Zefwanyiya 3:1-20
3 Lamba kunganda yakulikanga, nganda yayipi, yaluyanjisa!+
2 Kayevwililileko,+ kayetavilile kuyihanjikilako.+Kayafwelelele Yehovako,+ kayapandamine kuli Kalunga kayoko.+
3 Vilolo jayo vanapu nge vandumba vakutahwoka.+
Vaka-kuyula vatwamamo vanapu nge tungunge naufuku.
Kaveshi kuseza chifuwa palanga nakuchimeneko.
4 Vapolofweto jayo vanapu vakasautu, vaka-kumbembejeka.+Vapilishitu jayo veji kujilululanga vyuma vyajila.+Veji kuhokolanga jishimbi.+
5 Yehova napu wakwoloka munganda kana,+ keshi kulinga chuma chakuhengako.+Chimene hichimene eji kujimbulanga mazu enyi akuyula,Nge omu watwamako musana.Oloze vaka-kuhenga kaveshi kwivwa sonyiko.+
6 “Ngwanongesele vaka-mafuchi, kaha tuposhi twavo vamujimbango vasalile vamupolongwa.Ngwenyekele jijila javo, ngocho kamwahichile mutuko.Jinganda javo jasalile malala, kaha kamwapwile vatuko.+
7 Ngwambile ngwami, ‘Namukangwivwanga woma nakwitavila vyuma nangukaminangula.’*+Ngocho chihela chayo kaveshi kukachinongesako.+Nangukayizangamisa havyuma vyosenevi.Oloze vafwililile kulinga vyuma vyavipi.+
8 Yehova nambe ngwenyi, ‘Nguvandaminenu,*+Palanga nakulikumbi lize nangukeza nakupupa.*Mwomwo ngunayulu ngwami nangukakungulula vaka-mafuchi namawangana,Mangana ngukavahingunwine kulundundu yami, namatoto ami osena.+Matoto ami anapu nge kakahya kaze nakakocha hamavu hosena.+
9 Nangukalumuna lilimi lyavatu veka naveka likapwe lilimi litoma,Mangana vosena vakasanyikenga halijina lyaYehova,Mangana vakalinunge hamwe nakunguzachila.’*+
10 Vatu jami vaze valimwangile, vaze vali nakungulembelela, navakangunehela wana
Kufuma kungalila yatulwiji vaEchopa.+
11 Halikumbi lize, kaveshi kukakwivwisa sonyiHavilinga vyove vize vyakulingishile ulikange kuli amiko.+Nangukafumisa vaka-kulivwimba muli ove,Kaha kaweshi kukalivwimba chekako kupili yami yajila.+
12 Nanguketavisa vatu vakulinyisa, vakulikehesa vakasale muli ove.+Kaha navakachinyina mulijina lyaYehova.
13 VaIsalele vaze navakasalaho+ kaveshi kukalinga vyuma vyakuhengako.+Kaveshi kukongako, chipwe kuhanjika vyuma vyamakuli mutunwa twavoko.Navakalya nakusavala, kaha naumwe wauchi mwakavevwisa woma.”+
14 Ove mwanapwevo Zeyone, twako jingunda.Ove Isalele, kinyinyina.+Ove mwanapwevo Yelusalema,+ lisambe, wahilila namuchima wove wosena.
15 Yehova nafumisako milonga vakuhanyine.+Nakindulwisa vaka-kole jove.+
Yehova, mwangana wavaIsalele ali muli ove.+Kaha kaweshi kukevwa cheka woma walupiko.+
16 Halikumbi lize, navakahanjika kuli Yelusalema ngwavo:“Ove Zeyone, kanda nawivwa womako.+Kanda naulizuzukilako.
17 Yehova Kalunga kove ali muli ove.+Mwakakulwila mwomwo apwa chindume.Mwakalisambila hali ove nakuwahilila chikuma.+Mwakahola kulu* muzangi yenyi.Mwakawahilila hali ove nakutwa jingunda.
18 Nangukakungulula vaze vali nakulinyenga mwomwo yakuhona kupwa kuviwanyino vyove.+Vakusezele mwomwo yakuvatolekela hali ove.+
19 Halwola luze, nangukazangamisa vosena vaze vali nakukuyanjisa.+Kaha nangukalwila vaze vali nakumbilikita,+Nangukakungulula vaze vamwangile.+Nangukavalingisa vakavahane ulemu* nakuvalisangaMumafuchi muze navakavevwishila sonyi.
20 Halwola luze, nangukakindulwisa vatu jove,Nangukakungulula vatu jove hamwe.Omu nangukakindulwisa vatu jove vaze vayile muufunge,Nangukakulingisa vakakwalisenga+ nakukuhana ulemu* kuli vatu veka naveka vosena hamavu.” Omu mukiko mwanambe Yehova.+
Kwinyikila Chamwishi
^ Chipwe “nangukamyolola.”
^ Chipwe “Ngutalililenu.”
^ Chipwe pamo, “nangukakatuka nakupwa nguchinjiho.”
^ Chipwe “nakungulemesa.”
^ Chipwe “Mwakalyungumika; Mwakalihulika.”
^ Hepe., “vakavahane lijina.”
^ Hepe., “nakukuhana lijina.”
