Zekaliya 10:1-12
10 “Lombenu Yehova amihane vula kuchivatuko chavula.Yehova ikiye eji kutenganga mavwi avula,Ikiye eji kuvahananga vula.+Kaha eji kuhananga vosena vyuma vyakusoka hamavu.
2 Vatelafwime* vanahanjika mwakwonga.Vaka-kumona vyuma vyakulutwe vanamono vyuma vyamakuli.Veji kuhanjikanga vilota vyamokomoko,Veji kulishinanga tuhu kuvendejeka vatu,Shikaho navakalumbwangila nge mikoko vakujimbala.Navakayanda, mwomwo kaveshi kukapwa nakafungako.
3 Ngweji kwivwilanga tufunga matoto,Nangukazangamisa vatwamina valuyanjisa.*Mwomwo Yehova wamayongomena nalakana vatu jenyi+ vakuzuvo yaYuta,Kaha navalingisa kupwa nge kavalu kenyi wangolo uze ali kujita.
4 Kuli ikiye kukiko nakukafuma mutu wamulemu,*Kukiko nakukafuma muka-kuyula uze mwakamukafwa.*Kuli ikiye kukiko nakukafuma uta wamanana,Kukiko nakukafuma tulama* vosena.
5 Kaha navakapwa nge vaka-kwasa jita,Navakalyatangila ulova mujijila vali nakuzungila jita.Navakalwa jita, mwomwo Yehova mwakapwa navakiko.+Kaha vaka-kutambukila hatuvalu navakavevwisa sonyi.+
6 Nangukalingisa vaze vakuzuvo yaYuta vakakwate ngolo.Nangukalwila vaze vakuzuvo yaYosefwe,+Nangukavakindulwisa,Mwomwo nangukavatetela.+Navakapwa nge hivatu vaze kanda ngukanengaho lyehi.+Mwomwo ami Yehova yami Kalunga kavo, kaha nangukavakumbulula.
7 VaEfwalime navakapwa nge vaka-kwasa jita vangolo,Navakawahilila mumichima yavo kwijiva nge vananu vinyo.+Vana vavo navakamona chuma kana, kaha navakawahilila.Navakalisambilanga muli Yehova.+
8 ‘Nangukavembila muloji nakuvakungulwila hamwe.Mwomwo nangukavasokola,+ ngocho navakavula,Kaha navakavulilako lika.
9 Nangukavamwangila muli vatu veka naveka kwijiva nge mbuto,Oloze navakangwanukanga kuvihela vyakwakusuku kuze navakapwa.Vakiko navana vavo navakakwata cheka ngolo, kaha navakakinduluka.
10 Nangukavakindulwisa kufuma kulifuchi lyaEjipitu,Nangukavakungulula kufuma kulifuchi lyaAsulya.+Nangukavaneha mungalila yaNgileyate+ naLevanone,Kaha ngalila nayikavakehela.+
11 Nangukahita mukalungalwiji wavihuli.Nangukaveta makimba+ amukalungalwiji.Kaha meya amukalwiji Nyile nawakoma chau.Kulivwimba chavaAsulya nangukachikumisa,Kaha mbwechi yavaEjipitu nayikafumako.+
12 Ami Yehova nangukavalingisa vakakwate ngolo,+Kaha navakatambukanga mulijina lyami.’+ Omu mukiko mwanambe Yehova.”
Kwinyikila Chamwishi
^ Chipwe “Tulunga vamutanga; Tuponya.”
^ Hepe., “vizamba javapembe.”
^ Hepe., “nakukafuma kaposhi kamumbango,” kwimanyinako mutu wamulemu; mwata.
^ Hepe., “nakukafuma lumbambo,” kwimanyinako muka-kukafwa; muka-kuyula.
^ Chipwe “vaka-kuhana vakwavo milimo.”