Zekaliya 11:1-17
11 “Ove Levanone, sokolola vikolo vyoveMangana kakahya kochenga mishitale yove.
2 Enu minjunyipe, kalwomwokenu mwomwo mishitale yinaholoka.Mitondo yangolo vanayenyeka.Enu mitondo yayinene yakuMbashane, kalwomwokenu,Mwomwo musenge wakujika vanawenyeka.
3 Ivwililenu! Tufunga vali nakulila,Mwomwo upahu wavo unanongo.Ivwililenu! Vamyevu javandumba vali nakukangwoka,Mwomwo musenge wakujika wakuYotau vanawenyeka.
4 “Yehova Kalunga kami nambe ngwenyi, ‘Funganga mikoko vaze vanavulukila lyehi kujiha.+
5 Mikoko kana vavajihile kuli vaka-kulanda,+ oloze kavavahanyine mulongako. Kaha vaze veji kuvalanjisanga+ veji kwambanga ngwavo, “Yehova vamwalisenga, mwomwo natupwa naluheto.” Kaha tufunga twavo kaveshi kuvatetelako.’+
6 “Yehova nambe ngwenyi, ‘Kangweshi kukatetela cheka vatu vaze vatwama mulifuchiko. Nangukalingisa mutu himutu vakamujihe kuli mukwavo nakuli mwangana wenyi. Ngocho navakenyeka lifuchi, kaha ami kangweshi kukavapululula mumavoko avoko.’”
7 Enu mikoko vanayanjisa, ngwaputukile kumifungilako mikoko vaze vanavulukila lyehi kujiha.+ Ngwambachile jimbwechi jivali, yimwe ngwayilukile ngwami Kuwaha, yikwavo ngwayilukile ngwami Kulinunga.+ Ngocho ngwaputukile kufunga mikoko.
8 Ngwahangile tufunga vatatu mukakweji umwe mwomwo ngwazeyele kuvatalilila chikoki, kaha vakiko* nawa vanguhungile chikuma.
9 Kaha ngwambile ngwami: “Kangweshi kumifunga likako. Weshowo mwafwa afwenga tuhu, weshowo mwanonga anonge tuhu. Kaha veshovo navasalaho valyenga tuhu nyama yavakwavo.”
10 Ngocho ngwambachile mbwechi yami yize ngwalukile ngwami Kuwaha+ nakuyihokola. Ngwahokwele lushiko lwami luze ngwalishikile navatu vosena.
11 Halikumbi lize, lushiko kana lwahokokele, kaha mikoko vaze vayanjishile, vaze vapwile nakungutala, vejivile ngwavo awa apwile mazu aYehova.
12 Ngwambile kuli vakiko ngwami: “Nge munachimono kupwa chakwoloka, nguhanenu fweto yami. Oloze nge kamute, kaha litwaminenu.” Ngocho vanguhanyine* fweto yami, jimbongo japalata 30.+
13 Jino Yehova ambile kuli ami ngwenyi: “Jihake muchihela chakulamina luheto, mwomwo eyi yikiko ndando vanatomo kungulanjisa.”+ Ngocho ngwambachile jize jimbongo japalata 30 nakujihaka muchihela chakulamina luheto chize chapwile muzuvo yaYehova.+
14 Kaha ngwahokwele nawa mbwechi yami yamuchivali yize ngwalukile ngwami Kulinunga+ mangana nguhokole usoko wavaYuta navaIsalele.+
15 Yehova ambile kuli ami ngwenyi: “Mbata vyuma vize azachisa kafunga wamokomoko.+
16 Mwomwo nangukatula kafunga mulifuchi. Keshi kukazakama mikoko vaze vali nakunongako.+ Keshi kukatondatonda vana vamikoko vaze vanajimbala, chipwe kuka vaze vanalemana,+ chipwe kulisa vaze vanahase kwimanako. Oloze mwakalya nyama yamikoko vakununa+ nakupula jisende jamikoko.+
17 Lamba kuli kafunga kami wamokomoko+ uze naseze mikoko.+Poko yamukwale nayilemeka livoko lyenyi naliso lyenyi lyakuchilyo.Livoko lyenyi nalisoseka,Kaha liso lyenyi lyakuchilyo nalifwa.”*
Kwinyikila Chamwishi
^ Chipwe “kaha myono yavo.”
^ Hepe., “vangupiminyine.”
^ Hepe., “nalifuvalala.”
