waMendetelenya.
^ Chipwe “vinjikizo.”
