Zekaliya 2:1-13
2 Ngwatalile, kaha ngwamwene lunga nakwate mukole wakupimisa+ mulivoko lyenyi.
2 Ngocho ngwamwihwile ngwami: “Uli nakuya kulihi?”
Angukumbulwile ngwenyi: “Nguli nakuya nakupima Yelusalema muwihi namuusuku.”+
3 Kangelo uze apwile nakuhanjika kuli ami alovokele, kaha kangelo weka ejile nakumuhumangana.
4 Jino ambile kuli ikiye ngwenyi: “Lahila kuli uze lunga umulweze ngwove, ‘“Vatu navakatwama+ muYelusalema nge omu navatwama mumembo akuzeneka jikembwe, mwomwo yakuvula chavo nakuvula chavimuna.+
5 Nangukapwa nge ngukembwe yakakahya kuyikiko jingulwishi ndo,+ kaha upahu wami naukapwa mukachi kayo.” Omu mukiko mwanambe Yehova.’”+
6 Yehova nambe ngwenyi: “Twayenu! Twayenu! Chinenu mulifuchi lyakunote.”+
Yehova nambe ngwenyi: “Ngunamimwangila kujipeho jiwana jamumelu.”+
7 “Enu vaka-Zeyone, twayenu! Enu muli nakutwama namwanapwevo Mbavilone,+ chinenu.
8 Yehova wamayongomena uze vanatohwesa, uze nangutumu kuli vaka-mafuchi vaze vamipupilenga nambe ngwenyi:+ ‘Weshowo mwamikwata, nakwate hakatutu kahaliso lyami.*+
9 Mwomwo nanguvolwela livoko lyami nakuvazangamisa, kaha navapwa jino vyuma vize navakapukula kuli vandungo javo.’+ Ngocho namukatachikiza ngwenu Yehova wamayongomena ikiye nangutumu.”
10 Yehova nambe ngwenyi: “Ove mwanapwevo Zeyone,+ twako jingunda. Mwomwo nguli nakwiza+ nakutwama muli ove.+
11 Vaka-mafuchi amavulu navakeza kuli ami Yehova halikumbi lize,+ navakapwa vatu jami. Kaha nangukatwama muli ove.” Ngocho namukatachikiza ngwenu Yehova wamayongomena ikiye nangutumu.
12 Yehova mwakaheta Yuta kupwa luheto lwenyi hamavu ajila, kaha mwakasakula cheka Yelusalema.+
13 Enu vatu muvosena, holenu kulu kumeso aYehova, mwomwo mwalovoka muchihela chenyi chajila.
Kwinyikila Chamwishi
^ Chipwe “nakwate haliso lyami.”
